Պացիենտների համարԽորհուրդներ քաղցկեղով հիվանդներին
Ամեն ինչ այնքան էլ սարսափելի չէ. քաղցկեղի մասին հինգ հիմնական միֆերը
Ամեն ինչ այնքան էլ սարսափելի չէ. քաղցկեղի մասին հինգ հիմնական միֆերը
29.04.2016

Գոյություն ունեն քաղցկեղին վերաբերող մի քանի ավանդական մոլորություններ, որոնք փորձագետները վիճարկում են և բացատրում, թե ինչու: Ուռուցքաբանությանը վերաբերող հինգ ամենատարածված սխալները:


Միֆ №1. «Քաղցկեղն անբուժելի հիվանդություն է»

Տվյալ դեպքում համառ և ճշգրիտ գիտություն հանդիսացող վիճակագրությունը պնդում է, որ ուռուցքային հիվանդների թիվը մշտապես աճում է: Եվ հասկանալի է, որ ավելի քիչ մարդ  է մահանում, քան ուռուցքային հիվանդությամբ տառապում է: Սակայն վաղ շրջանում հիվանդության հայտնաբերման դեպքում լիովին հնարավոր է լիարժեք ապաքինում:

Միֆ №2. «Ուռուցքային հիվանդությունները զգալիորեն վտանգավոր են մյուս հիվանդություններից»

Այս պնդումը ևս ճիշտ չէ. ախտորոշման հաստատումից հետո հիվանդները միջինում ավելի երկար են ապրում, քան սիրտ-անոթային հիվանդությամբ նմանատիպ հիվանդները: Մեր օրերում առավել վտանգավոր են կեղծված օղին, ավտոճանապարհային պատահարները, աշխատավայրում տեխնիկայի անվտանգության կանոններին չհետևելը. մահվան պատճառ հաճախ հենց այս գործոններն են դառնում: 

Միֆ №3. «Քաղցկեղը վարակիչ հիվանդություն է»

Այս պնդումն անմտություն է. ոչ մի չարորակ ուռուցք վարակիչ հիվանդություն չի կարող լինել: Հիշե՛ք, որ քաղցկեղն, ինչպես և մյուս չարորակ ուռուցքները, չեն փոխանցվում օդակաթիլային, ֆեկալ-օրալ, սեռական ճանապարհով: Եվ, ընդհանրապես, քաղցկեղը ոչ մի ճանապարհով չի փոխանցվում:

Քաղցկեղային ուռուցքն առաջանում է նորմալ բջիջները չարորակի վերածվելու հետևանքով: Դա կարող է տեղի ունենալ տարբեր գործոնների ազդեցությամբ ՝ օրգանիզմի պաշտպանական ուժերի գործունեության խաթարման հետևանքով: Յուրաքանչյուր ուռուցք անհատական է և ոչ մի կերպ այն այն չի կարելի «պատվաստել» այլ մարդու, նրա իմուն համակարգն անմիջապես կմերժի օտարածին նյութը:

Միֆ №4. «Ժողովրդական բժշկությունն առավել արդյունավետ է, քան` դասականը»

Սա ևս անմտություն է, որը կարող է կյանք արժենալ: Փորձը ցույց է տալիս, որ ժողովրդական բժշկությունը՝ ներառելով այլընտրանքային բժշկության բոլոր տեսակներն ու եղանակները, բացարձակապես անարդյունավետ է ուռուցքային հիվանդությունների բուժման գործընթացում: Այլապես ուռուցքաբանությունը չէր կարող գոյություն ունենալ: Այս ամենի հետ մեկտեղ, դեպքերի մեծամասնությունում մարդիկ գործ են ունենում ոչ թե ժողովրդական հեքիմների, այլ շառլատանների հետ, ովքեր շահավետորեն օգտվում են իրավիճակից: Պարզապես վախեցած մարդիկ վճարում են շառլատան գործարարների ծառայությունների դիմաց և ոչ ավելին:

Միֆ №5. «Կանխարգելումը ոչ մի նշանակություն չունի»

Անմտություն է համարել, որ ծխախոտն ու խմիչքը կամրացնեն ձեր առողջությունը՝ պատճառաբանելով, որ բոլորս էլ մահկանացու ենք: Սակայն կարևոր է հասկանալ, որ վնասակար սովորությունները Ձեր կյանքից կխլեն ոչ թե մեկ տարի, այլ երբեմն տասնյակ տարիներ՝ զգալիորեն վատացնելով կյանքի որակը, երբ Դուք որոշ փուլում ստիպված կլինեք դեղատան համար աշխատել:

 

Լուրեր, հայտարարություններ
Հիվանդության հետ միայնակ մի՛ մնացեք 23.09.2019

Շոկը, ցրված լինելը և վախն այն առաջին զգացողություններն են, որոնք ունենում է մարդը, ում մոտ քաղցկեղ է ախտորոշվել։ «Ինչու՞ հենց ես։ Ինչի՞ համար։ Ի՞նչ անել հետո։» — մտքերն ու հույզերը հորդում են ինչպես ցունամի և լցնում ուղեղը...

ՀԱՅՏԱՐԱՐՈՒԹՅՈՒՆ 19.09.2019

Վ.Ա. Ֆանարջյանի անվան ուռուցքաբանության ազգային կենտրոնը աշխատանքի է հրավիրում աշխատանքային փորձ ունեցող բուժքույրերի և լաբորանտների...

Քաղցկեղի ախտանիշները. եղե՛ք իրազեկված` ժամանակին բուժվելու համար 11.09.2019

Արդյո՞ք մենք շատ բան գիտենք քաղցկեղի մասին: Մարդկանց մեծամասնությունը համոզված է, որ դա ամենավտանգավոր հիվանդությունն է, չնայած, ըստ վիճակագրության, մահվան գլխավոր պատճառն աշխարհում սիրտ-անոթային...

Հաճախ տրվող հարցեր