Նորություններ
Ճապոնիայում արյան կաթիլի միջոցով 99% ճշտությամբ կարող են որոշել քաղցկեղի 13 տեսակ
Ճապոնիայում արյան կաթիլի միջոցով 99% ճշտությամբ կարող են որոշել քաղցկեղի 13 տեսակ
05.12.2019

Ախտորոշման հիմքում ՌՆԹ չկոդավորված փոքր մոլեկուլների տեսակների և խտության որոշումն է։

Toshiba ընկերությունը մշակել է քաղցկեղային հիվանդությունների ախտորոշման մեթոդ, որը հնարավորություն է տալիս արյան հետազոտությամբ որոշել այդ հիվանդության առկայությունը 99% ճշգրտությամբ։ Այս մասին ասվում է ընկերության հայտարարության մեջ։


Ախտորոշման վերոնշյալ եղանակի հիմքում ՌՆԹ փոքր չկոդավորվող մոլեկուլների տեսակների և խտության որոշումն է, որոնք արյան մեջ անջատվում են քաղցկեղային բջիջների կողմից։ Հետազոտության իրականացման համար պահանջվում է  արյան ընդամենը մեկ կաթիլ և մոտավորապես երկու ժամ ժամանակ։ Հատուկ դրա համար ընկերությունը ստեղծել է շարժական սարք՝ ներկառուցված ախտորոշիչ միկրոհամակարգով (չիպով)։


Թեստը հնարավորություն է տալիս որոշել քաղցկեղի 13 տեսակ, այդ թվում` ստամոքսի, կրծքագեղձի, լյարդի, կերակրափողի, ենթաստամոքսային գեղձի, աղիների, միզապարկի և այլն։ Այն կիրառելի է նույնիսկ հիվանդության ամենավաղ շրջանում, նշում են Toshiba-ում։ Ընկերությունը հույս ունի, որ մի քանի տարի անց, անհրաժեշտ փորձարկումների ցիկլի ավարտից հետո, ախտորոշման նոր եղանակը կկիրառվի ամենուր։


Ճապոնիայում վերջին տարիներին քաղցկեղով հիվանդների թվի աճի ֆոնին սկսել են ակտիվորեն ուսումնասիրել ուռուցքի դեմ պայքարի նոր եղանակները։ Առաջին հերթին, դրանք վերաբերում են ախտորոշման եղանակների կատարելագործմանը, որոնք հնարավորություն են տալիս հիվանդությունը հայտնաբերել վաղ շրջանում։ Այդ պատճառով աստիճանաբար առավել լայն է կիրառություն է ստանում արհեստական ինտելեկտը։


Սկզբնաղբյուր. ТАСС

 

 

Լուրեր, հայտարարություններ
Բացօթյա քիմիաթերապիա՝ Ուռուցքաբանության ազգային կենտրոնի կանաչապատ տարածքի հարմարավետ տաղավարում. Armenia TV 14.08.2020

«Քիմիաթերապիայի բացօթյա սրահը կորոնավիրուսի պատճառով է ստեղծվել։ Քիմիաթերապիան ընդհատել չէին կարող։ Որպես լուծում որոշվեց դուրս գալ մաքուր օդի, միաժամանակ բեռնաթափելով ստացիոնարը», - ասվում է ռեպորտաժում։

Առաջին գիտաժողովը՝ Ուռուցքաբանության ազգային կենտրոնի քիմիաթերապիայի բացօթյա սրահում 13.08.2020

Անդրադարձ կատարվեց HER2 դրական քաղցկեղով հիվանդների բուժման նորամուծություններին, մասնավորապես, ներկայացվեցին հիվանդների բուժման արդյունավետության ցուցանիշների բարելավումը թիրախային դեղորայքների կիրառումով, որոնք են տրաստուզումաբը, պերտուզումաբը և կադսիլան։ Քննարկվեց հակա-HER թերապիայի կիրառումը կրծքագեղձի HER2 դրական քաղցկեղով հիվանդների բուժման գործում, ինչպես ադյուվանտ և նեո-ադյուվանտ ռեժիմում, այնպես էլ մետասթատիկ դեպքերի ժամանակ։

Ուռուցքբանության ազգային կենտրոնը նոր շունչ է ստանում (վիդեո) 10.08.2020

Կենտրոնի տնօրեն Նարեկ Մանուկյանի խոսքով` ՈՒԱԿ-ի շենքը կառուցվել է 1980-ականներին, և կային բաժանմունքներ, որոնք այդ ժամանակվանից ի վեր չէին վերանորոգվել։ Այժմ կենտրոնում արդիականցվում են բժշկական սարքերը, մեծ թափով իրականացվում են վերանորոգման աշխատանքներ:

Հաճախ տրվող հարցեր