Մեր մասին
Ընդունարան եվ Ամբուլատորիա
Ախտորոշման ծառայություն
Լաբորատոր հետազոտություններ
Կլինիկա
Տեսասրահ
Հետադարձ կապ
Ուռուցքաբանության ազգային կենտրոնում տարեկան կատարվում է ավելի քան 3200 վիրահատություն, անց է կացվում քիմիաթերապիա ավելի քան 4500 հիվանդի մոտ և մոտավորապես 1500 հիվանդ ստանում, է ճառագայթային բուժում՝:
Ուռուցքաբանության ոլորտում սպասարկելով պրակտիկորեն ամբողջ հանրապետությունը, կենտրոնը պարբերաբար տեխնիկական համալրման կարիք է ունենում: Վ.Ա. Ֆանարջյանի անվան ուռուցքաբանության ազգային կենտրոնն այս տարի կրկին համալրվել է նոր տեխնիկայով: ՎիվաՍել ՄՏՍ-ը կենտրոնին նվիրաբերել է էնդոսկոպիկ տեսավիրաբուժական համալրված կայան` ամբողջական գործիքների լրակազմ հավաքով WOLF (Germany), հիբրիդային (մոնոպոլյար-բիպոլյար) վիրահատական PRINCESS ՀԻՍՏԵՐՈՌԵԶԵԿՏՈՍԿՈՊ՝ անընդհատ իրիգացիայի հնարավորությունով, ARI-800C մոնիտոր, ինչպես նաև բազմաֆունկցիոնալ հիվանդանոցային մահճակալներ՝ ներքնակներով:
«Արդեն 6 տարի է, ինչ ՎիվաՍել ՄՏՍ ընկերությունն աջակցում է առողջապահության ամենածանր ուղություններից մեկին՝ ուռուցքաբանությանը: Այս ոլորտում մեր աշխատանքը երկու մասի է բաժանվում՝ կանխարգելիչ և բուժական: Այստեղ միայն մարդկային ռեսուրսը քիչ է: Նոր տեխնիկան թույլ է տալիս ավելի արագ, ավելի անվտանգ անցնել բուժական գործընթացը: Մեծ հույս ունեմ, որ կկարողանանք ամեն տարի այս ծավալի աշխատանքներով բարձրացնել հիվանդների վստահությունը»,- լրագրողների հետ զրույցում ասաց ՀՀ առողջապահության նախարար Արմեն Մուրադյանը:
«Ուռուցքաբանության ազգային կենտրոնի ամբողջ անձնակազմի և մեր կենտրոնում բուժվող բոլոր հիվանդների անունից ուզում եմ շնորհակալություն հայտնել ՎիվաՍել ՄՏՍ ընկերությանը՝ ի դեմս Ռալֆ Յիրիկյանի:
6-րդ տարին է, ինչ ՎիվաՍել ՄՏՍ-ը նվիրաբերություններ է կատարում մեր կենտրոնին: Նախորդ տարի մեր կենտրոնը նվեր ստացավ վերջին թվային ռենտգեն սարքը, իսկ այսօր նվիրատվության շնորհիվ կենտրոնը հարստացավ գերմանական արտադրության սարքերի մի համալիրով, որը հնարավորություն կտա շատ միջամտություններ կատարել լապարոսկոպիկ եղանակով:
Կենտրոնը համալրվեց նաև շուրջ 25 բազմաֆունկցիոնալ մահճակալներով, բժշկական մոնիտորներով, որոնք օգնում են ո՛չ միայն բուժման գորժընթացին, այլև առավել բարենապաստ են դարձնում հիվանդների սենյակային պայմանները»,- իր խոսքում նշեց Ուռուցքաբանության ազգային կենտրոնի տնօրեն Արմեն Տանանյանը:
«Պետք է աջակցել բժիշկներին, անել հնարավորինը՝ հիվանդության դեմ պայքարն ավելի արդյունավետ դարձնելու համար: Մենք պետք է համախմբենք մեր ուժերը և հասնենք նրան, որ հիվանդները հնարավորություն ունենան անհրաժեշտ բուժօգնությունը ստանալ Հայաստանում և ստիպված չլինեն դիմել արտասահմանյան բուժհաստատություններին, ինչը թե՛ ֆինանսապես, թե՛ հոգեբանորեն ծանր է հիվանդի համար և ոչ բոլորին է հասանելի»,- լրագրողների հետ զրույցում ասաց ՎիվաՍել ՄՏՍ ընկերության գլխավոր տնօրեն Ռալֆ Յիրիկյանը:
ՎիվաՍել-ՄՏՍ-ը 2010 թվականից ավելի քան 238 միլիոն դրամ է հատկացրել Ուռուցքաբանության ազգային կենտրոնին` բուժսարքավորումներով համալրելու նպատակով, որից 60 միլիոն դրամը՝ 2016 թվականի ընթացքում:
