Նորություններ
«Հարի Փոթերի» աստղի մոտ քաղցկեղ են հայտնաբերել
«Հարի Փոթերի» աստղի մոտ քաղցկեղ են հայտնաբերել
24.02.2020

Բրիտանացի դերասանուհի Ջուլի Ուոլթերսը հայտնել է «երրորդ փուլի հաստ աղու քաղցկեղ» ախտորոշման մասին։ Հարի Փոթերի մասին ֆիլմաշարի աստղը նշել է, որ ծանր հիվանդությունը ստիպել է նրան նորովի նայել կյանքին, հաղորդում է BBC-ն։


BAFTA մրցանակի յոթակի դափնեկրի, 62-ամյա դերասանուհին պատմել է, որ այս պահին իրեն լավ է զգում։ Ջուլին խոստովանել է, որ վատ ախտորոշման մասին իմացել է տարիուկես առաջ, համակարգչային շերտագրման միջոցով։


Դերասանուհին բժշկի էր դիմել ստամոքսի խանգարման և թեթև դիսկոմֆորտի պատճառով, բայց ավելի ուշ այդ ախտանշաններին ավելացան ցավ որովայնում, այրոց և փսխում։


Այն ժամանակ Ջուլին՝ Բրիտանական կայսրության կոմանդորը, նկարահանվում էր «Խորհրդավոր պարտեզ» ֆիլմում, որից հետագայում ստիպված եղավ որոշ տեսարաններ կրճատել։


«Սկզբում ես մտածում էի, չի կարող պատահել։ Երևի բժիշկը սխալվել է։ Ես չէի կարող հավատալ», - պատմել է Ջուլին։ Նա հիշել է, թե ինչպես է կիսվել այդ նորությամբ ամուսնու՝ Հրանտ Ռոֆիի հետ․ «Չեմ մոռանա այդ պահը․․․Ես պատմեցի նրան ախտորոշման մասին, և նրա աչքերից արցունքներ հոսեցին»։


Ուոլթերսը պատմել է, որ լավանալու հույսը չի կորցրել, թեպետ եղել են պահեր, որ նա վախենում էր․ օրինակ, որ նարկոզից հետո չի արթնանա։


Դերասանուհին վիրահատություն է տարել, որի ժամանակ նրա աղու մի հատվածը հեռացրել են, և ստացել է քիմիաթերապիա, որը, նրա խոսքով շատ լավ է անցել, և նա չի կորցրել իր մազերը։


Ուոլթերսի խոսքով, ախտորոշումը «լիովին փոխել է» նրա պատկերացումները դերասանական կարիերայի մասին։


«Դա մեծ թեթևացում էր․ ընդմիջում անել աշխատասնքային խելագար գրաֆիկում։ Ես պետք է նկարահանվեի ևս երկու երկար սերիալում և երկու ֆիլմում։ Բայց ես ամեն ինչ չեղարկեցի, և դա հրաշալի է։ Ես, իհարկե, չեմ հրաժարվի նկարահանումներից, բայց հաստատ չեմ վերադառնա այն գրաֆիկին, երբ ես ամեն օր աշխատում էի առավոտյան ժամը հինգից մինչև երեկոյան ժամը յոթը», - պատմել է դերասանուհին։


Ջուլի Ուոլթերսը նկարահանվել է «Ջեյն Օսթին», «Պադդինգթոնի արկածները»․ «Բիլի Էլիոթ», «Մերի Փոփինսը վերադառնում է», «Մամա միա» ֆիլմերում։


Հարի Փոթերի մասին հանրահայտ ֆիլմաշարում նա կատարել է Մոլի Ուիզլիի դերը։

 

 

Սկզբնաղբյուր՝ bbc.com


Լուրեր, հայտարարություններ
«Ստվերային շրջանառությունը բուժհիմնարկներում շատ տհաճ մթնոլորտ է առաջացնում, որը ամբողջությամբ մեր կենտրոնում հաղթահարված է»․ Նարեկ Մանուկյան 20.09.2020

«Մեր բուժկենտրոնը 2020 թվականի առաջին կիսամյակում 2019 նույն ժամանակահատվածի հետ համեմատ 1000 խոշոր հարկատուների ցանկում 84 կետ ով առաջ է եկել․ ամսեկան մոտ 20 մլն դրամ ավել հարկ ենք մուծում։ Գումարները ստվերային շրջանառությունից եկել են սպիտակ, բաց դաշտ։ Ստվերային շրջանառությունը բուժհիմնարկներում շատ տհաճ մթնոլորտ է առաջացնում, որը ամբողջությամբ մեր կենտրոնում հաղթահարված է», - ասաց Նարեկ Մանուկյանը։

Միզապարկի քաղցկեղով հիվանդների բուժման նորագույն մոտեցումներին նվիրված գիտաժողով՝ ՈՒԱԿ-ում 18.09.2020

Գիտաժողովի ժամանակ քննարկվեցին միզապարկի ուրոթելիալ քաղցկեղի բուժման արդյունավետության ցուցանիշները, քիմիաթերապիայի առաջին շարքում կիրառվող քիմիաթերապևտիկ համակցությունների ապրելիության ցուցանիշները, ինչպես նաև քննարկվեց վերջին երկու տարիների ընթացքում ստեղծված հինգ նոր իմունոթերապևտիկ դեղերի նշանակությունը միզապարկի ուրոթելիալ մեթաստատիկ քաղցկեղի բուժման առաջին և երկրորդ շարքերում։

Կլինիկական պաթոմորֆոլոգիայի բաժանմունքի փորձառու մեր թիմին են միացել երիտասարդ մասնագետներ 17.09.2020

«Պաթոմորֆոլոգիայի մեջ կա շատ գիտություն։ Մենք մարդիկ ենք, որ սիրում ենք այն, ինչ շոշափելի է, այսինքն, ուռուցքի մասին խոսենք ոչ միայն կլինիկորեն, ոչ միայն ռադիոլոգիայով իրեն տեսնելով, այլ շոշափելով, կտրելով, և մանրադիտակի տակ նայելով։ Մենք մի քիչ սկեպտիկ ենք, հավատում ենք միայն աչքով տեսածին», - ասում է Նելլի Գրիգորյանը։

Հաճախ տրվող հարցեր