Նորություններ
Կանանց խորհուրդ է տրվում մշտապես ուշադիր լինել կրծքագեղձի նկատմամբ և պարբերաբար հետազոտվել
Կանանց խորհուրդ է տրվում մշտապես ուշադիր լինել կրծքագեղձի նկատմամբ և պարբերաբար հետազոտվել
01.02.2018

Ուռուցքաբանության ազգային կենտրոնում իրականացվում է կրծքագեղձի հետազոտություն նոր թվային մամոգրաֆով և տոմոսինթեզով:


Թվային մամոգրաֆիայի առավելությունը նրանում է, որ հետազոտության արդյունքներն ավելի հավաստի են, հնարավորինս դյուրին է գեղձային խիտ կրծքի հետազոտությունը, և թույլ է տալիս մանրակրկիտ վերլուծել ու հայտնաբերել միկրոկալցիֆիկատները:


Տոմոսինթեզով թվային մամոգրաֆիա հետազոտության առանձնահատկություններն են` փոքր քաղցկեղների հայտնաբերումը, գոյացությունների եզրերի, չափի, տեղակայման ավելի ստույգ որոշումը, բոլոր ուռուցքների հայտնաբերումը՝ քաղցկեղի բազմաօջախային աճի դեպքում:

Թվային մամոգրաֆիայի շնորհիվ մեծացել է հետազոտությունների արագությունը, ռենտգեն պատկերները ստացվում են համակարգչի էկրանին, կրճատվել է հետազոտության ժամանակը, հեշտացել է կրծքագեղձի ռենտգեն պատկերների պահպանումը։ Մասնագետը կարող է աշխատել էկրանին ռենտգեն պատկերների վրա` մեծացնելով դրանց չափն ու ինտենսիվությունը, նաեւ կարող է համեմատության համար էկրանի վրա նոր պատկերների կողքին հին պատկերները դիտել։

 


Կանանց խորհուրդ է տրվում մշտապես ուշադիր լինել կրծքագեղձի նկատմամբ, յուրաքանչյուր ամիս՝ դաշտանային ցիկլից հետո, շոշափել կուրծքը եւ ուշադրություն դարձնել ձեւին, հասկանալ, թե կուրծքն ու պտուկը ներքաշվա՞ծ են, թե` ոչ։ Շոշափելիս ինչ-որ նոր բան նկատելու դեպքում պետք է անհապաղ դիմել բժշկի:


Մինչեւ 35 տարեկան կանանց խորհուրդ է տրվում կրծքագեղձի ուլտրաձայնային հետազոտություն անցնել տարին մեկ անգամ։ 35-40 տարեկանում խորհուրդ է տրվում մեկ անգամ մամոգրաֆիա անցնել` բազային մամոգրամա ունենալու համար։ 40-50 տարեկանում կանայք պետք է 2 տարին մեկ անգամ մամոգրաֆիա անցնեն, իսկ 50-ից հետո՝ տարին մեկ անգամ:

 


Կարևորե՛ք Ձեր առողջությունը, և ավելի վաղ դիմեք բժշկի` հետագա բարդություններից խուսափելու համար:

 

Բժիշկ-ռադիոլոգ՝

Հասմիկ Գուրգենի Դավթյան
Խորհրդատվության գրանցման և մանրամասների համար զանգահարել.
հեռախոս. +374 91 42 89 69
www.oncology.am  

Լուրեր, հայտարարություններ
Միջուկային բժշկության Եվրոպական ասոցիացիայի (EANM) 31-րդ կոնգրեսում Հայաստանը ներկայացնում էր Ուռուցքաբանության ազգային կենտրոնը 14.11.2018

2018թ. հոկտեմբերի 13-ից 17-ը Գերմանիայի Դյուսելդորֆ քաղաքում տեղի ունեցավ Միջուկային բժշկության Եվրոպական ասոցիացիայի (EANM) 31-րդ կոնգրեսը։ Կոնգրեսին մասնակցում էին ավելի քան...

Կլինիկական դեպք ՈՒԱԿ-ում 12.11.2018

Հիվանդը Գևորգյան Ա, ծնված 1960թ-ին դիմել է ՈՒԱԿ, որտեղ ախտորոշվել է ստամոքսի անթրալ հատվածի քաղցկեղ, 30.10.18թ-ին կատարվել է որովայնահատում՝ լապարատոմիա։ Իրականացվել է ստամոքսի դիստալ (3/4-րդ) հատվածի ենթաամբողջական...

Ուռուցքաբանության Ազգային կենտրոնում բացվել է երկու հիմնանորոգված բաժանմունք 08.11.2018

Ա.Ֆանարջյանի անվան Ուռուցքաբանության Ազգային կենտրոնում տեղի ունեցավ միանգամից երկու հիմնանորոգված բաժանմունքների բացում։ Շահագործման հանձնվեցին «Օնկոգինեկոլոգիայի» ինչպես նաև «Որովայնային և Էնդովիրաբուժության» բաժանմունքները...

Հաճախ տրվող հարցեր