Նորություններ
Ուռուցքաբանության ազգային կենտրոնին անհրաժեշտ են արյան դոնորներ
Ուռուցքաբանության ազգային կենտրոնին անհրաժեշտ են արյան դոնորներ
04.05.2020

Քաղցկեղով հիվանդների մոտ որպես բարդություն հաճախ առաջանում է ծանր սակավարյունություն։ Այս դեպքում նրանց անհրաժեշտ է արյան փոխներարկում։

 

Մենք դիմում ենք 18 տարին լրացած մեր քաղաքացիներին, որոնք չունեն առողջական խնդիրներ: Մի սպասեք, մինչև որ արյան կարիք կունենա Ձեր մերձավորներից մեկը։ Ձեր արյունը շատ արժեքավոր է հենց հիմա բուժում ստացող, թեկուզև Ձեզ անծանոթ մարդու համար։

 

Դրա հետ մեկտեղ Դուք հնարավորություն կունենաք ստուգել Ձեր առողջական վիճակը։ Դուք կանցնեք անվճար բուժզննում, որը ներառում է թերապևտի խորհրդատվություն և արյան կլինիկական և կենսաքիմիական հետազոտություն, այդ թվում՝ հեպատիտի, ՄԻԱՎ-ի և սիֆիլիսի վարակների ստուգում:

 

Ավելի մանրամասն տեղեկատվություն ստանալու համար զանգահարեք 055687068 հեռախոսահարով։

Լուրեր, հայտարարություններ
Երիկամի արմատական հեռացում լապարասկոպիկ եղանակով՝ Ուռուցքաբանության ազգային կենտրոնում 22.01.2021

Լապարասկոպիկ եղանակը հնարավորություն է ընձեռում առանց կտրվածքի՝ մի քանի անցքերով անցկացված գործիքներով, ճշգրիտ սահմաններով, արմատականորեն հեռացնել երիկամը շրջակա ճարպաբջջանքի հետ միասին: Վիրահատությունները հաջողությամբ կատարել է բաժանմունքի վարիչ Կարեն Ծառուկյանը, օգնական՝ Ազատ Չախոյան:

Կանանց առողջության կլինիկա․ Կրծքագեղձի քաղցկեղի կանխարգելում 18.01.2021

Յուրաքանչյուր կին պետք է իմանա, որ դաշտանի ավարտից 2-3 օր անց հայելու առջև կարող է և պետք է զննի կուրծքը: Դաշտանադադարից հետո կրծքագեղձի զննումը պետք է կատարվի յուրաքանչյուր ամսվա առաջին օրը: Կրծքագեղձի ինքնազննման նպատակն է կրծքագեղձի տարբեր հիվանդությունների ախտանիշների վաղ հայտնաբերումը և ժամանակին համապատասխան մասնագետի դիմելը:

Ուռուցքաբանության ազգային կենտրոնը վերսկսում է ռադիոյոդային բուժումը 14.01.2021

Ռադիոյոդթերապիան ժամանակավորապես դադարեցվել էր ռադիոյոդի ներկրման՝ կորոնավիրուսով պայմանավորված դժվարությունների պատճառով։

Հաճախ տրվող հարցեր