Նորություններ
Կյանքից հեռացել է անվանի բժիշկ Սերգեյ Գրիգորիի Սեինյանը
Կյանքից հեռացել է անվանի բժիշկ Սերգեյ Գրիգորիի Սեինյանը
22.04.2020

Ապրիլի 21-ին, 72 տարեկանում,  կյանքից հեռացել է ուռուցքաբան-օրթոպեդ,  Վ․Ա․ Ֆանարջյանի անվան Ուռուցքաբանության ազգային կենտրոնի Ոսկրային ուռուցքաբանության բաժանմունքի աշխատակից, ՀՀ բանակի բժշկական ծառայության պահեստի փոխգնդապետ Սերգեյ Գրիգորիի Սեինյանը։

 

Սերգեյ Սեինյանը մեծ ներդրում է ունեցել ուռուցքաբանության և վնասվածքաբանության բնագավառում, նա Հայաստանում կայացրել ու զարգացրել է ոսկրային ուռուցքաբանությունը։

 

Անվանի բժիշկը տարբեր տարիներին զբաղեցրել է Վ․Ա․ Ֆանարջյանի անվան Ոռուցքաբանության ազգային կենտրոնի գլխավոր բժշկի և բուժական գծով փոխտնօրենի պաշտոնները։

 

Նա նաև Ոսկրային պաթոլոգիայի հանրապետական կենտրոնի հիմնադիրն էր (1998թ․)։

 

Սերգեյ Սեինյանը արցախյան պատերազմի մասնակից էր․ նրա ղեկավարած բժիշկների խումբը բազմաթիվ ազատամարտիկների և խաղաղ բնակիչների կյանք է փրկել։

 

Պատերազմից հետո նա շարունակում էր մասնագիտական օգնություն ցույց տալ Ստեփանակերտի հակաուռուցքային դիսպանսերի և զինվորական կենտրոնական կլինիկական հոսպիտալի բժիշկներին։ Ուռուցքաբանության ազգային կենտրոնում նա մի քանի սերունդ երիտասարդ բժիշկների է կրթել։
Ուռուցքաբանության ազգային կենտրոնի ողջ անձնակազմը իր խորին ցավակցությունն է հայտնում Սերգեյ Սեինյանի հարազատներին և ընկերներին, որդիներին, մեր սիրելի գործընկեր՝ Ալեքսանդր Սեինյանին։

 

 

      

Ոսկրային ախտաբանության բաժանմունք   Ոսկրային ախտաբանության բաժանմունք



Լուրեր, հայտարարություններ
Երիկամի արմատական հեռացում լապարասկոպիկ եղանակով՝ Ուռուցքաբանության ազգային կենտրոնում 22.01.2021

Լապարասկոպիկ եղանակը հնարավորություն է ընձեռում առանց կտրվածքի՝ մի քանի անցքերով անցկացված գործիքներով, ճշգրիտ սահմաններով, արմատականորեն հեռացնել երիկամը շրջակա ճարպաբջջանքի հետ միասին: Վիրահատությունները հաջողությամբ կատարել է բաժանմունքի վարիչ Կարեն Ծառուկյանը, օգնական՝ Ազատ Չախոյան:

Կանանց առողջության կլինիկա․ Կրծքագեղձի քաղցկեղի կանխարգելում 18.01.2021

Յուրաքանչյուր կին պետք է իմանա, որ դաշտանի ավարտից 2-3 օր անց հայելու առջև կարող է և պետք է զննի կուրծքը: Դաշտանադադարից հետո կրծքագեղձի զննումը պետք է կատարվի յուրաքանչյուր ամսվա առաջին օրը: Կրծքագեղձի ինքնազննման նպատակն է կրծքագեղձի տարբեր հիվանդությունների ախտանիշների վաղ հայտնաբերումը և ժամանակին համապատասխան մասնագետի դիմելը:

Ուռուցքաբանության ազգային կենտրոնը վերսկսում է ռադիոյոդային բուժումը 14.01.2021

Ռադիոյոդթերապիան ժամանակավորապես դադարեցվել էր ռադիոյոդի ներկրման՝ կորոնավիրուսով պայմանավորված դժվարությունների պատճառով։

Հաճախ տրվող հարցեր