Նորություններ
ՈՒԱԿ օնկոուրոլոգիայի բաժանմունքը ներկայացրեց վերջին շաբաթների վիրաբուժական գործունեությունը
ՈՒԱԿ օնկոուրոլոգիայի բաժանմունքը ներկայացրեց վերջին շաբաթների վիրաբուժական գործունեությունը
07.11.2019

Վ.Ա. Ֆանարջյանի անվան ուռուցքաբանության ազգային կենտրոնի օնկոուրոլոգիայի բաժանմունքի վարիչ Կարեն Ծառուկյանը կենտրոնի բժշկական խորհրդակցության ժամանակ ներկայացրեց բաժանմունքի վերջին շաբաթների վիրաբուժական գործունեությունը:


Այս ընթացքում կատարվել էին ուրոլոգիայի գրեթե բոլոր տեսակի մեծածավալ վիրահատությունները, մասնավորապես՝ միզապարկի, երիկամի, շագանակագեղձի արմատական հեռացումներ, տարբեր օրգանապահպան վիրահատություններ, միզապարկի և շագանակագեղձի էնդոսկոպիկ եղանակով կատարվող վիրահատություններ:


Ներկայացվեց հիվանդների խումբ, որոնց կաթետրներ էին տեղադրել՝ երիկամներից մեզի արտահոսքի խանգարման պատճառով։

 

Վիճակի բարելավումից հետո էնդոսկոպիկ միջամտություններով հնարավոր է եղել ազատվել արտաքին կաթետրներից: 


Զեկույցում ներառված էր նաև նախորդ շաբաթ կատարված միզապարկի արմատական հեռացումը՝ բարակ աղիքային «նոր միզապարկի» (բարակ- աղիքային ռեզերվուար կամ նեոցիստ) ձևավորմամբ: Վիրահատությունը կատարվել է պլանավորված ծավալով: Ներկայում հիվանդի վիճակը բավարար է: 


Քննարկվեցին ընթացիկ շաբաթում արդեն նշանակված մեծածավալ վիրահատությունները:


Ուռուցքաբանության ազգային կենտրոնում կատարվող վիրահատությունները նախապես անցնում են մասնագիտական քննարկում և կատարվում են ուղեցույցային շրջանակներում:

Լուրեր, հայտարարություններ
Ուռուցքաբանության ազգային կենտրոնում հերթական բարդ վիրահատությունն է կատարվել 10.12.2019

ՀՀ ԱՆ «Վ.Ա.Ֆանարջյանի անվան ուռուցքաբանության ազգային կենտրոնի» (ՈՒԱԿ) Օնկոուրոլոգիական բաժանմունքում կատարվել է հերթական բարդ վիրահատությունը՝ միզապարկի արմատական հեռացում և բարակ-աղիքային «նոր միզապարկի» (նեոցիստ կամ բարակ-աղիքային ռեզերվուար)...

Հակապատվաստումային շարժումների միակ զենքը տարակուսանքի մթնոլորտն է․ Fidec-ի մասնագետներն այցելել են ՈՒԱԿ 09.12.2019

Տարբեր երկրներում (այդ թվում՝ Հայաստանում) իրականցված հետազոտությունները ցույց են տալիս, որ «պատվաստվել, թե՝ ոչ», որոշման վրա մեծավ մասամբ ազդում են բժիշկները։ Ընդ որում, պարտադիր չէ, որ նրանք անմիջական...

ՈՒԱԿ-ն աշխատանքի է հրավիրում համակարգչային մասնագետի 08.12.2019

Ցանկացողները կարող են ինքնակենսագրականն ուղարկել info@oncology.am էլեկտրոնային հասցեին` թեմա բաժնում նշելով աշխատանքի անվանումը...

Հաճախ տրվող հարցեր