Նորություններ
Քիմիաթերապիա. դիմանալ և ապաքինվել
Քիմիաթերապիա. դիմանալ և ապաքինվել
19.12.2018

Քիմիաթերապիայի իրականացման ընթացքում հիվանդի ինքնազգացողությունն ու տրամադրվածությունն, անկասկած, անդրադառնում է հակաուռուցքային բուժման արդյունավետության վրա: Դեղորայքի ճիշտ ընտրությունը` ցիտոստատիկների ընդունման հետ կապված, թույլ կտա խուսափել լուրջ կողմնակի ազդեցությունների զարգացումից. հիվանդներն իրենց ավելի լավ կզգան, իսկ բուժումն առավել արդյունավետ կլինի:


Ո՞ւմ և ինչո՞ւ են նշանակում քիմիաթերապիա


Քիմիաթերապիան ուռուցքային հիվանդությունների բուժման կարևոր փուլ է: Ըստ ուռուցքի բնույթի, զարգացման փուլի և գործընթացի ագրեսիվության՝ հիվանդին նշանակում են տարբեր դեղերի զուգակցումներ, որոնք ուռուցքի դեմ առավել արդյունավետ են պայքարում: Քիմիաթերապիան կարող է նշանակվել ինչպես վիրահատական միջամտությունից կամ ճառագայթային բուժումից առաջ, այնպես էլ` վիրահատությունից հետո: Անհրաժեշտ արդյունքի հասնելու համար հիվանդները պետք է անցնեն քիմիաթերապիայի մի քանի հաջորդական կուրսեր: Քիմիաթերապիայի համար կիրառվող դեղերը հաճախ տոքսիկ են հիվանդների համար և բերում են մի շարք կողմնակի ազդեցությունների զարգացման՝ սրտխառնոց, փսխում, լուծ, ախորժակի կորուստ, դյուրհոգնելիություն և այլն: Այս ամենը բացասաբար է անդրադառնում հիվանդի ֆիզիկական և հուզական վիճակի վրա, ով ստիպված է պայքարել ծանր հիվանդության դեմ: 


Քիմիաթերապիայի բարդությունները


Ցիտոստատիկների ընդունման հետ կապված, լուրջ բարդություններից է նեյտրոպենիան՝ արյան մեջ նեյտրոֆիլների մակարդակի նվազումը: Նեյտրոֆիլների կոնցենտրացիայի իջեցումը թուլացնում է օրգանիզմի դիմադրողականությունը վիրուսային, բակտերիալ և սնկային վարակների նկատմամբ: Ցիտոստատիկների ընդունման նման հետևանքները հաճախ բերում են քիմիաթերապիայի կուրսերի միջակայքերի հարկադրական մեծացման, դեղաչափի նվազեցման կամ բուժման ընդհատման: Այս ամենը բացասաբար է անդրադառնում բուժման արդյունավետության և հիվանդների ապրելիության վրա:


Ի՞նչ ընդունել բարդությունների ժամանակ


Քիմիաթերապևտիկ դեղերի իմունադեպրեսիվ, հեպատոտոքսիկ և նեֆրոտոքսիկ ազդեցությունը նվազեցնելու համար խորհուրդ է տրվում ազօքսիմեր բրոմիդի ընդունում: Հիվանդների վիճակը կբարելավի նշված պատրաստուկի կարճատև կուրսը, որի տևողությունը չի գերազանցում տաս օրը:


Ուռուցքի իմունադեպրեսիվ ազդեցության կանխարգելման անհրաժեշտության դեպքում՝ ուռուցքի վիրահատական հեռացումից հետո հիվանդի վիճակի բարելավման համար, ինչպես նաև քիմիաթերապիայից և ճառագայթային բուժումից հետո վերականգնողական շրջանում, նշանակվում է ազօքսիմեր բրոմիդի երկարատև կուրս, որը կարող է տևել երկու ամսից մինչև մեկ տարի: Ազօքսիմեր բրոմիդը կարող է նշանակվել ցիտոստատիկների, հակաբիոտիկների և այլ դեղերի հետ միասին: Ազօքսիմեր բրոմիդի ներառումը ուռուցքային հիվանդների բուժման համալիրում թույլ է տալիս վարակային բարդությունների և կողմնակի ազդեցությունների զարգացման հետևանքով չփոփոխել բժշկի կողմից նշանակված քիմիաթերապիայի սխեման:

 

 

Լուրեր, հայտարարություններ
Քաղցկեղից չվախենալու 10 պատճառ, բացահայտում ենք ուռուցքաբանության միֆերը 21.03.2019

ԱՊԱՑՈՒՑՈՂԱԿԱՆ ԲԺՇԿՈՒԹՅՈՒՆՆ ԱՌԱՋ Է ԳՆՈՒՄ ՅՈԹ ՄՂՈՆԱՆՈՑ ՔԱՅԼԵՐՈՎ, իսկ հստակ տեղեկատվությամբ կայքերը մատչելի են գրեթե յուրաքանչյուրին, սակայն «քաղցկեղ» բառը շարունակում է վախեցնել: Ուռուցքի շատ տեսակներ դեռ վաղուց դադարել են մահվան դատավճիռ հանդիսանալ, հատկապես

Ինչպե՞ս է առաջացել Պապանիկոլաուի քսուկը (Պապ-թեստ) 12.03.2019

1928 թվականի հունվարի 5-ին հույն գենետիկ Գեորգիոս Պապանիկոլաուն հայտարարեց, որ ստեղծել է անախտանիշ շրջանում քաղցկեղի հայտնաբերման եղանակ: Հեղինակի պատվին այդ քննությունը կոչվել է ...

Ախտորոշումն ուռուցք: Առավել հաճախ հանդիպող հարցեր քաղցկեղի մասին 06.03.2019

Ուռուցքով հիվանդների թիվն ամբողջ աշխարհում աճում է: Սա պայմանավորված է ո՛չ միայն հիվանդացության աճով, այլ նաև հայտնաբերման լավացմամբ: Ավելացել է կյանքի տևողությունը, իսկ տարիքը հիվանդության զարգացման...

Հաճախ տրվող հարցեր