Մեր մասին
Ընդունարան եվ Ամբուլատորիա
Ախտորոշման ծառայություն
Լաբորատոր հետազոտություններ
Կլինիկա
Տեսասրահ
Հետադարձ կապ
Ավստրալացի գիտնականները կարողացել են մանրամասնորեն տեսնել, թե ինչպես է մարդու իմուն համակարգը նոր կորոնավիրուսով վարակումից հետո սկսում պայքարել COVID-19-ի դեմ և հաղթում վերջինիս: Այդ հետազոտությունների մասին մանրամասն պատմվում է «Nature Medicine» պարբերականում:
Ինչպես հաղորդում է MedikForum.ru-ն, Մելբուրնի համալսարանի գիտնականների աշխատանքը՝ իրականացված Մելբուրնի Թագավորական հիվանդանոցի բժիշկների հետ համատեղ, վկայում է՝ ուժեղ իմունիտետը կարող է հաջողությամբ դիմադրել կորոնավիրուսային վարակին և հաղթել վերջինիս՝ թույլ չտալով կյանքին սպառնացող հետևանքների առաջացումը:
«Ստացված արդյունքները կարող են շատ օգտակար լինել COVID-19 հիվանդության ժամանակ իմունային ռեակցիան հասկանալու համար, ինչպես նաև կարող են կարևոր դեր խաղալ կորոնավիրուսի դեմ վակցինայի մշակման մեջ», - այս մասին հայտնեցին հետազոտական նախագծի հեղինակները:
Նրանց կողմից վերլուծվել է Ավստրալիայի նոր կորոնավիրուսով առաջին հիվանդներից մեկի՝ 40 տարեկան կնոջ իմունային ռեակցիան: Նա հոսպիտալացվել է COVID-19 ախտանիշներով, որի վիճակը ծանր չի եղել: Մինչև հոսպիտալացումը հիվանդն աչքի էր ընկնում ամուր առողջությամբ:
Գիտնականները նրանից վերցրին արյան մի քանի նմուշ՝ իմունային պատասխանի առանձնահատկություններն ուսումնասիրելու համար:
«Հիվանդի դիմելուց երեք օր հետո մենք նրա արյան մեջ տեսանք մի քանի իմունային բջիջների պոպուլյացիայի աճ, որոնք հաճախ հանդիսանում են գրիպով վարակման դեպքում ապաքինման նշան: Մենք ենթադրեցինք, որ մեր հիվանդը կապաքինվի երեք օր հետո: Այդպես էլ տեղի ունեցավ», - պատմեցին գիտնականները:
Այս դիտարկումը հաստատում է այն պնդումը, որ ուժեղ իմունիտետով մարդը բավականին լավ է պայքարում օրգանիզմ թափանցած հարուցիչների դեմ, նույնիսկ եթե նախկինում դրանց հետ չի առնչվել, համարում են գիտնականները: Դա ևս մեկ անգամ ապացուցում է, թե որքան կարևոր է ունենալ լավ առողջություն՝ գործածելով դրան ուղղված որոշակի ջանքեր (մասնավորապես. քաշի, ճնշման, արյան մեջ շաքարի վերահսկում, սննդի մեջ օգտակար մթերքների կիրառում, ծխախոտի, ալկոհոլի չարաշահման բացառում, ֆիզիկական ակտիվության պահպանում):
«Մենք տեսանք, որ չնայած COVID-19 հարուցվում է նոր վիրուսով՝ առողջ մարդու մոտ արտադրվում է տարբեր տեսակի բջիջների նկատմամբ կայուն իմունային պատասխան և դա կապված է կլինիկական ապաքինման հետ, ինչը տեղի է ունենում նաև գրիպի դեպքում: Սա մեծ նշանակություն ունի հասկանալու համար, թե ինչն է բերում օրգանիզմի վերականգնման տվյալ վարակի դեպքում», - հաստատում են փորձագետները:
