Նորություններ
Ռուսաստանում կրծքագեղձի յուրահատուկ վիրահատություն են իրականացրել
Ռուսաստանում կրծքագեղձի յուրահատուկ վիրահատություն են իրականացրել
03.12.2019

Մեթոդի առանձնահատկությունն այն է, որ ալֆա-մասնիկները ո՛չ միայն ոչնչացնում են ուռուցքը, այլ նաև նպաստում են իմուն համակարգի պաշտպանական հատկությունների առաջացմանը:

Ա.Ֆ. Ցիբայի անվան ճառագայթաբանության բժշկական գիտական կենտրոնում՝ միջազգային գիտական ուղեցույցների շրջանակում, առաջին անգամ աշխարհում իրականացվել է ուռուցքի հեռացում` կրծքագեղձի մետաստատիկ քաղցկեղի  դեպքում։ Վիրահատությունն իրականացնելու համար Ռուսաստան են ժամանել բրախիթերապիայի ոլորտի համաշխարհային փորձագետներ, հաղորդում է Առողջապահության նախարարության ճառագայթաբանության ազգային բժշկական հետազոտական կենտրոնի մամուլի ծառայությունը։


«Ալֆա-մասնիկների քայքայող ազդեցության վրա հիմնված այս յուրահատուկ եղանակն արդեն կիրառվել է այլ տեղակայումների դեպքում, մասնավորապես` գլխի և պարանոցի վրա։ Այլ հայտնի ճառագայթումներից գլխավոր տարբերությունն այն է, որ ալֆա-մասնիկները ո՛չ միայն ոչնչացնում են ուռուցքը, այլ նաև նպաստում են իմունային համակարգի պաշտպանական հատկությունների առաջացմանը», - ասվում է հաղորդագրության մեջ։


«Այս տեղակայման վրա մեթոդն առաջին անգամ է կիրառվում։ Մենք հույս ունենք, որ դա թույլ կտա ո՛չ միայն փրկել կրծքագեղձի բարձիթողի քաղցկեղով հիվանդների կյանքը, այլ նաև կկանխի այնպիսի դաժան հիվանդության զարգացմանը, ինչպիսին ենթաստամոքսային գեղձի քաղցկեղն է»,- վիրահատությունից առաջ հայտարարեց մեթոդի հեղինակ պրոֆեսոր Իոնա Քեյսարին  (Իսրայել)։


Ա.Ֆ. Ցիբայի անվան ճառագայթաբանության բժշկական ազգային կենտրոնի կազմի մեջ մտնող Բրախիթերապիայի կենտրոնի երեք ռուս բժիշկներ նույնպես մասնակցեցին վիրահատությանը, որը տևել է չորս ժամ և անցել է արդյունավետ։ Երկու շաբաթ հետո բժիշկները կհանեն ինտրոդյուսերները, որոնք ապահովում են հիվանդի ուռուցքի մեջ ալֆա-մասնիկների մուտքը։  "Մնացածը պետք է օրգանիզմն ինքնուրույն անի. ստեղծի պաշտպանական մեխանիզմներ՝ հեռավոր մետաստազների դեմ պայքարելու համա», - հստակեցվում է հաղորդագրության մեջ։

 

 

Յուրահատուկ վիրահատությունն իրականացրած բժիշկների թիմը

 

Լուրեր, հայտարարություններ
Նոր որակ՝ Ուռուցքաբանության ազգային կենտրոնի Ախտորոշման ծառայությունում 06.08.2020

Սա ևս մեկ կարևոր քայլ է ՈՒԱԿ-ի համար, որը ստեղծվելուց կրել է Ռենտգենաբանության և ռադիոլոգիայի ինստիտուտ անվանումը և միշտ հայտնի է եղել իր բարձրակարգ ռենտգենաբաններով։ Այսուհետ մեր անվանի մասնագետները կաշխատեն ժամանակակից ռենտգենաբանության պահանջներին համահունչ։

Պետպատվերով պալիատիվ թերապիա՝ Ուռուցքաբանության ազգային կենտրոնում 04.08.2020

Բաժանմունքի ղեկավար, Հայաստանի Հակացավային և պալիատիվ թերապիայի ասոցիացիայի նախագահ Հրանտ Կարապետյանի խոսքով, բաժանմունքը կոչված է ապահովել քրոնիկ և ծանր հիվանդների կյանքի որակը՝ առանց ցավի և տառապանքի։

Հոգեբանական անկյուն․ Ինչու՞ են մարդիկ այդքան ծանր տանում քաղցկեղ ախտորոշումը 03.08.2020

Ինչ խոսք, յուրաքանչյուր դեպք անհատական է, և այո մեր օրերում, ցավոք սրտի, ֆինանսական գործոնը կարող է զգալի դեր խաղալ բուժման որոշ տեսակների հարցում։ Ճիշտ է, վերջին ժամանակներս իրավիճակն էականորեն փոխվել է, քանի որ պետությունը բուժման որոշակի տեսակների ծախսերն ամբողջությամբ իր վրա է վերցրել, սակայն կան դժվարամատչելի հետազոտություններ կամ քիմիաթերապևտիկ շատ թանկ դեղեր, որոնց արժեքն առայժմ պետությունը չի փոխհատուցում։

Հաճախ տրվող հարցեր