Նորություններ
Ինֆուզիոն պորտ համակարգի նշանակությունը քիմիաթերապիայի բուժման գործընթացում
Ինֆուզիոն պորտ համակարգի նշանակությունը քիմիաթերապիայի բուժման գործընթացում
19.02.2018

Ներկայումս Ուռուցքաբանության ազգային կենտրոնում գործում է Հանրապետությունում ինֆուզիոն պորտ համակարգի ամենամատչելի տեղադրումը (port-a-cath` պորտակատ), որը կիրառվում է քիմիաթերապիայի դեղերի ներարկման համար: Քիմիաթերապևտիկ դեղամիջոցները այս եղանակով ներարկելը անհամեմատ ավելի հեշտ ընթացք է ունենում պացիենտի համար: Կարիքը չի լինում ամեն գործողության համար կրկնակի ներերակային սրսկումներ անել, իսկ երբեմն բուժումը կարող է տևել ամիսներ:


Նկարագիր


Պորտ համակարգն իմպլանտացվող համակարգ է և տալիս է մուտք դեպի կենտրոնական երակային համակարգ: Պորտ համակարգի միջոցով դեղը` մուտք գործելով կենտրոնական երակային համակարգ, անմիջապես խառնվում է մեծածավալ արյան հետ և առավել արդյունավետ է տարածվում քիմիաթերապիա ստացող պացիենտների ամբողջ օրգանիզմով:


Ի՞նչ է պորտ համակարգը


Պորտ համակարգը կազմված է երկու մասից. պորտ և կաթետր: Պորտը ոչ մեծ տարա է, որն իմպլանտացվում է կրծքավանդակի վերին հատվածում` մաշկի տակ:


Պորտին միանում է կաթետերը, որի միջոցով համակարգը միակցվում է կենտրոնական երակային համակարգին:

 

Ինֆուզիոն պորտ համակարգի նշանակությունը քիմիաթերապիայի բուժման գործընթացում
Ինչու՞ է անհրաժեշտ պորտ կաթետերը


Բուժման ժամանակ անընդհատ երակային մուտքի կարիք է լինում: Տոքսիկ դեղորայքը, հատկապես քիմիաթերապևտիկ դեղերը, վնասում են փոքր տրամաչափի երակները և հետագա ներարկումները լինում են ցավոտ: Ունենալով մուտք դեպի կենտրոնական երակային համակարգ, թերապիան իրականացվում է առավել հարմարավետ և անվտանգ:


Ինչպե՞ս է տեղադրվում պորտ կաթետերը


Ինֆուզիոն պորտը մոտավորապես 4 սմ տրամագծով և 2 սմ հաստությամբ տարա է, որը ներսից ծածկված է բիոիներտ պոլիմերով: Վերին հատվածը ծածկված է բազմաշերտ սիլիկոնե թաղանթով, որտեղից իրականացվում է դեղերի ներարկումը:


Տարային միացվում է կաթետեր, որի դիստալ հատվածը միակցվում է կենտրոնական երակային համակարգին (ենթանրակային կամ ներքին լծային երակների:


Մոտավորապես 1 ժամ տևողությամբ միջամտությունն իրականացվում է ռենտգեն վիրաբուժական սենյակում, տեղային կամ ներերակային անզգայացմամբ, որից հետո պացիենտը մնում է ստացոնարում ևս 4 ժամ: Միջամտության ժամանակ կատարվում է փոքր կտրվածք և ներմաշկային գրպանիկի ձևավորում՝ կրծքավանդակի վերին հատվածում տարայի տեղադրման համար: Այնուհետև միացվում է կաթետերը, որի դիստալ հատվածը` ռենտգեն հսկողության ներքո, իջեցվում է մինչև վերին սիներակի ստորին 1/3 հատվածը: Անհրաժշտության դեպքում, հենց հաջորդ օրը պացիենտը կարող է քիմիաթերապիա ստանալ: Ցանկալի է պորտ կաթետերը տեղադրել քիմիաթերապիա ստանալուց առնվազն տասը օր առաջ:

 

Ինֆուզիոն պորտ համակարգի նշանակությունը քիմիաթերապիայի բուժման գործընթացում


Ինչպե՞ս է իրականացվում պորտի խնամքը


Պորտի տեղադրումից հետո, նվազագույնը ամիսը մեկ անգամ, այն պետք է, այսպես ասած լվանալ, որպեսզի խուսափենք կաթետերի խցանումից: Պորտը կարելի է հեռացնել բուժման ամբողջական կուրսն ավարտելուց հետո, ինչպես նաև` եթե խնդիրներ չեն առաջացել, կարելի է թողնել, քանի որ տվյալ խմբի պացիենտներն անընդհատ երակային ներարկումների կարիք են ունենում: Հնարավոր է նաև լաբորատոր հետազոտությունների համար պորտի միջոցով արյուն վերցնել:


Ի՞նչ ռիսկեր ունենք


Նորագույն տեղնոլոգիաները՝ռենտգենի և ուլտրաձայնի առկայությունը, թույլ են տալիս ռիսկերը նվազագույնի հասցնել:


Կան վերքի ինֆեկցվելու հետ կապված ոչ մեծ ռիսկեր:Կարևոր է տիրապետել պացիենտի ալերգիաների նկատմամբ տեղեկատվությանը:


Տիգրան Սամվելի Պողոսյան
Ինվազիվ սրտաբան, ինվազիվ ուռուցքաբան
Խորհրդատվության համար զանգահարել`
Բջջ` +374 55 48 05 49
          +374 91 48 05 49
Էլ.փոստ`t.poghosyan@yahoo.com

Լուրեր, հայտարարություններ
Գիտնականները կարողացան տեսնել, թե ինչպես է իմուն համակարգը հաղթում COVID-19-ին 31.03.2020

Ավստրալացի գիտնականները կարողացել են մանրամասնորեն տեսնել, թե ինչպես է մարդու իմուն համակարգը նոր կորոնավիրուսով վարակումից հետո սկսում պայքարել COVID-19-ի դեմ...

Մեկնարկել է Տրաստուզումաբ դեղով կրծքագեղձի քաղցկեղի բուժման ծրագիրը 26.03.2020

Մարտի 25-ից մեկնարկել է «Վաղ փուլի դրական «Her2/Neu» կրծքագեղձի քաղցկեղի տրաստուզումաբ դեղով բուժման ծրագիրը»: Այն կիրականացվի 2020-2023 թվականների ընթացքում: Առողջապահության նախարարի հրամանով...

«Շնորհակալություն քեզ, կորոնավիրուս, որ մեզ ստիպեցիր վերագնահատել մեր կյանքը»․ քաղցկեղով հիվանդի ուղերձը 25.03.2020

Քաղցկեղով հիվանդ տղամարդը նամակ-ուղերձով դիմել է մեզ։ Ստորև ներկայացնում ենք այն։ Ես Գագոն եմ, վաթսունականներին, ավելի կոնկրետ 1961 թվականի մայիսի 6-ին ծնված, ութսունականներին «պոլիտեխնիկ» ավարտած։ Այդ ժամանակ․․․

Հաճախ տրվող հարցեր