Նորություններ
Նոր սարք ՈՒԱԿ-ում՝ Ventana Banch Mark HP. սարքի միջոցով կատարվող հետազոտությունների հնարավորությունների և արդյունքների մասին, մանրամասնում է Զարուհի Հարությունյանը
Նոր սարք ՈՒԱԿ-ում՝ Ventana Banch Mark HP. սարքի միջոցով կատարվող հետազոտությունների հնարավորությունների և արդյունքների մասին, մանրամասնում է  Զարուհի Հարությունյանը
01.03.2018

Հայտնի է, որ Վ.Ա.Ֆանարջյանի անվան Ուռուքաբանության ազգային կենտրոնը, վերջերս համալրվել է տարածաշրջանում իր տեսակի մեջ եզակի,ամերիկյան արտադրության Ventana Banch Mark HP սարքով:


Ի՞նչ է այն իրենից ներկայացնում և ինչի՞ համար է նախատեսված այս սարքը, մանրամասնում է  Զարուհի Հարությունյանը:

–   Հեռացված ուռուցքը, կամ բիոպսիայի արդյունքում վերցված նմուշը մշակվում է սարքի միջոցով: Այս սարքով հետազոտությունը հնարավորություն է տալիս ճիշտ ախտորոշել ուռուցքի տեսակը և ստանալ այլ մանրամասնություններ հիվանդության մասին: Սարքի ամենակարևոր առավելություններից են՝ բացառիկ որակը, որտեղ բացառվում է մարդկային գործոնը և հետազոտության կարճ ժամանակը:

Ventana Bench Mark  ամերիկյան արտադրության սարքը լիովին ավտոմատացված համակարգ է, որը նախատեսված է իմունահիստոքիմիական և հիբրիդիզացիա in situ հետազոտությունների համար: Սարքը ավտոմատացված համակարգով կատարում է հյուսվածաբանական նմուշների մշակման բոլոր փուլերը՝ ընդգրկելով պարաֆինազրկումը, հակագեների դեմասկիրովկան, այնուհետև ներկումը հեմատոքսիլինով:

–   Խոսենք, մասնավորապես, սարքի ընձեռած հնարավորությունների և առավելությունների մասին:
 
–   Ventanan ապահովում է ստանդարտիզացիան և հետազոտությունների բարձր որակը: Բազմաֆունկցիոնալ այս սարքը թույլ է տալիս կատարել միաժամանակ կատարվող, և իրարից անկախ տարբեր հետազոտություններ:


Մեր կենտրոնում այս հետազոտությունները կատարվում են 2012թ-ից, սակայն մինչ օրս, ինչպես մեր կենտրոնում,այնպես էլ հանրապետության մյուս բուժհաստատություններում կատարվում էր ձեռքով. այսինքն՝ մանուալ եղանակով, որի ժամանակ կարևոր նշանակություն ունի, ինչպես մարդկային գործոնը, այնպես էլ արտաքին ազդակները (օդի ջերմաստիճանը, միջավայրի խոնավությունը և այլն): 
Այս նոր սարքի միջոցով իրականացվող հետազոտությունների արդյունքում սխալվելու հավանականությունը հասցված է մինիմալի, առավելություններից մեկն  էլ այն է, որ թույլ է տալիս հետազոտել միաժամանակ 20 հյուսվածաբանական նմուշներ, անկախ հետազոտվող հակամարմիններից: Հետազոտության ժամկետը կազմում է 4ժ 15ր, այսինքն մեկ աշխատանքային օրվա ընթացքում մենք  հնարավորություն ունենք հետազոտել առնվազն 60 հյուսվածաբանական նմուշներ:

 


 
–   Կա՞ն արդյոք հակացուցումներ, և ո՞ր դեպքերում կիրառելի չէ ախտորոշման այս մեթոդը:


–   Իմունոհիստոքիմիական հետազոտության ցուցումը դնում է մորֆոլոգը, վիրաբույժը և քիմիաթերապևտը: Կարելի է ասել բացարձակ հակացուցումներ չկան այս հետազոտությունը կատարելու համար:
 
–   Որքանո՞վ է արդյունավետ Ventana սարքիմիջոցով հիվանդության ախտորոշումը, և արդյո՞ք հիվանդը կարող է  ակնկալել 100% արդյունք:

–   Սարքը ապահովում է բացարձակ 100% որակ հետազոտվող հյուսվածաբանական նմուշների, բայց պետք է հաշվի առնել, որ վերջնական արդյունք տալիս է բժիշկը:
Մեր բաժանմունքի բժիշկները, ովքեր զբաղվում են  իմունոհիստոքիմիական հետազոտություններով անցել են բազմաթի վերապատրաստումներ և ԱՊՀ երկրներում, և Եվպրոպական մի շարք երկրներում: Նրանք համարվում են բարձրորակ մասնագետներ, և լիարժեք տիրապետում են իրենց մասնագիտությանը:

–   Արդյո՞ք ախտորոշման այս մեթոդը հասանելի է մեր քաղաքացիների համար:

Հաշվի առնելով իմունոհիստոքիմիական և հիբրիդրազացիայի հետազոտման կարևորությունը բուժման ռազմավարությունը ընտրելու համար՝ գինը շատ ավելի մատչելի է, քան Եվրոպայում կամ ԱՄՆ-ում:

Լուրեր, հայտարարություններ
Հրապարակվեցին բժշկագիտության ասպարեզում Նոբելյան մրցանակի դափնեկիրների անունները 09.10.2019

Բժշկագիտության ասպարեզում 2019 թվականի Նոբելյան մրցանակի դափնեկիրները...

Մահացել է պրոֆեսոր Սամվել Կարապետի Քարամյանը 26.09.2019

ՀՀ ԱՆ Ուռուցքաբանության ազգային կենտրոնի անձնակազմը խորը վշտով հայտնում է պրոֆեսոր Սամվել Կարապետի Քարամյանի անժամանակ մահվան բոթը: Պրոֆեսոր Քարամյանը, լինելով մեծ...

Հիվանդության հետ միայնակ մի՛ մնացեք 23.09.2019

Շոկը, ցրված լինելը և վախն այն առաջին զգացողություններն են, որոնք ունենում է մարդը, ում մոտ քաղցկեղ է ախտորոշվել։ «Ինչու՞ հենց ես։ Ինչի՞ համար։ Ի՞նչ անել հետո։» — մտքերն ու հույզերը հորդում են ինչպես ցունամի և լցնում ուղեղը...

Հաճախ տրվող հարցեր