Օնկոուրոլոգիական բաժանմունք

Օնկոուրոլոգիական բաժանմունք

 

ՈՒԱԿ․ Օնկոուրոլոգիական բաժանմունք

 

Ուրոլոգիական բաժանմունքը գործում է ՈՒԱԿ հիմնադրումից ի վեր:

 

Բաժանմունքը ծավալված է 35 մահճակալով: Ուրոլոգիական բաժանումնքն ունի 13 աշխատակից, որոնցից 5 բժիշկ և 7 քույրեր: Մասնագետները տիրապետում են բոլոր անհրաժեշտ ունակություններին, ինչը թույլ է տալիս կատարել  մասնագիտացված բարձրակարգ վիրահատական բուժում` միզասեռական օրգանների հիվանդությունների դեպքում:

 

Ուրոլոգիական բաժանմունքի բժիշկները Եվրոպական և Հայկական ուրոլոգիական ասոցացիայի լիիրավ անդամներ են, մասնակցում են վերջիններիս տարեկան գիտաժողովներին, ցուցաբերում ակտիվ մասնակցություն: Բաժանմունքում իրականացվում են նաև փորձի փոխանակման բազմաթիվ ծրագրեր: Վերջին 10 տարիներին հրապարակվել են ավելի քան 50 գիտական աշխատանքներ, պաշտպանվել են 5 թեկնածուական թեզեր:  Բաժանմունքը Երևանի պետական բժշկական համալսարանի ուրոլոգիայի և օնկոլոգիայի ամբիոնների կլինիկական բազա է:

 

Բաժանումնքում տարեկան բուժօգնություն են ստանում ավելի քան 450 հիվանդներ: Բոլոր հիվանդներին ցուցաբերվում է անհատական մոտեցում, բուժումն ապահովում է կյանքի բարձր որակ:

ՈՒԱԿ․ Օնկոուրոլոգիական բաժանմունք
 


Ուրոլոգիական բաժանմունքը հագեցված է համաշխարհային ստանդարտներին համապաստխանող բոլոր սարքերով

 
  լապարասկոպիկ և բաց վիրահատական սարքեր,
  էնդոսկոպիկ սարքեր (ինչպես` մոնոպոլյար, այնպես էլ` բիպոլյար),
  նորագույն սերնդի հարմոնիկ ուլտրաձայնային դանակ,
  ֆլյուորեսցենտային ֆոտոդինամիկ սարք, որը հնարավորություն է տալիս վաղ փուլում ախտորոշել միզապարկի քաղցկեղը:

 

Շնորհիվ ախտորոշիչ սարքերի, բաժանմունքում հնարավոր է տարբեր տեղակայման ուռուցքների և նորագոյացությունների  հայտնաբերման նպատակով իրականացնել հետևյալ գործիքային ախտորոշիչ հետազոտությունները.


  ուլտրաձայնային հետազոտութուն , 
  դոպլերոգրաֆիա ,
  ինվազիվ  ախտորոշիչ հետազոտություններ ,
  էնդոսկոպիկ հետազոտություններ,
  տրանսաբդոմինալ, տրանսռեկտալ և էնդոսկոպիկ բիոպսիա :

 

Միզապարկի քաղցկեղի դեպքում  հաճախ պահանջվում է համակցված բուժում, ինչը կարելի է հնարավորին արդյունավետ  իրականացնել միայն բազմապրոֆիլ մասնագիտացված կենտրոնում:

 

Կենտրոնում իրականացվում են բուժման հետևյալ մեթոդները.

 

Միզապարկի մակերեսային քաղցկեղի  դեպքում.


1.    միզապարկի մոնոպոլյար տրանսուրետրալ մասնահատում,
2.    միզապարկի բիպոլյար տրանսուրետրալ մասնահատում,
3.    միզապարկի տրանսուրետրալ մասնահատում՝ ֆլուորեսցենտային ֆոտոդինամիկ հսկողությամբ,
4.    ներմիզապարկային քիմիաթերապիա,  իմունաթերապիա (BCG):


Միզապարկի ինվազիվ քաղցկեղի դեպքում.


1.    արմատական ցիստպրոստատէկտոմիա՝ աղիքից նոր միզապարկի ձևավորումով (ինչը թույլ է տալիս պահպանել ինքնուրույն միզարձակությունը՝ ապահովելով կյանքի բարձր որակ)
2.    արմատական ցիստպրոստատէկտոմիա՝ մեզի ոչ բնական արտահոսքով:


Միզապարկի մետաստատիկ քաղցկեղի դեպքում.


1.    քիմիաթերապիա,
2.    պալիատիվ ճառագայթային բուժում:


Շագանակագեղձի քաղցկեղ ախտորոշումով կլինիկա են ընդունվում բազմաթիվ հիվանդներ, որոնք ստանում են.


1.    վիրահատական բուժում (արմատական պրոստատէկտոմիա),
2.    դիստանցիոն ճառագայթային բուժում,
3.    հորմոնալ թերապիա,
4.    քիմիաթերապիա:

 

Օնկոուրոլոգիա   Օնկոուրոլոգիա   Օնկոուրոլոգիա

 

Երիկամի քաղցկեղի դեպքում.


1.    երիկամի մասնահատում՝ լապարասկոպիկ և բաց եղանակներով,
2.    նեֆրէկտոմիա՝ լապարասկոպիկ և բաց եղանակներով,
3.    նեֆրէկտոմիա՝ հետորովայնամզային  լիմֆադենէկտոմիայով,
4.    նեֆրէկտոմիա՝ ստորին սիներակի թրոմբի հեռացումով,
5.    նեֆրէկտոմիա՝  հարակից օրգանների կոմբինացված մասնահատումով,
6.    պալիատիվ նեֆրէկտոմիա,
7.    թիրախային և պալիատիվ թերապիա:


ՈՒԱԿ-ը մեծ փորձ ունի ամորձու և առնանդամի ուռուցքների բուժման գործընթացում: 


Ամորձու քաղցկեղի  դեպքում.


1.    օրխոֆունիկուլէկտոմիա՝ ադյուվանտ պոլիքիմիաթերապիայով,
2.    հետորովայնամզային լիմֆադենէկտոմիա,
3.    քիմիաթերապիա և ճառագայթաբուժում:

Առնանդամի քաղցկեղի  դեպքում.


1.    առնանդամի ամպուտացիա,
2.    առնանդամի էկստիրպացիա,
3.    էմասկուլացիա,
4.    երկկողմանի աճուկազդրային լիմֆադենէկտոմիա՝ ըստ Դյուկենի:

 

Գնացուցակ
Մեր մասնագետները
Լուրեր, հայտարարություններ
Նոր որակ՝ Ուռուցքաբանության ազգային կենտրոնի Ախտորոշման ծառայությունում 06.08.2020

Սա ևս մեկ կարևոր քայլ է ՈՒԱԿ-ի համար, որը ստեղծվելուց կրել է Ռենտգենաբանության և ռադիոլոգիայի ինստիտուտ անվանումը և միշտ հայտնի է եղել իր բարձրակարգ ռենտգենաբաններով։ Այսուհետ մեր անվանի մասնագետները կաշխատեն ժամանակակից ռենտգենաբանության պահանջներին համահունչ։

Պետպատվերով պալիատիվ թերապիա՝ Ուռուցքաբանության ազգային կենտրոնում 04.08.2020

Բաժանմունքի ղեկավար, Հայաստանի Հակացավային և պալիատիվ թերապիայի ասոցիացիայի նախագահ Հրանտ Կարապետյանի խոսքով, բաժանմունքը կոչված է ապահովել քրոնիկ և ծանր հիվանդների կյանքի որակը՝ առանց ցավի և տառապանքի։

Հոգեբանական անկյուն․ Ինչու՞ են մարդիկ այդքան ծանր տանում քաղցկեղ ախտորոշումը 03.08.2020

Ինչ խոսք, յուրաքանչյուր դեպք անհատական է, և այո մեր օրերում, ցավոք սրտի, ֆինանսական գործոնը կարող է զգալի դեր խաղալ բուժման որոշ տեսակների հարցում։ Ճիշտ է, վերջին ժամանակներս իրավիճակն էականորեն փոխվել է, քանի որ պետությունը բուժման որոշակի տեսակների ծախսերն ամբողջությամբ իր վրա է վերցրել, սակայն կան դժվարամատչելի հետազոտություններ կամ քիմիաթերապևտիկ շատ թանկ դեղեր, որոնց արժեքն առայժմ պետությունը չի փոխհատուցում։

Հաճախ տրվող հարցեր