Նորություններ
Քիմիաթերապիայից հետո իմունային համակարգի վերականգնումը կրծքագեղձի քաղցկեղի ժամանակ
Քիմիաթերապիայից հետո իմունային համակարգի վերականգնումը կրծքագեղձի քաղցկեղի ժամանակ
16.03.2017

Գնահատելով կրծքագեղձի քաղցկեղ վերապրած կանանց մոտ քիմիաթերապիայի երկարաժամկետ հետևանքները՝ գիտնականները հայտնաբերեցին, որ հիվանդների իմունային համակարգը թուլացած է բուժման ավարտից հետո նվազագույնը ինն ամիսների ընթացքում: Դա կարող է թուլացնել օրգանիզմի դիմադրողականությունը այնպիսի ծանր վարակների նկատմամբ, ինչպիսիք են թոքաբորբը և փայտացումը, նույնիսկ, եթե կինը նախկինում պատվաստում է ստացել: Հետազոտության արդյունքները հրապարակվել են Breast Cancer Research պարբերականում:

 

Հետազոտության գլխավոր հեղինակներից Թոմաս Հյուգսը (Մեծ Բրիտանիայի Լիդսի   համալսարանի (University of Leeds)  բժշկության ամբիոնի գիտաշխատող) ասում է.  «Մենք զարմացած էինք, որ քիմիաթերապիայի հետևանքներն այդքան երկար են պահպանվում»: Քիմիաթերապիայի պատրաստուկները դեղեր են, որոնք «հարձակվում» են արագ բաժանվող բջիջների վրա, առաջին հերթին` քաղցկեղային բջիջների վրա: Սակայն կարմիր ոսկրածուծի  բջիջները ևս բավականին ակտիվ են բաժանվում, այդ պատճառով նրանք այս կամ այն չափով քիմիաթերապիայի ընթացքում վնասվում են: Չէ՞ որ հենց կարմիր ոսկրածուծում են առաջանում լեյկոցիտները՝ իմունային համակարգի բջիջները: Որոշ լիմֆոցիտներ և հակամարմիններ թուլացած էին ինն ամիսների ընթացքում:

 

Գիտնականները հետևեցին կրծքագեղձի առաջնային քաղցկեղով  88 հիվանդի՝ քիմիաթերապիայից 2 շաբաթ անց մինչև 9-րդ ամիսը: Հետազոտության ընթացքում կանանց մոտ վերահսկվում էին իմունային համակարգի տարբեր օղակները, այդ թվում` հակամարմինների և լեյկոցիտների խմբի՝ լիմֆոցիտների ակտիվությունը: Արդյունքները ցույց տվեցին, որ վիրուսների և մանրէների դեմ պաշտպանությունն ապահովող լիմֆոցիտների հիմնական տեսակների  (T-լիմֆոցիտներ, B-լիմֆոցիտներ) մակարդակը զգալիորեն նվազում է քիմիաթերապիայի կուրսից հետո: B-լիմֆոցիտները պատասխանատու են հակամարմինների արտադրության համար, իսկ T-լիմֆոցիտների հատուկ տեսակները  (T-օգնական բջիջները) օգնում են նրանց այդ հարցում: Հակամարմիններն անհրաժեշտ են, որպեսզի իմունային համակարգը կարողանա հայտնաբերել և ոչնչացնել հիվանդաբեր միկրոօրգանիզմները:

 

Գիտնականները հայտնաբերեցին, որ թոքաբորբ և փայտացում առաջացնող մանրէների նկատմամբ առաջացող հակամարմինների մակարդակը կտրուկ նվազում է քիմիաթերապիայից հետո, և նրանց մակարդակը շարունակում է ցածր մնալ ինն ամսվա ընթացքում: Տարբեր քիմիաթերապևտիկ պատրաստուկներ իմունիտետն ընկճում են տարբեր աստիճանով: Հետազոտողները որոշեցին համեմատել քիմիաթերապիայի տարբեր տեսակներն՝ ըստ իմունիտետն ընկճելու հատկության: Նրանք հայտնաբերեցին, որ, մասնավորապես, անտրացիկլինների խմբի պատրաստուկներով բուժումը B-լիմֆոցիտների և T-օգնականների քանակը նվազեցնում է միայն սկզբնական շրջանում , իսկ հետո նրանց նորմալ մակարդակը վերականգնվում է: Սակայն, եթե անտրացիկլիններով քիմիաթերապիայից հետո տաքսանով կուրս իրականացվի, B-լիմֆոցիտների և T-լիմֆոցիտների մակարդակը չի վերականգնվի: Հ

 

ետազոտության հեղինակները նշում են, որ ծխելն ազդում է քիմիաթերապիայի կուրսից հետո իմունային բջիջների վերականգնման վրա: Ծխողների մոտ նրանց մակարդակը վերականգնվում է 50%-ով, չծխողների մոտ՝ 80%-ով: Բժիշկ Հյուգսն ասում է, որ իրենք՝ գործընկերների հետ միասին, զարմացած էին՝  հայտնաբերելով քիմիաթերապիայի տեսակի և ծխելու ազդեցությունն իմունային համակարգի վերականգնման աստիճանի վրա. « Հնարավոր է, մենք ստիպված լինենք կրծքագեղձի քաղցկեղով կանանց իմունային համակարգի վիճակը դիտարկել բուժման պլանավորման հեռանկարում, սակայն անհրաժեշտ են լրացուցիչ հետազոտություններ, որպեսզի պարզենք, արդյոք դա կլավացնի բուժման արդյունքներն` ընդհանուր առմամբ»: Գիտնականները նաև բարձրացնում են քիմիաթերապիայի կուրսից հետո որոշ վարակների նկատմամբ կրկնակի պատվաստման անհրաժեշտության հարցը:

 

Հետազոտության հեղինակները նախազգուշացնում են. քիմիաթերապիայի, ծխելու և իմունային համակարգի միջև ընդամենը կապ է  հայտնաբերված: Սակայն  չի կարելի պնդել, որ այս գործոններից մեկն ուղղակիորեն ազդում է մյուսների վրա:  Իմունիտետի իջեցումը քիմիաթերապիայի հնարավոր կողմնակի ազդեցություններից  ընդամենը մեկն է, լինում են նաև այլ բարդություններ: Ճիշտ ընտրված օժանդակ բուժումը օգնում է դրանք նվազագույնի հասցնել: Եվրոպական կլինիկայում այդ հարցերին մենք մեծ ուշադրություն ենք դարձնում: Քաղցկեղի բուժումը կարող է հարմարավետ լինել:


Աղբյուրը. medicalnewstoday.com

Լուրեր, հայտարարություններ
Մոռացեք ծնկի ցավի մասին․ մեր մասնագետը պատրաստ է Ձեզ օգնել 12.07.2023

Արթրոսկոպիան համարվում է ոսկե ստանդարտ ներհոդային պաթոլոգիաների ախտորոշման ժամանակ: Այն վիրաբուժական միջամտություն է, որը քիչ ինվազիվ եղանակով հնարավորություն է տալիս ներսից հետազոտելու վնասված ծնկահոդը, հայտնաբերելու գանգատների պատճառը, կատարելու ծնկահոդի վերականգնողական վիրահատություններ:

Ոլորտում՝ առաջիններից․ Արևիկ Ստեփանյանը խոսել է ՈՒԱԿ-ի՝ էլեկտրոնային համակարգի անցնելու մասին 06.07.2023

Հ․Գ․ Նշենք, որ Ուռուցքաբանության ազգային կենտրոնը պետական առաջին կառույցներից է, որտեղ ներդրվել է առողջապահական տեղեկատվական համակարգը։

ՀՀ ԱՆ Վ․Ա․ Ֆանարջյանի անվան Ուռուցքաբանության ազգային կենտրոնը հանդիսանում է Հայաստանի 6-րդ միջազգային բժշկական համագումարի գործընկերը (6 IMCA) 04.07.2023

Ուրախ կլինենք հանդիպելու և քննարկելու ոլոտի արդի մարտահրավերները, կիսվելու ոլորտային առաջադիմական փորձով:

Հաճախ տրվող հարցեր