Նորություններ
Քաղցկեղը հաղթահարած հայտնի մարդիկ․ Քայլի Մինոուգ
Քաղցկեղը հաղթահարած հայտնի մարդիկ․ Քայլի Մինոուգ
15.02.2020

Ավստրալացի երգչուհի Քայլի Մինոուգը մեկնել էր հյուրախաղերի Եվրոպա, երբ նրա մոտ հայտնաբերեցին կրծքագեղձի քաղցկեղ։


Այդ ժամանակ նա 36 տարեկան էր։ Աստղն անմիջապես հետաձգեց համերգային շրջագայությունը՝ բուժում ստանալու համար։ Նրա հավատարիմ երկրպագուները չհանձնեցին գնված տոմսերը, որպեսզի աջակցեն սիրված երգչուհուն։


«երբ բժիշկը հայտնեց ինձ իմ ախտորոշումը, հողը ոտքիս տակից գնաց։ Ինձ թվում էր, որ ես արդեն մահացել եմ», - հիշում է երգչուհին։


Կրծքագեղձի սեկտորալ մասնահատումից և ֆիբրոադենոմայի հեռացումից հետո Մինոուգը վեցամսյա քիմիոթերապիայի կուրս ստացավ Փարիզում: Հավաքելով ողջ իր ուժը, երգչուհին կարողացավ հաղթահարել հիվանդությունը: Ավելին` որոշ ժամանակ անց Քայլին նորից դուրս եկավ բեմ:
Քայլի Մինոուգի դեպքն ահազանգ դարձավ բազմաթիվ կանանց համար: Երգչուհու մոտ քաղցկեղի բացահայտումից հետո Ավստրալիայում մամոգրաֆիկ հետազոտոտությունների թիվը աճեց 20 անգամ:


Այժմ Քայլի Մինոուգը ակտիվորեն մասնակցում է կրծքագեղձի քաղցկեղի դեմ ուղղված և մարդկանց իրազեկվածությունը բարձրացնող տարբեր քարոզարշավների: «Բժշկության ներկայիս զարգացման աստիճանը թույլ է տալիս հաղթահարել կրծքագեղձի քաղցկեղը։ Կարևորը այն ժամանակին հայտնաբերելն է», - ասում է նա։

Լուրեր, հայտարարություններ
«Ստվերային շրջանառությունը բուժհիմնարկներում շատ տհաճ մթնոլորտ է առաջացնում, որը ամբողջությամբ մեր կենտրոնում հաղթահարված է»․ Նարեկ Մանուկյան 20.09.2020

«Մեր բուժկենտրոնը 2020 թվականի առաջին կիսամյակում 2019 նույն ժամանակահատվածի հետ համեմատ 1000 խոշոր հարկատուների ցանկում 84 կետ ով առաջ է եկել․ ամսեկան մոտ 20 մլն դրամ ավել հարկ ենք մուծում։ Գումարները ստվերային շրջանառությունից եկել են սպիտակ, բաց դաշտ։ Ստվերային շրջանառությունը բուժհիմնարկներում շատ տհաճ մթնոլորտ է առաջացնում, որը ամբողջությամբ մեր կենտրոնում հաղթահարված է», - ասաց Նարեկ Մանուկյանը։

Միզապարկի քաղցկեղով հիվանդների բուժման նորագույն մոտեցումներին նվիրված գիտաժողով՝ ՈՒԱԿ-ում 18.09.2020

Գիտաժողովի ժամանակ քննարկվեցին միզապարկի ուրոթելիալ քաղցկեղի բուժման արդյունավետության ցուցանիշները, քիմիաթերապիայի առաջին շարքում կիրառվող քիմիաթերապևտիկ համակցությունների ապրելիության ցուցանիշները, ինչպես նաև քննարկվեց վերջին երկու տարիների ընթացքում ստեղծված հինգ նոր իմունոթերապևտիկ դեղերի նշանակությունը միզապարկի ուրոթելիալ մեթաստատիկ քաղցկեղի բուժման առաջին և երկրորդ շարքերում։

Կլինիկական պաթոմորֆոլոգիայի բաժանմունքի փորձառու մեր թիմին են միացել երիտասարդ մասնագետներ 17.09.2020

«Պաթոմորֆոլոգիայի մեջ կա շատ գիտություն։ Մենք մարդիկ ենք, որ սիրում ենք այն, ինչ շոշափելի է, այսինքն, ուռուցքի մասին խոսենք ոչ միայն կլինիկորեն, ոչ միայն ռադիոլոգիայով իրեն տեսնելով, այլ շոշափելով, կտրելով, և մանրադիտակի տակ նայելով։ Մենք մի քիչ սկեպտիկ ենք, հավատում ենք միայն աչքով տեսածին», - ասում է Նելլի Գրիգորյանը։

Հաճախ տրվող հարցեր