Մեր մասին
Ընդունարան եվ Ամբուլատորիա
Ախտորոշման ծառայություն
Լաբորատոր հետազոտություններ
Կլինիկա
Տեսասրահ
Հետադարձ կապ
Դեռևս 1991 թվականին այնպիսի հայտնի ըմպելիքներ, ինչպիսիք են սուրճը և մատէ թեյը, հայտնվեցին Քաղցկեղի ուսումնասիրման միջազգային գործակալության (IARC) կասկածի տակ:
Սակայն պարզվեց, որ վտանգավոր է ոչ այնքան ըմպելիքի բաղադրությունը, որքան նրա ջերմաստիճանը,- գրում է «Օրթոդոքսը»:
IARC-ի 23 փորձագետներից բաղկացած հանձնաժողովը վերլուծեց կենդանիների և մարդկանց վրա իրականացված ավելի քան հազար փորձարկումների արդյունքները, որոնք ուղղված էին սուրճի և Հարավային Ամերիկայում հայտնի մատէ թեյի քաղցկեղածին հատկությունների հայտնաբերմանը, և եկան այն եզրակացության, որ կոկորդի քաղցկեղի զարգացման համար որոշիչ գործոն է 65°C-ից տաք ըմպելիքներ ընդունելու սովորությունը: Այդ մասին հայտարարել է IARC տնօրեն Քրիստոֆեր Ուայլդը:
Թեև IARC փորձագետները դադարեցին քաղցկեղի զարգացման մեջ մեղադրել հենց ըմպելիքները, սակայն նրանք հատուկ ուշադրություն դարձրեցին այն փաստին, որ Չինաստանի, Թուրքիայի, Իրանի, Լատինական Ամերիկայի բնակիչները հաճույքով ընդունում են մինչև 70°C տաքացված ըմպելիքները: Որքան բարձր է ջերմաստիճանը, այնքան մեծ է քաղցկեղի առաջացման ռիսկը: Եվրոպայի և Հյուսիսային Ամերիկայի բնակիչները նախընտրում են 60°C-ից ցածր ջերմաստիճանով տաք ըմպելիքներ, ինչը կարելի է համարել ավելի առողջ և անվտանգ սովորություն:
