Նորություններ
Կրծքագեղձի մետաստատիկ քաղցկեղով կանանց կարելի է օգնել. Երեւանում քննարկում են բուժման նորագույն մոտեցումները
Կրծքագեղձի մետաստատիկ քաղցկեղով կանանց կարելի է օգնել. Երեւանում քննարկում են բուժման նորագույն մոտեցումները
17.03.2018

Անցյալում կրծքագեղձի HER2-դրական քաղցկեղով տառապող կանանց մեծամասնությունը դատապարտված էր, հատկապես եթե այն հայտնաբերվում էր ուշ փուլերում։ Այսօր, սակայն, կան բուժման նորագույն մեթոդներ, որոնք հնարավորություն են տալիս եթե չբուժել,գոնե երկարացնել կյանքը եւ առավելագույնս բարձրացնել դրա որակը։

NEWS.am Medicine-ի թղթակցի հետ զրույցում Ուռուցքաբանության ազգային կենտրոնի ուռուցքաբան, ՀՀ ԱՆ գլխավոր քիմիաթերապեւտ Հասմիկ Պետրոսյանը նշել է, որ կրծքագեղձի HER2-դրական մետաստատիկ քաղցկեղի բուժման ժամանակ կիրառվող  նորագույն դեղամիջոցներից մեկը՝ տրաստուզումաբ էմտանզինը Հայաստանում գրանցվել է մոտ 2 ամիս առաջ։ Այս դեղամիջոցի կիրառման փորձը Հայաստանում շատ քիչ է, այդ պատճառով տեղի մասնագետների հետ փորձի փոխանակման նպատակով Հայաստանում է ռուսաստանցի բժիշկ Լյուդմիլա Ժուկովան՝ Բլոխինի անվան ուռուցքաբանական գիտական կենտրոնից։

 
Ժուկովան NEWS.am Medicine-ի թղթակցի հետ զրույցում նշել է, որ դեղային թերապիայի ընձեռած նոր հնարավորությունները բժիշկների ու հիվանդների առաջ նոր հեռանկարներ են բացել, որոնք նախկինում չեն եղել՝ հիպերէքսպրեսային HER2-ով տառապող կանայք նոր դեղի շնորհիվ հնարավորություն են ստացել ավելի երկար ապրել՝ հիվանդությամբ կամ առանց դրա։ Չհայտնաբերված մետաստատիկ քաղցկեղով (ժողովուրդը կոչում է 4-րդ փուլ) տառապող կանանց 50 տոկոսը ժամանակակից բուժման շնորհիվ ապրում է առնվազն 5 տարի։


Կրծքագեղձի մետաստատիկ քաղցկեղով կանանց կարելի է օգնել. Երեւանում քննարկում են բուժման նորագույն մոտեցումները Կրծքագեղձի մետաստատիկ քաղցկեղով կանանց կարելի է օգնել. Երեւանում քննարկում են բուժման նորագույն մոտեցումները


«Այդպիսի ծանր իրավիճակում հայտնված հիվանդների համար դա շատ տպավորիչ արդյունք է»,-նշել է նա։ Մարտի 17-ին՝ Ուռուցքաբանության ազգային կենտրոնի կողմից կազմակերպված գիտաժողովի ժամանակ բժիշկ Ժուկովան պատմել է կրծքագեղձի HER2-դրական մետաստատիկ քաղցկեղի բուժման հարցում իրենց կենտրոնի փորձի մասին, ինչպես նաեւ այն մասին, թե որ դեպքերում է ճիշտ օգտագործել նորագույն դեղամիջոցներն առավելագույն արդյունավետության հասնելու համար: Բացի այդ, գիտաժողովի ժամանակ մասնագետները քննարկել են մի շարք կլինիկական բարդ դեպքեր եւ փոխանակել իրենց ունեցած փորձը։


Այսպիսի գիտաժողովներ Ուռուցքաբանության ազգային կենտրոնում անցկացվում են ամեն տարի, հաճախ տարին երկու անգամ։


Կրծքագեղձի մետաստատիկ քաղցկեղով կանանց կարելի է օգնել. Երեւանում քննարկում են բուժման նորագույն մոտեցումները Կրծքագեղձի մետաստատիկ քաղցկեղով կանանց կարելի է օգնել. Երեւանում քննարկում են բուժման նորագույն մոտեցումները


Գիտաժողովների ժամանակ, որոնք կազմակերպվում են գարնանը և նվիրված են Կանանց միջազգային օրվան, օնկոլոգները, վիրաբույժները, քիմիոթերապեւտները եւ այլ մասնագետներ հավաքվում եւ քննարկում են կանանց մոտ առավել հաճախ հանդիպող ուռուցքային հիվանդությունների ախտորոշման եւ բուժման խնդիրները:

Այդ հիվանդությունների շարքում առաջին տեղում է կրծքագեղձի քաղցկեղը. աշխարհում տարեկան քաղցկեղի այդ տեսակի շուրջ 1,7 միլիոն նոր դեպք է գրանցվում։ Հայաստանում մահացությունների 2,1 տոկոսը քաղցկեղի այդ տեսակից է։ Գիտաժողովի երկրորդ մասը տեղի կունենա մարտի 23-ին, որի ընթացքում նախատեսվում է քննարկել նաև կանանց մոտ հանդիպող քաղցկեղի մյուս տեսակները՝ արգանդի, արգանդի վզիկի, ձվարաննների:

 

Կրծքագեղձի մետաստատիկ քաղցկեղով կանանց կարելի է օգնել. Երեւանում քննարկում են բուժման նորագույն մոտեցումները

 

Սկզբնաղբյուր‘news.am

 

Լուրեր, հայտարարություններ
Ռադիոյոդոթերապիան շուտով հասանելի կլինի Ուռուցքաբանության ազգային կենտրոնում 13.07.2018

Այս շաբաթը նշանավորվեց հերթական կարևոր ձեռքբերմամբ՝ Ուռուցքաբանության ազգային կենտրոնում ռադիոյոդոթերապիայի ներդրման ծրագրի իրագործման ուղղությամբ. ՈՒԱԿ-ի միջուկային բժշկության ստորաբաժանումը համալրվեց...

Քաղցկեղի «աշխարհագրությունը» 02.07.2018

Զարգացած երկրներում յուրաքանչյուր չորրորդ բնակիչ ունի քաղցկեղով հիվանդանալու ռիսկ, իսկ հինգերորդը՝ դրանից մահանալու: Զարգացող երկրներում միշտ քիչ են եղել քաղցկեղով հիվանդները...

Պրոֆ. Ա. Հ. Տանանյան և Թ. Շ. Սաղաթելյան. Ոլորտի մասնագետները՝ Հայաստանում ճառագայթային բուժման մասին 27.06.2018

Կարելի է լսել կարծիքներ, որ ՀՀ–ում չկան ճառագայթային ուռուցքաբանության ոլորտի որակյալ մասնագետներ․․․ Որքանո՞վ է դա համապատասխանում իրականությանը...

Հաճախ տրվող հարցեր