Մեր մասին
Ընդունարան եվ Ամբուլատորիա
Ախտորոշման ծառայություն
Լաբորատոր հետազոտություններ
Կլինիկա
Տեսասրահ
Հետադարձ կապ
Հոկտեմբերի 3-ից 20-ը ՀՀ ԱՆ Վ.Ա. Ֆանարջյանի անվան ուռուցքաբանության ազգային կենտրոնի մամոլոգիական բաժանմունքում հայտնի ամերիկահայ վիրաբույժ Արթուր Հակոբի Սալիբյանի կողմից կատարվում են կրծքագեղձի վերականգնողական (ռեկոնստրուկտիվ), օնկոպլաստիկ վիրահատություններ. կրծքագեղձի քաղցկեղի բուժում՝ հեռացում միաժամանակյա պլաստիկայով: Կվիրահատվեն նաև կանայք, որոնց կրծքագեղձը հեռացվել է նախկինում. հեռացված կրծքագեղձի վերականգնում ինչպես մարմնի սեփական հյուսվածքներից, այնպես էլ իմպլանտների կամ էկսպանդերների կիրառմամբ:
Վիրահատության համար անհրաժեշտ սիլիկոնե իմպլանտները և էքսպանդերները բարեգործական հիմունքներով տրամադրվում են անվճար:
Իրականացվում են նաև վիրահատություններ, որոնց դեպքում կուրծքը հեռացվում է ենթամաշկային եղանակով, այսինքն՝ պահպանվում են և՛ մաշկը և՛ պտուկը, որին անմիջապես հաջորդում է պլաստիկ վիրահատությունը:
Բժիշկ Սալիբյանի հետ համագործակցությունը թույլ է տալիս ընդօրինակել կրծքագեղձի օնկօպլաստիկայի ամերիկյան փորձը և զարգացնել այն մեր կենտրոնում:
