Պացիենտների համարԲուժում
Ի՞նչ պետք է իմանալ քիմիաթերապիայի մասին
Ի՞նչ պետք է իմանալ քիմիաթերապիայի մասին
29.12.2020

Ի՞նչ պետք է իմանալ քիմիաթերապիայի մասին


Քիմիաթերապիան դեղերի կիրառում է քաղցկեղային բջիջների ոչնչացման համար։ Սովորաբար դա աշխատում է, թույլ չտալով քաղցկեղային բջիջներին աճել, տրոհվել և նոր բջիջներ արտադրել։  Քանի որ քաղցկեղային բջիջները նորմալ բջիջներից ավելի արագ են աճում և տրոհվում, քիմիաթերապիան ավելի մեծ ազդեցություն է ունենում հենց քաղցկեղային բջիջների վրա։ Այնուամենայնիվ, քիմիաթերապիայի համար կիրառվող դեղամիջոցները շատ ուժեղ են, և կարող են վնասել նաև առողջ բջիջները։ Այդ վնասումը առաջացնում է քիմիաթերապիայի կողմնակի ազդեցություն։


Ինչպե՞ս է քիմիաթերապիան բուժում քաղցկեղը


Բժիշկները կիրառում են քիմիաթերապիան տարբեր ժամանակահատվածում և տարբեր կերպ։


Այն կիրառվում է


  • Վիրահատությունից կամ ճառագայթային բուժումից առաջ՝ ուռուցքը փոքրացնելու համար։ Դա կոչվում է նեոադյուվանտ քիմիաթերապիա։
  • Վիրահատությունից կամ ճառագայթային բուժումից հետո՝ մնացած քաղցկեղային բջիջները ոչնչացնելու համար։ Դա կոչվում է ադյուվանտ քիմիաթերապիա։
  • Որպես բուժման միակ միջոց։ Օրինակ արյան կամ ավշային համակարգի քաղցկեղների՝ լեյկեմիաների և լիմֆոմաերի բուժման համար։

Քաղցկեղը, որը կրկնվում է բուժումից հետո, կոչվում է քաղցկեղի ռեցիդիվ։

Քաղցկեղը, որը տարածվել է մարմնի այլ մասերի վրա, կոչվում է մետաստատիկ քաղցկեղ։


 


Քիմիաթերապիայի նպատակները


Քիմիաթերապիայի նպատակները կախված են քաղցկեղի տեսակից և տարածման աստիճանից։ Որոշ դեպքերում քիմիաթերապևտիկ բուժման նպատակն է ազատվել քաղցկեղից և թույլ չտալ  նրա կրկնությունը։ Եթե դա անհնար է, ապա դուք կարող եք քիմիաթերապիայի կուրս ստանալ՝ քաղցկեղի աճը կանխելու կամ դանդաղեցնելու համար։


Քաղցկեղի աճի կանխումը կամ դանդաղեցումը քիմիաթերապիայի միջոցով օգնում է նաև կառավարել քաղցկեղով պայմանավորված ախտանշանները։ Քաղցկեղի աճը դանդաղեցնող քիմիաթերապիան երբեմն կոչվում է պալիատիվ (ամոքիչ) քիմիաթերապիա։



Քիմիաթերապիայի Ձեր պլանը


Քաղցկեղի բուժման բազմաթիվ դեղեր կան։ Քաղցկեղի դեղորայքային բուժման հարցում մասնագիտացած բժիշկը՝ ուռուցքաբանը, կնշանակի Ձեզ քիմիաթերապիա։ Դուք կարող եք մի քանի դեղերով համակցված բուժում ստանալ, քանի որ այդ համակցությունն ավելի լավ է աշխատում, քան մեկ դեղը։

Դեղերը, դեղաչափերը և բուժման սխեմաները կախված են շատ գործոններից։ Դրանք ներառում են


  • Քաղցկեղի տեսակը
  • Ուռուցքի չափը, տեղակայումը, և տարածվելու դեպքում որտեղ է այն տարածվել։ Դա կոչվում է քաղցկեղի փուլ։
  • Ձեր տարիքը և ընդհանուր առողջական վիճակը
  • Ինչպիսին է բուժման տանելիությունը
  • Այլ բժշկական պայմաններ (ուղեկցող հիվանդություններ)
  • Քաղցկեղի նախորդ բուժումը


Որտե՞ղ է անցկացվում քիմիաթերապիան


Քիմիաթերապիան հիմնականում կատարվում է բուժհիմնարկում կամ ցերեկային ստացիոնարում։ Քիմիաթերապիայի որոշ տեսակներ նշանակվում են պերօրալ (խմելու ձևով), և դրանք կարելի է ստանալ տանը։


 

Լուսանկարում ՈՒԱԿ-ի քիմիաթերապիայի բացօթյա սրահն է


Որքա՞ն երկար է տեւում քիմիաթերապիան


Շատ հաճախ քիմիաթերապիան նշանակվում է որոշակի ժամանակով, օրինակ կես տարի կամ մեկ տարի տևողությամբ։ Բայց դուք կարող եք քիմիաթերապիա ստանալ այնքան ժամանակ, քանի դեռ այն արդյունավետ է։


Շատ դեղերի կողմնակի ազդեցությունները չափազանց լուրջ են։ Բժիշկները սովորաբար այդ դեղերն ընդմիջումներով են նշանակում, որպեսզի Դուք ժամանակ ունենաք հանգստանալու և վերականգնվելու մինչև հաջորդ բուժումը։ Դա Ձեր առողջ բջիջներին վերականգվելու հնարավորություն է տալիս։

 

Լուրեր, հայտարարություններ
Երիկամի արմատական հեռացում լապարասկոպիկ եղանակով՝ Ուռուցքաբանության ազգային կենտրոնում 22.01.2021

Լապարասկոպիկ եղանակը հնարավորություն է ընձեռում առանց կտրվածքի՝ մի քանի անցքերով անցկացված գործիքներով, ճշգրիտ սահմաններով, արմատականորեն հեռացնել երիկամը շրջակա ճարպաբջջանքի հետ միասին: Վիրահատությունները հաջողությամբ կատարել է բաժանմունքի վարիչ Կարեն Ծառուկյանը, օգնական՝ Ազատ Չախոյան:

Կանանց առողջության կլինիկա․ Կրծքագեղձի քաղցկեղի կանխարգելում 18.01.2021

Յուրաքանչյուր կին պետք է իմանա, որ դաշտանի ավարտից 2-3 օր անց հայելու առջև կարող է և պետք է զննի կուրծքը: Դաշտանադադարից հետո կրծքագեղձի զննումը պետք է կատարվի յուրաքանչյուր ամսվա առաջին օրը: Կրծքագեղձի ինքնազննման նպատակն է կրծքագեղձի տարբեր հիվանդությունների ախտանիշների վաղ հայտնաբերումը և ժամանակին համապատասխան մասնագետի դիմելը:

Ուռուցքաբանության ազգային կենտրոնը վերսկսում է ռադիոյոդային բուժումը 14.01.2021

Ռադիոյոդթերապիան ժամանակավորապես դադարեցվել էր ռադիոյոդի ներկրման՝ կորոնավիրուսով պայմանավորված դժվարությունների պատճառով։

Հաճախ տրվող հարցեր