Նորություններ
Կանցերոգեններ. ինչպիսի՞ տեսք ունեն
Կանցերոգեններ. ինչպիսի՞ տեսք ունեն
04.03.2019

Առողջապահության համաշխարհային կազմակերպությունը ներկայացնում է կանցերոգենների ցանկը. նյութեր, որոնք առաջացնում են բջիջների մուտացիա և քաղցկեղի զարգացում: Այդ ցուցակը մշտապես աճում է, ահա նրա մի քանի կետերը:


Ծխախոտում պարունակվող քիմիական նյութեր:


Ըստ ԱՀԿ տվյալների ծխելը հանդիսանում է քաղցկեղի զարգացման ամենգլխավոր ռիսկի գործոնը, որին բաժին է հասնում քաղցկեղից մահացության բոլոր դեպքերի մոտ 22%-ը: 


Նիտրատներ և նիտրիտներ


Բարձրացնում են մարսողական համակարգի քաղցկեղի զարգացման հավանականությունը:


Պոլիցիկլիկ արոմատիկ ածխաջրածիններ


Առաջանում են նավթամթերքների, կենցաղային աղբի ոչ լրիվ այրման հետևանքով, որոշները սննդի տապակման, բուսական յուղի եռացման հետևանքով: Ասոցացվում են մարսողական համակարգի քաղցկեղի հետ:


Ասբեստ


Ասբեստի փոշու ներշնչումը բարձրացնում է թոքերի քաղցկեղի հավանականությունը, սննդի շփումը ասբեստի հետ բերում է ստամոքսի քաղցկեղի և մեզոթելոմայի առաջացման: 


Կադմիում


Շփումն ասոցացվում է թոքերի քաղցկեղի հետ:


Քարածխային փոշի, մուր և ձյութ


Մաշկի հետ շփման դեպքում՝ մաշկի քաղցկեղ, ներշնչման դեպքում թոքերի քաղցկեղ, ասոցացվոմ է նաև միզատար ուղիների և մարսողական ուղու քաղցկեղի հետ:

 

Կոքսոքիմիական արտադրության թափոններ


Կոքսացող ածխի արտադրության ժամանակ անջատվող գազերը և կոքսային վառարանների ճառագայթումը բարձրացնում է թոքերի քաղցկեղի զարգացման ռիսկը:


Էթիլենի օքսիդ


Շփումը մեծացնում է լեյկոզների ռիսկը


Նիկելի միացություններ


Մեծացնում է թոքերի քաղցկեղի հավանականությունը:


Վարակիչ հիվանդություններ


ԱՀԿ-ն կանցերոգեն  վարակների թվին է դասում Helicobacter pylori, մարդու պապիլոմայի վիրուսը, հեպատիտ  B  վիրուսը, հեպատիտ  C վիրուսը և Էպշտեյն-Բարի վիրուսը: 2012 թվականին վերջիններս համարվել են քաղցկեղի դեպքերի մոտ  15%-ի պատճառը:


Ճարպակալում և ավելորդ քաշ


ԱՀԿ-ն համարում է, որ ավելորդ քաշը և ճարպակալումը կապված են քաղցկեղի շատ տեսակների հետ, ինչպիսիք են կերակրափողի, հաստ և ուղիղ աղու, կրծքագեղձի, արգանդի լորձաթաղանթի և երիկամների քաղցկեղը:

Լուրեր, հայտարարություններ
Մոռացեք ծնկի ցավի մասին․ մեր մասնագետը պատրաստ է Ձեզ օգնել 12.07.2023

Արթրոսկոպիան համարվում է ոսկե ստանդարտ ներհոդային պաթոլոգիաների ախտորոշման ժամանակ: Այն վիրաբուժական միջամտություն է, որը քիչ ինվազիվ եղանակով հնարավորություն է տալիս ներսից հետազոտելու վնասված ծնկահոդը, հայտնաբերելու գանգատների պատճառը, կատարելու ծնկահոդի վերականգնողական վիրահատություններ:

Ոլորտում՝ առաջիններից․ Արևիկ Ստեփանյանը խոսել է ՈՒԱԿ-ի՝ էլեկտրոնային համակարգի անցնելու մասին 06.07.2023

Հ․Գ․ Նշենք, որ Ուռուցքաբանության ազգային կենտրոնը պետական առաջին կառույցներից է, որտեղ ներդրվել է առողջապահական տեղեկատվական համակարգը։

ՀՀ ԱՆ Վ․Ա․ Ֆանարջյանի անվան Ուռուցքաբանության ազգային կենտրոնը հանդիսանում է Հայաստանի 6-րդ միջազգային բժշկական համագումարի գործընկերը (6 IMCA) 04.07.2023

Ուրախ կլինենք հանդիպելու և քննարկելու ոլոտի արդի մարտահրավերները, կիսվելու ոլորտային առաջադիմական փորձով:

Հաճախ տրվող հարցեր