Նորություններ
Առաջին անգամ Հայաստանում և միայն ՈւԱԿ-ում արդեն հասանելի է կրծքագեղձի քաղցկեղի վիրահատական բուժման նոր մեթոդ
Առաջին անգամ Հայաստանում և միայն ՈւԱԿ-ում արդեն հասանելի է կրծքագեղձի քաղցկեղի վիրահատական բուժման նոր մեթոդ
11.06.2018

Կրծքագեղձի քաղցկեղի վիրահատական բուժման նոր մեթոդը, որը կոչվում է «պահակային ավշահանգույցների հեռացում ռադիոիզոտոպային մեթոդով», արդեն հասանելի է Հայաստանում և առաջին անգամ` ՈւԱԿ-ում:

Հայտնի է, որ կրծքագեղձի քաղցկեղի վիրահատական բուժման ժամանակ հաճախ հարկ է լինում հեռացնել անութափոսի (թևատակի) ավշային հանգուցները, պարզելու՝ կա՞, արդյոք, ուռուցքի տարածում: Նման ծանր վիրահատությունը հաճախ հանգեցնում է հետվիրահատական բազմաթիվ անցանկալի երևույթների (տե՛ս նկարներում)` վիրահատված կողմի ձեռքի այտուց, ձեռքի շարժումների սահմանափակում, թմրածություն, քրոնիկական ցավ, թիակի տեղաշարժում և այլն:

 

   

 

Նման բարդություններից խուսափելու լավագույն հայտնի մեթոդը այսուհետ հասանելի է Հայաստանում և առայժմ միայն ՈւԱԿ-ում:

 

Ցուցումները հաշվի առնելով` կրծքագեղձի վիրահատությունից առաջ, կրծքում ռադիո-իզոտոպային նյութ (Technetium-99m) ներարկելուց հետո վիրահատության ժամանակ հատուկ սարքի (գամմա-դետեկտոր) միջոցով հայտնաբերվում և հեռացվում են ընդամենը մի քանի անհրաժեշտ ավշահանգույցներ:

 

Հիվանդը հաջորդ օրը կարող է գնալ տուն, և հաճախ անհրաժեշտություն չի լինում անգամ վիրակապությունների:

 

Պետք է նշել, որ զարգացած երկրներում լայնորեն կիրառվող այս սարքի և մեթոդի ձեռքբերումը մեծ հաջողություն է Հայաստանի համար:

Վիրահատական թիմ.

Արթուր Ավետիսյան

Լուսինե Ջիլավյան

Մետաքսիա Մկրտչյան

Լուրեր, հայտարարություններ
ՈՒԱԿ-ում կատարվել է եզակի վիրահատություն՝ կրծքագեղձի օնկոպլաստիկ ռեզեկցիա` ծավալի փոխարինման եղանակով 11.11.2019

Վ.Ա. Ֆանարջյանի անվան ուռուցքաբանության ազգային կենտրոնի ընդհանուր և մանկական ուռուցքաբանության բաժանմունքում կատարվել է եզակի վիրահատություն. կրծքագեղձի օնկոպլաստիկ ռեզեկցիա` ծավալի փոխարինման եղանակով...

ՈՒԱԿ օնկոուրոլոգիայի բաժանմունքը ներկայացրեց վերջին շաբաթների վիրաբուժական գործունեությունը 07.11.2019

Վ.Ա. Ֆանարջյանի անվան ուռուցքաբանության ազգային կենտրոնի օնկոուրոլոգիայի բաժանմունքի վարիչ Կարեն Ծառուկյանը կենտրոնի բժշկական խորհրդակցության ժամանակ ներկայացրեց բաժանմունքի վերջին շաբաթների...

Բարդ վիրահատություն. խոնդրոսարկոմայի հեռացում պլաստիկայով՝ Ուռուցքաբանության ազգային կենտրոնում 31.10.2019

Օրերս Վ.Ա. Ֆանարջյանի անվան ուռուցքաբանության ազգային կենտրոնում կատարվել է բարդ վիրահատություն. կրծքավանդակի առաջակողմնային պատի մասնահատում՝ մեծ չափերի խոնդրոսարկոմայի հեռացումով և պլաստիկայով...

Հաճախ տրվող հարցեր