Նորություններ
Օնկոգինեկոլոգների առօրյան․ հսկայական ուռուցքների հեռացում
Օնկոգինեկոլոգների առօրյան․ հսկայական ուռուցքների հեռացում
12.02.2020

Ստորև բերված լուսանկարներում պատկերված են արգանդի և ձվարանի ուռուցքներ, որոնք վերջերս հեռացրել են ՀՀ ԱՆ Վ․Ա․ Ֆանարջյանի անվան Ոռուցքաբանության ազգային կենտրոնի Օնկոգինեկոլոգիայի բաժանմունքի բժիշկները։


Ուռուցքների չափերից իմ զարմանքին ի պատասխան բաժանմունքի ղեկավար, դոկտոր-պրոֆեսոր Գագիկ Ջիլավյանը նկատում է, որ այսպիսի պատկերների հաճախ է հանդիպում։ Բժշկին այլևս դրանք չեն զարմացնում, բայց վրդովեցնում են։ Ասում է, հայ կանայք պատշաճ ուշադրություն չեն դարձնում իրենց առողջությանը, և դիմում են բժշկի շատ ուշացած։

 

Օնկոգինեկոլոգների առօրյան․ հսկայական ուռուցքների հեռացում
 Օնկոգինեկոլոգ Արթուր Բոյաջյանը ներկայացնում է դեպքերը։ Առաջինը 62 ամյա կին է, որ դիմել է հիվանդանոց, գանգատվելով որովայնի մեծացումից և ջերմությունից։


Վիրահատության ժամանակ հեռացվել է 40x35սմ չափերի հսկայական բարորակ գոյացություն, որն արդեն թարախակալել և քայքայվում էր։ Բնականաբար, հեռացվել է նաև արգանդը։

 

Օնկոգինեկոլոգների առօրյան․ հսկայական ուռուցքների հեռացում Օնկոգինեկոլոգների առօրյան․ հսկայական ուռուցքների հեռացում


Ես էլի զարմանքս եմ հայտնում․ ինչո՞ւ կինն ավելի վաղ չի դիմել բժշկի, երբ որովայնը դեռ այդքան չէր մեծացել։ Բժիշկն ասում է, թե կնոջ պատմելով որովայնը մեկ ամսում է այդքան մեծացել․․․

 

Օնկոգինեկոլոգների առօրյան․ հսկայական ուռուցքների հեռացում
Մյուս պացիենտը 63-ամյա կին է, որի մոտ ձվարանի մեծ չափերի չարորակ ուռուցք է հայտնաբերվել․ 30x20 սմ։ Ուռուցքը հասցրել էր ներաճել բարակ աղիքի  և կույր աղիքի որդանման ելունի մեջ, քայքայում և մեռուկացում առաջացնել։

 

Բժիշկները կատարել են արգանդի էքստիրպացիա (ամբողջական հեռացում) հավելումներով, բարակ աղիքի մասնահատում և ապենդէկտոմիա (կույր աղիքի որդանման ելունի հեռացում)։

 

Օնկոգինեկոլոգների առօրյան․ հսկայական ուռուցքների հեռացում Օնկոգինեկոլոգների առօրյան․ հսկայական ուռուցքների հեռացում Օնկոգինեկոլոգների առօրյան․ հսկայական ուռուցքների հեռացում

 


Այս մեկը 45x50 սմ չափերի ձվարանի կիստոզ գոյացություն է։ Բուժման միակ տարբերակը արգանդի և հավելումների ամբողջական հեռացումն է։

 

Օնկոգինեկոլոգների առօրյան․ հսկայական ուռուցքների հեռացում Օնկոգինեկոլոգների առօրյան․ հսկայական ուռուցքների հեռացում

 
82-ամյա կնոջ 35x45 սմ չափերի ձվարանի սահմանային ուռուցքն է։ Եվ կրկին արգանդի էքստիրպացիա հավելումներով։
 
Երբ աշնանը Ոռուցքաբանության ազգային կենտրոն էր այցելել ամերիկացի վիրաբույժ Ջենարո Դ․ Լաբելան, էնդոսկոպիկ վիրաբուժության իր փորձով կիսվելու համար, նա ինձ պես զարմացել էր, տեսնելով, թե ինչ ուռուցքների հետ գործ ունեն մեր վիրաբույժները։ Եվ կրկին անգամ զարմացել էր, հասկանալով, որ բարդ ու ծավալուն վիրահատությունները մեր բժիշկների սովորական առօրյան է։


Անահիտ Սարգսյան

Լուրեր, հայտարարություններ
«Հարի Փոթերի» աստղի մոտ երրորդ փուլի քաղցկեղ են հայտնաբերել 24.02.2020

Բրիտանացի դերասանուհի Ջուլի Ուոլթերսը հայտնել է «երրորդ փուլի հաստ աղու քաղցկեղ» ախտորոշման մասին։ Հարի Փոթերի մասին ֆիլմաշարի աստղը նշել է, որ ծանր հիվանդությունը ստիպել է նրան նորովի...

Քաղցկեղը հաղթահարած հայտնի մարդիկ․ Մայքլ Դուգլաս 22.02.2020

Դերասանը, ով այժմ 75 տարեկան է, 65 տարեկանում բախվեց վտանգավոր ուռուցքային հիվանդության հետ: Դուգլասը պայքարում էր հիվանդության դեմ հասարակությունից գաղտնի՝ լեզուն և ծնոտը կորցնելու բարձր վտանգի պատճառով: Նա ստիպված էր․․․

Արյուն կղանքի մեջ․ երբ է դա քաղցկեղի նշան 21.02.2020

Կղանքի մեջ արյունը չի կարելի նորմալ վիճակ համարել, բայց դրա հետևում կարող են թաքնված լինել ինչպես ոչ վտանգավոր խանգարումներ, այնպես էլ լուրջ հիվանդություններ, օրինակ՝ հաստ աղու քաղցկեղ։ Կղանքում արյան առկայության դեպքում անպայման պետք է․․․

Հաճախ տրվող հարցեր