Նորություններ
Ռադիոյոդոթերապիան շուտով հասանելի կլինի Ուռուցքաբանության ազգային կենտրոնում
Ռադիոյոդոթերապիան շուտով հասանելի կլինի Ուռուցքաբանության ազգային կենտրոնում
13.07.2018

Այս շաբաթը նշանավորվեց հերթական կարևոր ձեռքբերմամբ՝ Ուռուցքաբանության ազգային կենտրոնում ռադիոյոդոթերապիայի ներդրման ծրագրի իրագործման ուղղությամբ. ՈՒԱԿ-ի միջուկային բժշկության ստորաբաժանումը համալրվեց վահանագեղձի ռադիոյոդային սկանավորման ամերիկյան Captus 4000e գերժամանակակից համալիրով, որը միակն է տարածաշրջանում:


Սարքը նախատեսված է վահանագեղձի յոդ-կլանող ֆունկցիայի որակական և քանակական գնահատման համար՝ ռադիոակտիվ յոդ պարունակող հատուկ պրեպարատի կիրառմամբ, ինչը խիստ կարևոր է վահանագեղձի քաղցկեղի, ինչպես նաև տարբեր ծագման թիրեոտոքսիկոզների ռադիոյոդոթերապիայի ճշգրիտ պլանավորման համար: Սարքը կարևոր տեղեկատվություն կարող է ապահովել նաև վահանագեղձի հիվանդությունների բուժման արդյունավետության գնահատման համար:


Տեխնիկական ձեռքբերումներին զուգահեռ, մեծ թափով ընթանում են մեթոդի կիրառման համար անհրաժեշտ հատուկ տարածքների վերակառուցման և վերազինման աշխատանքները, իսկ Ճառագայթային ուռուցքաբանության բաժանմունքի երկու բժիշկ ներկայում անցնում են համապատասխան վերապատրաստում արտերկրի առաջատար կլինիկաներից մեկում:


Նախատեսված է, որ արդեն իսկ 2018թ. սեպտեմբերին ՈՒԱԿ-ում կգործարկվի միջազգային ամենախիստ պահանջներին համապատասխանող ռադիոյոդոթերապիայի ստորաբաժանումը` հնարավորություն ընդձեռնելով մեր պացիենտներին ստանալ ավելի որակյալ և արդյունավետ բուժում հենց հայրենիքում:

Լուրեր, հայտարարություններ
Առաջին անգամ Հայաստանի պատմության մեջ Ուռուցքաբանության ազգային կենտրոնը ներ է դնում վահանաձև գեղձի քաղցկեղի ռադիոյոդային բուժում 14.02.2019

Ուռուցքաբանության ազգային կենտրոնը, հավատարիմ մնալով ուռուցքաբանության ոլորտում առաջատարի իր առաքելությանը, Հայաստանի պատմության մեջ առաջին անգամ ներդրեց վահանաձև գեղձի հիվանդությունների բուժման ժամանակակից...

Քաղցկեղի առաջացման պատճառները 11.02.2019

Քաղցկեղի առաջացման միասնական պատճառ չկա: Իրականում դրանք բազմաթիվ են: Յուրաքանչյուր օր աշխարհում հազարավոր մարդիկ իմանում են իրենց նոր և վտանգավոր թշնամու՝ ուռուցքային հիվանդության մասին: Ըստ վիճակագրական տվյալների

Ուղիղ հեռարձակում վիրասրահից` Ս. Պետերբուրգ-Երևան, արդյունավետ միջպետական համագործակցություն 09.02.2019

Ս/թ փետրվարի 8-ին Վ․Ա․ Ֆանարջյանի անվան Ուռուցքաբանության ազգային կենտրոնում տեղի ունեցավ «Շագանակագեղձի քաղցկեղի վիրահատական և կոնսերվատիվ բուժումը» թեմայով սեմինար...

Հաճախ տրվող հարցեր