Ողջույնի խոսք

Հարգելի´ քաղաքացիներ


Գաղտնիք չէ, որ ամբողջ աշխարհում տարեցտարի չարորակ հիվանդությունների աճ է գրանցվում: Ցավոք, այս առումով բացառություն չէ նաև Հայաստանը: Միաժամանակ ուռուցքային հիվանդություններից մահացության ցուցանիշը հիմնականում ունի անկման միտում: Ժամանակակից գիտության և բժշկության առաջընթացը թույլ է տալիս հաջողությամբ բուժելու քաղցկեղի բազմաթիվ տեսակներ, որոնք նախկինում  համարվում էին դատավճիռ:

 

ՀՀ ԱՆ Ուռուցքաբանության ազգային կենտրոնի բուժանձնակազմը ջանք ու եռանդ չի խնայում չարորակ հիվանդությունների դեմ պայքարում նշանակալից արդյունքներ գրանցելու համար: Կենտրոնը ուռուցքաբանության ոլորտում ունի գիտական և կլինիկական մեծ ներուժ և փորձ: Ուռուցքաբանության ազգային կենտրոնի բժիշկները պարբերաբար կատարելագործում են իրենց հմտությունները արտասահմանյան առաջատար կլինիկաներում անցկացվող վերապատրաստումների շնորհիվ, իսկ տեսական գիտելիքներն ընդլայնում են տեղական և միջազգային կոնֆերանսներին, գիտաժողովներին, սեմինար-խորհրդակցություններին իրենց ակտիվ մասնակցությամբ:

 

Հիվանդների բուժումն իրականացվում է միջազգային ամենահեղինակավոր կլինիկական ուղեցույցների հիման վրա: ՀՀ Ուռուցքաբանության ազգային կենտրոնը իր որակյալ և արդյունավետ գործունեության համար որդեգրել է “բարձրորակ մասնագետ, բարեխիղճ վերաբերմունք, արդյունավետ բուժում” սկզբունքը, որով և առաջնորդվում է:


Մենք կարևորում ենք Ձեր առողջությունը:

 

ՆԱՐԵԿ ՄԱՆՈՒԿՅԱՆ

 

 

Լուրեր, հայտարարություններ
Հիվանդության հետ միայնակ մի՛ մնացեք 23.09.2019

Շոկը, ցրված լինելը և վախն այն առաջին զգացողություններն են, որոնք ունենում է մարդը, ում մոտ քաղցկեղ է ախտորոշվել։ «Ինչու՞ հենց ես։ Ինչի՞ համար։ Ի՞նչ անել հետո։» — մտքերն ու հույզերը հորդում են ինչպես ցունամի և լցնում ուղեղը...

ՀԱՅՏԱՐԱՐՈՒԹՅՈՒՆ 19.09.2019

Վ.Ա. Ֆանարջյանի անվան ուռուցքաբանության ազգային կենտրոնը աշխատանքի է հրավիրում աշխատանքային փորձ ունեցող բուժքույրերի և լաբորանտների...

Քաղցկեղի ախտանիշները. եղե՛ք իրազեկված` ժամանակին բուժվելու համար 11.09.2019

Արդյո՞ք մենք շատ բան գիտենք քաղցկեղի մասին: Մարդկանց մեծամասնությունը համոզված է, որ դա ամենավտանգավոր հիվանդությունն է, չնայած, ըստ վիճակագրության, մահվան գլխավոր պատճառն աշխարհում սիրտ-անոթային...

Հաճախ տրվող հարցեր