Նորություններ
Լապարոսկոպիայի առավելությունները
Լապարոսկոպիայի առավելությունները
15.07.2019

Վիրաբուժության մի ամբողջ դարաշրջան կապված է մեծ կտրվածքների հետ: Հիմնականում սա պայմանավորված էր վիրահատողի հարմարավետությամբ:


Խորամանկ կտրվածքների կատարյալ իրականացումը, օրգանների հատումը և կարումը, օրգանիզմի գրեթե կեսի վարպետորեն հեռացումը դեռ վերջերս համարվում էին վիրաբուժական գիտության իսկական ձեռքբերումներ: «Խիրուրգիա» բառի տառացի թարգմանությունը հունարենից նշանակում է «ձեռքով գործողություն»: Վիրաբույժներն «ազդում էին ձեռքերով»՝ առանց կասկածելու, որ հենց կոպիտ միջամտությունը հիվանդի օրգանիզմին վնաս է հասցնում, այն հիվանդին, հանուն որի ապաքինման էլ իրականացվում է վիրահատությունը: Ծանր վնասումը հյուծում է պաշտպանական ուժերը՝ խոչընդոտելով հիվանդության հաղթահարմանը:


Հարկ է հետևել լապարոասկոպիկ վիրահատությունների զարգացման և ներդրման պատմությանը՝ ժամանակակից վիրաբուժության մեջ այս ուղղության առավելությունների մեջ համոզվելու համար: Լապարոսկոպիայի շնորհիվ վիրահատությունը դառնում է քիչ միջամտական՝ հիվանդի օրգաններին և հյուսվածքներին չհասցնելով զգալի վնասում: Թե որքանով է դա կարևոր, դատեք ինքներդ:


Լապարոսկոպիկ վիրահատությունների առավելություններն են.

 

  • կրծքավանդակի կամ որովայնի առաջային պատի մեծ կտրվածքի փոխարեն կատարվում է 0,5-1 սմ երկարությամբ երեքից-հինգ ոչ մեծ կտրվածքներ,
  • վիրահատությունից հետո ցավերի բացակայություն և, որպես հետևանք, ցավազրկող պրեպարատների դեղաչափի նվազում,
  • արտահայտված կոսմետիկ արդյունք. հետվիրահատական սպիները գրեթե աննկատ են կամ լիովին բացակայում են, 
  • ինտենսիվ թերապիայի պալատում մնալու ժամկետի զգալի կրճատում,  
  • երկարատև անկողնային ռեժիմում մնալու անհրաժեշտության բացակայություն, ինչը բացառում է թոքաբորբի զարգացման ռիսկը,
  • զգալիորեն նվազում է հոսպիտալացման ժամկետը,
  • արագ վերականգնվում է նորմալ ինքնազգացողությունը, և հիվանդը կարող է վերադառնալ սովորական կենսակերպին:


Լապարոսկոպիկ միջամտություններ իրականացնելիս կիրառվում են ժամանակակից տեսախցիկներ՝ մինչև 20 անգամ խոշորացման հնարավորությամբ, վիրահատություններն իրականացվում են միկրովիրաբուժական մակարդակով: Կրկին նշենք առավելությունները.

 

  • լիարժեք հեմոստազ, արյան քիչ կորուստ,
  • վիրահատության ժամանակ հյուսվածքներն ավելի քիչ են վնասվում,
  • կատարվում է ճշգրիտ ախտորոշում և հիվանդության փուլի հստակ որոշում,
  • մի անգամից մի քանի օրգանների վրա վիրաբուժական միջամտության իրականացում:

 

Լուրեր, հայտարարություններ
Մոռացեք ծնկի ցավի մասին․ մեր մասնագետը պատրաստ է Ձեզ օգնել 12.07.2023

Արթրոսկոպիան համարվում է ոսկե ստանդարտ ներհոդային պաթոլոգիաների ախտորոշման ժամանակ: Այն վիրաբուժական միջամտություն է, որը քիչ ինվազիվ եղանակով հնարավորություն է տալիս ներսից հետազոտելու վնասված ծնկահոդը, հայտնաբերելու գանգատների պատճառը, կատարելու ծնկահոդի վերականգնողական վիրահատություններ:

Ոլորտում՝ առաջիններից․ Արևիկ Ստեփանյանը խոսել է ՈՒԱԿ-ի՝ էլեկտրոնային համակարգի անցնելու մասին 06.07.2023

Հ․Գ․ Նշենք, որ Ուռուցքաբանության ազգային կենտրոնը պետական առաջին կառույցներից է, որտեղ ներդրվել է առողջապահական տեղեկատվական համակարգը։

ՀՀ ԱՆ Վ․Ա․ Ֆանարջյանի անվան Ուռուցքաբանության ազգային կենտրոնը հանդիսանում է Հայաստանի 6-րդ միջազգային բժշկական համագումարի գործընկերը (6 IMCA) 04.07.2023

Ուրախ կլինենք հանդիպելու և քննարկելու ոլոտի արդի մարտահրավերները, կիսվելու ոլորտային առաջադիմական փորձով:

Հաճախ տրվող հարցեր