Նորություններ
ՈւԱԿ-ում ավարտվեց «Կնոջ առողջություն» ուռուցքաբանական գիտապրակտիկ կոնֆերանսը
ՈւԱԿ-ում ավարտվեց «Կնոջ առողջություն» ուռուցքաբանական գիտապրակտիկ կոնֆերանսը
26.03.2018

Ուռուցքաբանության ազգային կենտրոնում ավարտվեց ՈւԱԿ-ի և «Առողջապահության կազմակերպիչների միավորում» հասարակական կազմակերպության կողմից համատեղ կազմակերպած «Կնոջ առողջություն» ուռուցքաբանական գիտապրակտիկ կոնֆերանսը, որի մեկնարկը տրվել էր մարտի 17-ին: Հիշեցնենք, որ կոնֆերասնի նպատակը` ուռուցքաբանության ոլորտի մասնագետների և հասարակության ուշադրությունը ևս մեկ անգամ սևեռելն էր ազգաբնակչության իգական սեռի շրջանում հանդիպող ուռուցքային հիվանդությունների՝ մասնավորապես, կրծքագեղձի քաղցկեղի և կանանց վերարտադրողական օրգանների չարորակ ուռուցքային հիվանդությունների վրա։

 

Կոնֆերանսի ընթացքում առաջատար ուռուցքաբանները խոսեցին կրծքագեղձի քաղցկեղի ախտորոշման, վիրաբուժական և քիմիաթերապևտիկ բուժման կարևորագույն հարցերի մասին, քննարկվեց նաև կանանց մոտ հանդիպող քաղցկեղի մյուս տեսակների՝ արգանդի, արգանդի վզիկի, ձվարաննների բուժման ժամանակակից եղանակները: Իրենց զեկույցներով հանդես եկան Քարամյանը, Կ.Բազիկյանը, Ամալյաք Ջիլավյանը, քիմիաթերապևտներ Նանյանը, Հասմիկ Պետրոսյանը, Բախշինյանը, Արաքսիա Հովհաննիսյանը:

 


Կոնֆերանսին ներկա էին նաև «Շենգավիթ» ԲԿ բժիշկ-ռեպրոդուկտոլոգներ Մարգարիտա Գրիգորյանը և Քրիստինե Խուդավերդյանը: Իր զեկույցում Մ. Գրիգորյանը ներկայացրեց «Պտղաբերության պահպանումը գոնստեկտոմիայից առաջ» թեման և ընդգծեց, որ քաղցկեղի բուժման մեթոդը հանգեցնում է կնոջ և տղամարդու վերարտադրողականության իջեցմանը` վնասելով սեռաբջիջների քանակը և որակը: Վերարտադրողականության կենտրոոնի բժիշկները հանդես եկան առաջարկով` ստեղծել համատեղ բժշկական թիմ, կազմված` ուռուցքաբանից, ռեպրոդուկտոլոգից, ուրոլոգից և վիրաբույժից, ովքեր կօգնեն  հիվանդներին, որոնք ունեն ինչպես խորհրդատվության, այնպես էլ քաղցկեղի բուժումից հետո հետագա հղիության անվտանգությունը ապահովելու կարիք:

 

 

Հաշվի առնելով հարցի բոլոր նրբությունները` բժիշկների թիմային աշխատանքը կտա ավելի ճիշտ և արդյունավետ լուծում` չանտեսելով նաև հիվանդի համար հոգեբանական և բժշկական ճիշտ մոտեցման անհրաժեշտությունը: 

 

 

 

 

Լուրեր, հայտարարություններ
Մտածեք ոչ թե վախի, այլ` առողջության մասին 22.08.2019

Դուք հետաձգում էիք կոլոնոսկոպիայի իրականացումը, քանի որ միայն վերջինիս մասին միտքը Ձեզ ահաբեկու՞մ էր: Կարող ենք Ձեզ վստահ ասել՝ Դուք մենակ չեք: Սակայն, եթե վերլուծենք, կպարզվի, որ պետք չէ վախենալ: Իսկ գրագետ իրականացված գործողությունը...

Ինչպե՞ս է կենսակերպն ազդում կրծքագեղձի քաղցկեղի առաջացման ռիսկի վրա 20.08.2019

Հետազոտություններն ապացուցում են, որ քաղցկեղի շատ տեսակների զարգացումը կապված է սննդակարգի, ֆիզիկական ակտիվության և քաշի հետ: Եվ չնայած քաղցկեղի որոշ տեսակների համար (արգանդի պարանոցի...

Ուռուցքաբանությունն ու սեռական կյանքը 07.08.2019

Ինտիմ կյանքում առաջանում են խնդիրներ մարդկանց մոտ, ովքեր ստանում են կամ արդեն ավարտել են ուռուցքաբանական բուժումը։ Պատճառը նրանում է, որ ուռուցքաբանական բուժումն իր հետքն է թողնում ինչպես հիվանդի ֆիզիկական վիճակի, այնպես էլ...

Հաճախ տրվող հարցեր