Պացիենտների համարՀիվանդություններ
Թոքի քաղցկեղ. ուռուցքի զարգացման հիմնական ռիսկի գործոնները
Թոքի քաղցկեղ. ուռուցքի զարգացման հիմնական ռիսկի գործոնները
15.06.2018

Տղամարդկանց մոտ ուռուցքային հիվանդություններից` ըստ հանդիպման հաճախականության, առաջին տեղում թոքի քաղկեղն է` 17,8%: Ուռուցքի զարգացման հիմնական ռիսկի գործոնները ծխելը և տարիքն են:


Ծխելը


Հիվանդության դեպքերի գրեթե 90%-ը կապված է ծխելու հետ: Օրական երկու և ավելի տուփ ծխախոտ ծխելը թոքի քաղկեղի զարգացման հավանականությունը մեծացնում է 25-125 անգամ: 


Սեռը


Տղամարդիկ թոքի քաղցկեղով տառապում են 7-10 անգամ ավելի հաճախ, քան` կանայք, ընդ որում, տարիքի հետ հիվանդացությունն աճում է:


Տարիքը


60-69 տարեկան տղամարդկանց մոտ հիվանդացության մակարդակը 60 անգամ ավելի բարձր է, քան 30-39 տարեկանների մոտ:


Շրջակա միջավայրի աղտոտումը


Հանքարդյունաբերությամբ և վերամշակման արդյունաբերությամբ զբաղվող արդյունաբերական շրջաններում մարդիկ 3-4 անգամ ավելի հաճախ են հիվանդանում, քան հեռավոր գյուղերում:


Աշխատանքում վնասակար արտադրությունը և ռադիոակտիվ ճառագայթումը


Ասբեստի, ռադոնի, մկնդեղի, նիկելի, կադմիումի, քրոմի, քլորմեթիլ եթերի հետ շփումը և կրծքավանդակի ռադիոակտիվ ճառագայթումը նույնպես թոքի քաղցկեղի զարգացման ռիսկի գործոններից են:


Ծխախոտից հրաժարումը թոքի քաղցկեղի կանխարգելման ամենաարդյունավետ եղանակներից է: Մեզանից յուրաքանչյուրը ամեն տարի պետք է իրականացնի կրծքավանդակի ռենտգեն հետազոտություն: Առավել ևս ծխողները և թոքի քաղցկեղի այլ ռիսկի գործոններ ունեցողները պետք է նկատի ունենան, որ 15% դեպքերում թոքի քաղցկեղը սկզբնական շրջանում ոչ մի կերպ չի դրսևորվում և այն հնարավոր է հայտնաբերել միայն մանրամասն իրականացվող համակարգչային շերտագրության կամ ՄՌՏ-ի միջոցով:

 

 

Լուրեր, հայտարարություններ
Քաղցկեղը հաղթահարած հայտնի մարդիկ․ Մայքլ Դուգլաս 22.02.2020

Դերասանը, ով այժմ 75 տարեկան է, 65 տարեկանում բախվեց վտանգավոր ուռուցքային հիվանդության հետ: Դուգլասը պայքարում էր հիվանդության դեմ հասարակությունից գաղտնի՝ լեզուն և ծնոտը կորցնելու բարձր վտանգի պատճառով: Նա ստիպված էր․․․

Արյուն կղանքի մեջ․ երբ է դա քաղցկեղի նշան 21.02.2020

Կղանքի մեջ արյունը չի կարելի նորմալ վիճակ համարել, բայց դրա հետևում կարող են թաքնված լինել ինչպես ոչ վտանգավոր խանգարումներ, այնպես էլ լուրջ հիվանդություններ, օրինակ՝ հաստ աղու քաղցկեղ։ Կղանքում արյան առկայության դեպքում անպայման պետք է․․․

ՈՒԱԿ-ը կոչ է անում սեզոնային վիրուսներից առաջացած բարդությունների դեպքում չզբաղվել ինքնաբուժմամբ և դիմել մասնագետի 19.02.2020

Հայաստանում շարունակվում է սուր շնչառական վարակների և գրիպի սեզոնը։ Ընթացիկ սեզոնում Հայաստանում, համաձայն լաբորատոր հետազոտությունների, շրջանառվում են գրիպի Ա H1N1 ենթատեսակի...

Հաճախ տրվող հարցեր