Որովայնային և կրծքավանդակի օրգանների ուռուցքաբանություն

 

Որովայնային և կրծքավանդակի օրգանների ուռուցքաբանության բաժանմունք


Որովայնային ուռուցքաբանության բաժանմունքը Բ.Ա. Ֆանարջյանի անվան ուռուցքաբանության ազգային կենտրոնի ստորաբաժանումներից է, որը հիմնադրվել է 1999թ.։ 2016թ բաժանմուքը ընդլայնել է իր գործառույթները՝ ներառելով նաև կրծքավանդակի  օրգանների օնկովիրաբուժությունը։
Բաժանմունքում աշխատում է 3 բժիշկ և 11 միջին ու կրտսեր բուժաշխատող, ստացիոնար բուժման համար նախատեսված է 36 մահճակալ:

 

Բժիշկներ.


      Վահագն Խաչիկի Խաչատրյան, թոքային վիրաբույժ
      Հարություն Սարգսի Վարդանյան, բ.գ.թ վիրաբույժ
     

Հովհաննիսյան Վիկտորյա Հենրիխի բ. գ. թ. վիրաբույժ

 

Բաժանմունքը բազմապրոֆիլային է։ Նրա աշխատակիցների ջանքերն ուղղված են ստամոքս-աղիքային համակարգի, կրծկավանդակի և հետորովայնամզային տարածության չարորակ նորագոյացությունների վիրաբուժական և համակցված բուժման կատարելագործմանը։

 

Բաժանմունքում տարեկան կատարվում է միջինում 260 վիրահատություն.

 

     

կերակրափող. կերակրափողի հեռացում և մասնահատում` նրա միանվագ պլաստիկ վերականգնումով,  Լյուիսի և Հերլոկի վիրահատություններ, կերակրափողի ախալազիայի և նեղացումների ժամանակ կատարվող վիրահատություններ

      ստամոքս. ստամոքսի հեռացում՝ գաստրէկտոմիա, ստամոքսի սուբտոտալ պրոքսիմալ և դիստալ մասնահատում` լայնածավալ և լայնածավալ-համակցված լիմֆոդիսեկցիայով
     

լյարդ. հեմիհեպատէկտոմիա, լյարդի մասնահատում, լեղածորանի մասնահատում, լեղածորանի արտաքին ու ներքին դրենավորում

      ենթաստամոքսային գեղձ. պանկրեատոդուոդենալ մասնահատում, ենթաստամոքսային գեղձի մասնահատում, լեղուղիների ներքին դրենավորումներ
      կոլոպրոկտոլոգիա. հեմիկոլեկտոմիաներ, սիգմայաձև աղու մասնահատում, Հարտմանի վիրահատություն, ուղիղ աղու առաջային, որովայնա-անալ մասնահատումներ և որովայնա-շեքային էքստիրպացիա:
      Հետորովայնամզային տարածության ուռուցքների հեռացում

 

 

Թորակալ վիրահատությունների ծավալը

 

      համակցված պնևմաէկտոմիաներ,
      համակցված լոբ- և բիլոբէկտոմիաներ,
      հասարակ պնևմաէկտոմիա, բիլոբ- և լոբէկտոմիաներ,
      ընդլայնված վիրահատություններ,
      սեգմենտար և ատիպիկ մասնահատումներ,
      ախտորոշիչ, հետազոտական թորակոտոմիաներ,
      թոքերի և լյարդի էխինոկոկէկտոմիա (տրանսթորակալ),
      միջնորմի գոյացությունների հեռացում,
      բրոնխիալ խուղակների վերացում,
      դեկորտիկացիա, պլևրէկտոմիա,
      թորակոստոմիա,
      կրծքավանդակի պատի մասնահատում և պլաստիկա:

 

 

Բաժանմունքում մշակվել և ներդրվել է ստամոքսի վիրահատությունների ժամանակ D2 լայնածավալ լիմֆոդիսեկցիայի կատարումն` առանց պանկրեատոսպլենեկտոմիայի։


Մշակվել են գաստրոպլաստիկ վիրահատությունների տարբերակներ՝ գաստրէկտոմիայից հետո ախտաբանաֆիզիոլոգիական փոփոխությունները մեղմելու և կյանքի որակը բարելավելու նպատակով։


Ուսումնասիրվում են կոլոռեկտալ քաղցկեղի, լյարդի և ենթաստամոքսային գեղձի ուռուցքների համակցված բուժման հնարավորությունները՝ կիրառելով ճառագայթային բուժման, քիմիա- և իմունաթերապիայի զանազան տարբերակները։


Բաժանմունքում կատարվող գիտապրակտիկ հետազոտությունները ներկայացվում են միջազգային և ԱՊՀ երկրների ուռուցքաբանների համաժողովներում, տպագրվում են բժշկական պարբերականներում։ Վերջին 10 տարիներին հրապարակվել են ավելի քան 60 գիտական աշխատանքներ, պաշտպանվել են 1 դոկտորական և 2 թեկնածուական ատենախոսություններ։ Բաժանմունքը Երևանի պետական բժշկական համալսարանի վիրաբուժության №4 ամբիոնի կլինիկական բազա է:

 

Բաժանմունքը հագեցված է համաշխարհային չափանիշներին համապաստխանող սարքերով.

 

      ժամանակակից կարող սարքեր (Joհnson&Joհnson),
      էլեկտրովիրաբուժական սարքեր (ինչպես մոնոպոլյար այնպես էլ բիպոլյար սարքավորումներ),
      նորագույն սերնդի ուլտրաձայնային դանակ. Harmonic scalpel:

 

 


Հեռախոս. + 374 10 28 71 62

 

 

 

 

 

Գնացուցակ
Լուրեր, հայտարարություններ
ՈՒԱԿ-ում կատարվել է եզակի վիրահատություն՝ կրծքագեղձի օնկոպլաստիկ ռեզեկցիա` ծավալի փոխարինման եղանակով 11.11.2019

Վ.Ա. Ֆանարջյանի անվան ուռուցքաբանության ազգային կենտրոնի ընդհանուր և մանկական ուռուցքաբանության բաժանմունքում կատարվել է եզակի վիրահատություն. կրծքագեղձի օնկոպլաստիկ ռեզեկցիա` ծավալի փոխարինման եղանակով...

ՈՒԱԿ օնկոուրոլոգիայի բաժանմունքը ներկայացրեց վերջին շաբաթների վիրաբուժական գործունեությունը 07.11.2019

Վ.Ա. Ֆանարջյանի անվան ուռուցքաբանության ազգային կենտրոնի օնկոուրոլոգիայի բաժանմունքի վարիչ Կարեն Ծառուկյանը կենտրոնի բժշկական խորհրդակցության ժամանակ ներկայացրեց բաժանմունքի վերջին շաբաթների...

Բարդ վիրահատություն. խոնդրոսարկոմայի հեռացում պլաստիկայով՝ Ուռուցքաբանության ազգային կենտրոնում 31.10.2019

Օրերս Վ.Ա. Ֆանարջյանի անվան ուռուցքաբանության ազգային կենտրոնում կատարվել է բարդ վիրահատություն. կրծքավանդակի առաջակողմնային պատի մասնահատում՝ մեծ չափերի խոնդրոսարկոմայի հեռացումով և պլաստիկայով...

Հաճախ տրվող հարցեր