Նորություններ
Համալիր և ռենտգեն ախտորոշման բաժանմունքի նոր ձեռքբեռումները
Համալիր և ռենտգեն ախտորոշման բաժանմունքի նոր ձեռքբեռումները
14.05.2018

Հետևողական մնալով վերջին տարիներին իր որդեգրած ուղուն, Ուռուցքաբանության ազգային կենտրոնը շարունակում է համալրվել միջազգային ստանդարտներին համապատասխանող նորագույն ճշգրիտ սարքավորումներով:

Համալիր և ռենտգեն ախտորոշման բաժանմունքում մեր նոր ձեռքբերումներն են.

• MEDISO ընկերության AnyScan գամմա սպեկտ կամերան մուլտիսլայս ՀՇ կոմպոնենտով,
• CANON medical systems-ի Aquilion lightning ՀՇ սարքերը:

Լինելով Հայաստանում միակը, AnyScan սպեկտ կամերան զգալիորեն բարձրացնում է ուռուցքային հիվանդությունների վաղ ախտորոշումը, ինչպես նաև օգնում է բուժման արդյունավետ պլան մշակելիս:

ՀՇ-ի և գամմա սպեկտ կամերայի համակցման առավելությունն այն է, որ բժիշկը ստանում է ինֆորմացիա մոլեկուլյար, բջջային և անատոմիական մակարդակներով: Սարքի բարձր տարածական հնարավորությունները թույլ են տալիս վայրկյանների ընթացքում ստանալ բարձր որակի ֆունկցիոնալ և անատոմիական պատկերներ, ապահովելով փոփոխությունների հայտնաբերումը մոլեկուլյար մակարդակում, մինչև որ նրանք տեսանելի կդառնան հետազոտման մյուս մեթոդներով: Այն հիվանդի համար ավելի հարմարավետ է միաժամանակ մի քանի հետազոտություն անցնելու և մեծ քանակի ինֆորմացիա ստանալու տեսանկյունից: Սարքի միջոցով կատարվում են ոսկրահոդային համակարգի, վահանաձև գեղձի, սրտամկանի, նյարդային համակարգի և այլ օրգան-համակարգերի հետազոտություններ:

 



CANON medical systems-ի Aquilion lightning-ը գերժամանակակից մուլտիսպիրալ ՀՇ սարք է, որը հնարավորություն է տալիս ավելի արդյունավետ դարձնել հիվանդության ախտորոշումը, միաժամանակ բարձրացնելով նաև բուժման արդյունավետությունը: Այն ունի եռաչափ պատկերման բարձր թույլտվություն, գերմաքուր պատկերների ստացման հնարավորություն, ինչն բարձրացնում է երաշխավորված որակյալ ախտորոշման աստիճանը:Նշենք, որ բաժանմունքի բժիշկները և միջին բուժ.անձնակազմը նախօրոք վերապատրաստվել են Եվրոպայի լավագույն կլինիկաներում:

 

 

   

 

Լուրեր, հայտարարություններ
Միջուկային բժշկության Եվրոպական ասոցիացիայի (EANM) 31-րդ կոնգրեսում Հայաստանը ներկայացնում էր Ուռուցքաբանության ազգային կենտրոնը 14.11.2018

2018թ. հոկտեմբերի 13-ից 17-ը Գերմանիայի Դյուսելդորֆ քաղաքում տեղի ունեցավ Միջուկային բժշկության Եվրոպական ասոցիացիայի (EANM) 31-րդ կոնգրեսը։ Կոնգրեսին մասնակցում էին ավելի քան...

Կլինիկական դեպք ՈՒԱԿ-ում 12.11.2018

Հիվանդը Գևորգյան Ա, ծնված 1960թ-ին դիմել է ՈՒԱԿ, որտեղ ախտորոշվել է ստամոքսի անթրալ հատվածի քաղցկեղ, 30.10.18թ-ին կատարվել է որովայնահատում՝ լապարատոմիա։ Իրականացվել է ստամոքսի դիստալ (3/4-րդ) հատվածի ենթաամբողջական...

Ուռուցքաբանության Ազգային կենտրոնում բացվել է երկու հիմնանորոգված բաժանմունք 08.11.2018

Ա.Ֆանարջյանի անվան Ուռուցքաբանության Ազգային կենտրոնում տեղի ունեցավ միանգամից երկու հիմնանորոգված բաժանմունքների բացում։ Շահագործման հանձնվեցին «Օնկոգինեկոլոգիայի» ինչպես նաև «Որովայնային և Էնդովիրաբուժության» բաժանմունքները...

Հաճախ տրվող հարցեր