Պացիենտների համարԿանխարգելում
Աղիների քաղցկեղի դեմ լավագույն մթերքները
Աղիների քաղցկեղի դեմ լավագույն մթերքները
13.09.2018

Մեծ Բրիտանիայի գիտնականների կողմից իրականացված հետազոտության արդյունքում պարզվեց, որ աղիների քաղցկեղի և աղեստամոքսային  ուղու այլ հիվանդությունների զարգացման համար նպաստող գործոն կարող է լինել արիլային ածխաջրածնային ընկալիչ սպիտակուցի անբավարարությունը: Սովորական կաղամբը և բրոկոլին կարող են օրգանիզմը պաշտպանել այդ անբավարարությունից:


Հետազոտության արդյունքները հրապարակել է MedicalXpress-ը: Գիտնականները պարզեցին, որ վերոհիշյալ սպիտակուցի պակասը փոխկապակցված է աղիների բորբոքման և աղեստամոքսային ուղու ուռուցքային հիվանդությունների զարգացման բարձր ռիսկի հետ:


Ըստ հետազոտողների, տվյալ նյութի բացակայության դեպքում պաշտպանական հյութ արտադրող բջիջներ չեն ձևավորվում: Սակայն, ինչպես պարզվեց, «կաղամբային սննդակարգը» նպաստում է էպիթելի ամբողջականության վերականգնմանը և չարորակ ուռուցքների առաջացման ռիսկի զգալի իջեցմանը: Հետազոտության հեղինակները նշում են նաև, որ իրենք կարողացան համոզվել, որ աղիների բորբոքման, ինչպես նաև հաստ աղու քաղցկեղի առաջացման վրա սնվելու ազդեցությունը ոչ թե պարզապես զգալի է, այլ ուղղակի հսկայական է:


«Մենք հայտնաբերեցինք հաստ աղու քաղցկեղի առաջացման վրա ճարպերով հարուստ և բանջարեղենով աղքատ սննդակարգի այնպիսի ահռելի ազդեցություն, որ այն ուղղակի ապշեցրեց մեզ».- այսպես եզրափակեց հետազոտության ղեկավար բժիշկ Գիտտա Ստոքինգերը: 

Լուրեր, հայտարարություններ
Հիվանդության հետ միայնակ մի՛ մնացեք 23.09.2019

Շոկը, ցրված լինելը և վախն այն առաջին զգացողություններն են, որոնք ունենում է մարդը, ում մոտ քաղցկեղ է ախտորոշվել։ «Ինչու՞ հենց ես։ Ինչի՞ համար։ Ի՞նչ անել հետո։» — մտքերն ու հույզերը հորդում են ինչպես ցունամի և լցնում ուղեղը...

ՀԱՅՏԱՐԱՐՈՒԹՅՈՒՆ 19.09.2019

Վ.Ա. Ֆանարջյանի անվան ուռուցքաբանության ազգային կենտրոնը աշխատանքի է հրավիրում աշխատանքային փորձ ունեցող բուժքույրերի և լաբորանտների...

Քաղցկեղի ախտանիշները. եղե՛ք իրազեկված` ժամանակին բուժվելու համար 11.09.2019

Արդյո՞ք մենք շատ բան գիտենք քաղցկեղի մասին: Մարդկանց մեծամասնությունը համոզված է, որ դա ամենավտանգավոր հիվանդությունն է, չնայած, ըստ վիճակագրության, մահվան գլխավոր պատճառն աշխարհում սիրտ-անոթային...

Հաճախ տրվող հարցեր