Նորություններ
Տաջիկստանի ճառագայթային ուռուցքաբանության ոլորտի մասնագետների համար վերապատրաստման դասընթացի կլինիկական հատվածը կվարի Թաթուլ Սաղաթելյանը
Տաջիկստանի ճառագայթային ուռուցքաբանության ոլորտի մասնագետների համար վերապատրաստման դասընթացի կլինիկական հատվածը կվարի Թաթուլ Սաղաթելյանը
26.09.2018

2018թ․ օգոստոսի 24-ից մինչև սեպտեմբերի 7-ը Տաջիկստանի մայրաքաղաք Դուշանբեում Ատոմային էներգիայի միջազգային գործակալության (ԱԷՄԳ - МАГАТЭ) և Տաջիկստանի Միջուկային անվտանգության պետական գործակալության կողմից կազմակերպվել էր վերապատրաստման դասընթաց՝ Տաջիկստանի ճառագայթային ուռուցքաբանության ոլորտի մասնագետների համար։ Դասընթացի կլինիկական հատվածի վարման համար որպես ԱԷՄԳ-ի փորձագետ-դասախոս հրավիրված էր Ուռուցքաբանության ազգային կենտրոնի ճառագայթային բաժանմունքի վարիչ բ․գ․թ․ Թաթուլ Սաղաթելյանը։


Դասընթացին մասնակցում էին Տաջիկստանի 2 ուռուցքաբանական կենտրոնների 8 բժիշկներ, 3 բժշկական ֆիզիկոսներ և շուրջ 15 տեխնիկ-լաբորանտներ։ Թ․Սաղաթելյանի կողմից ներկայացվեցին 9 դասախոսություններ՝ նվիրված չարորակ ուռուցքների ճառագայթային բուժման հիմնական հարցերին, տեղի ունեցան բազմաթիվ կլինիկական դեպքերի գործնական քննարկումներ։

 

ԱԷՄԳ-ի ծրագրերի շրջանակներում ՈՒԱԿ-ի ճառագայթային ուռուցքաբանների համագործակցությունը տաջիկ գործընկերների հետ սկսվել է 2018թ․ գարնանը՝ երբ ԱԷՄԳ-ի տեխնիկական համագործակցության դեպարտամենտի կողմից մեր մասնագետները ստացան առաջարկ ՈՒԱԿ-ում կազմակերպել 2-3 ամսյա մասնագիտական վերապատրաստրաստումներ Տաջիկստանի տարբեր կենտրոնի ճառագայթային թերապևտների համար։ Արդեն իսկ հաջողությամբ ավարտվել է Սուղդի ուռուցքաբանական կենտրոնի մեկ բժշկի վերապատրաստումը ՈՒԱԿ-ի փորձառու մասնագետների ղեկավարությամբ, նախատեսված է ևս 2 մասնագետների 2-ամսյա վերապատրաստումը, որը կսկսվի 2018թ․ նոյեմբերին։

 

 

Լուրեր, հայտարարություններ
Ուռուցքաբանության ազգային կենտրոնը աշխատանքի է հրավիրում բժշկի օգնականների 17.01.2020

Վ.Ա. Ֆանարջյանի անվան Ուռուցքաբանության ազգային կենտրոնը աշխատանքի է հրավիրում բժշկի օգնականնների։ Ցանկացողները կարող են CV ուղարկել info@oncology.am էլեկտրոնային հասցեին։ Աշխատանքային գործառույթներ․․․

Քաղցկեղը հաղթահարած վեցամյա տղային դպրոցում դիմավորել են ծափահարություններով 16.01.2020

Վեցամյա Ջոն Օլիվեր Զիպեյը երեք տարի պայքարել է լեյկեմիայի (արյան քաղցկեղի) դեմ, և բոլորովին վերջերս՝ կաթոլիկ Սուրբ Ծննդից երկու օր անց ավարտել է քիմիաթերապիայի վերջին փուլը։ Այս շաբաթ տղան վերադարձել է...

Ուռուցքաբանության ազգային կենտրոնի մի շարք աշխատակիցներ անցան վաստակավոր հանգստի 15.01.2020

Այսօր Վ․Ա․ Ֆանարջյանի անվան Ուռուցքաբանության ազգային կենտրոնում հրաժեշտ տվեցին վաստակավոր հանգստի անցնող մի շարք աշխատակիցների։ Երկար տարիներ Կենտրոնին բարձր որակի մասնագիտական ծառայություններ մատուցած․․

Հաճախ տրվող հարցեր