Նորություններ
Հիվանդը և բժիշկը` մեկ թիմում
Հիվանդը և բժիշկը` մեկ թիմում
21.10.2019

Երբ հնչում է ուռուցքաբանական ախտորոշում, հիվանդի և նրա հարազատների մոտ հազարավոր հարցեր են առաջանում։ Իհարկե, կարելի է փորձել պատասխանները գտնել տարբեր կայքերում, սակայն համացանցի տեղեկատվությունը միշտ չէ, որ հավաստի է։ Բացի այդ, ոչ մասնագետի համար դժվար է հասկանալ բժշկական տերմինները և հիվանդության նրբությունները։ Ուստի ավելի հեշտ է հարցերը տալ այն բժշկին, ով անմիջապես զբաղվում է  բուժմամբ, տեսնում է հիվանդին և հասկանում է իրավիճակը։


Հետազոտությունները ցույց են տալիս, որ այն մարդիկ, ովքեր ավելի շատ բան գիտեն իրենց հիվանդության և բուժման տարբերակների մասին, սովորաբար, ավելի լավ արդյունքներ են ունենում: Բացի այդ,   նրանց մոտ կողմնակի ազդեցությունները հազվադեպ են առաջանում։ Բժիշկները հասկանում են, թե որքան կարևոր է խոսել հիվանդի հետ։ Այդ բացատրությունները հիվանդին հնարավորություն են տալիս գիտակցել, որ առջևում հեշտ ճանապարհ չի սպասվում, սակայն այդ ուղով լիովին հնարավոր է հասնել հաջողության։


Մանրամասն փուլային պլանի առկայությունն օգնում է հանգստանալ և տրամադրվել արդյունքներին։  Այդ պլանը կազմվում է տարբեր մասնագետների կոնսիլիումի կողմից, հաշվի են առնվում տվյալ ուռուցքի առանձնահատկությունները, հիվանդի տարիքը և այլ նրբություններ։ Բուժման յուրաքանչյուր փուլ համապատասխանում է միջազգային բժշկական ուղեցույցներին, ոչինչ ավելորդ չի նշանակվում, կիրառվում են միայն այն մեթոդները, որոնք կարող են արդյունավետ լինել։


Տվեք Ձեր հարցերը բժշկին և միշտ կստանաք լիարժեք ու մանրամասն պատասխաններ։ Հիշեք, որ հիվանդը և նրա բժիշկը մեկ թիմ են, որն ունի մեկ ընդհանուր նպատակ՝ հաղթանակ քաղցկեղի նկատմամբ։

Լուրեր, հայտարարություններ
ՈՒԱԿ-ում կատարվել է եզակի վիրահատություն՝ կրծքագեղձի օնկոպլաստիկ ռեզեկցիա` ծավալի փոխարինման եղանակով 11.11.2019

Վ.Ա. Ֆանարջյանի անվան ուռուցքաբանության ազգային կենտրոնի ընդհանուր և մանկական ուռուցքաբանության բաժանմունքում կատարվել է եզակի վիրահատություն. կրծքագեղձի օնկոպլաստիկ ռեզեկցիա` ծավալի փոխարինման եղանակով...

ՈՒԱԿ օնկոուրոլոգիայի բաժանմունքը ներկայացրեց վերջին շաբաթների վիրաբուժական գործունեությունը 07.11.2019

Վ.Ա. Ֆանարջյանի անվան ուռուցքաբանության ազգային կենտրոնի օնկոուրոլոգիայի բաժանմունքի վարիչ Կարեն Ծառուկյանը կենտրոնի բժշկական խորհրդակցության ժամանակ ներկայացրեց բաժանմունքի վերջին շաբաթների...

Բարդ վիրահատություն. խոնդրոսարկոմայի հեռացում պլաստիկայով՝ Ուռուցքաբանության ազգային կենտրոնում 31.10.2019

Օրերս Վ.Ա. Ֆանարջյանի անվան ուռուցքաբանության ազգային կենտրոնում կատարվել է բարդ վիրահատություն. կրծքավանդակի առաջակողմնային պատի մասնահատում՝ մեծ չափերի խոնդրոսարկոմայի հեռացումով և պլաստիկայով...

Հաճախ տրվող հարցեր