Պացիենտների համարԿանխարգելում
Մսի շատ և բանջարեղենի ու մրգերի քիչ օգտագործումն ավելացնում են կենսաբանական տարիքը
Մսի շատ և բանջարեղենի ու մրգերի քիչ օգտագործումն ավելացնում են կենսաբանական տարիքը
06.06.2016

Կարմիր մսի չափազանց շատ և մրգերի ու բանջարեղենի քիչ պարունակությամբ սննդակարգերը կարող են մեծացնել կենսաբանական տարիքը և նպաստել առողջական խնդիրների առաջացմանը: Այսպիսի հետևությունների են հանգել Գլազգոյի Համալսարանի հետազոտողները, երբ հայտնաբերեցին, որ կարմիր մսով սնվելու հետևանքով արյան շիճուկում ֆոսֆատների մակարդակի բարձրացումն արագացնում է ծերացումը:
Հետազոտության տվյալները վկայում են, որ մշտական և լավ աշխատանք չունեցող տղամարդկանց մոտ արյան մեջ ֆոսֆատների բարձր մակարդակով պայմանավորված արագացած կենսաբանական ծերացումը ուղղակիորեն կապված է սննդի մեջ կարմիր մսի օգտագործման հաճախության հետ: Պարզվում է , որ սա հարկադրված սննդակարգ է՝ պայմանավորված մրգերի և բանջարեղենի անհրաժեշտ քանակի ընդունման հնարավորության բացակայությամբ:

Այս հետազոտությունն իրականացվել է Քաղցկեղի ինստիտուտի և Կառոլինսկա ինստիտուտի (Ստոկհոլմ, Շվեդիա) հետ համատեղ, և այն ցույց տվեց, որ գործազուրկ տղամարդկանց մոտ ֆոսֆատների բարձր մակարդակը հստակորեն կապված է երիկամների ֆունկցիայի ընկճման և նույնիսկ երիկամների թեթև ու չափավոր քրոնիկական հիվանդությունների հետ: Պրոֆեսոր Pavel Shield-ն ասել է. «Այս հետազոտության տվյալները վկայում են հօգուտ ֆոսֆատների մեծ քանակի ընդունման և տարիքային հիվանդությունների միջև կապի, որը պայմանավորված է սոցիալ-տնտեսական կարգավիճակով, մասնավորապես՝ կիրառվող սննդակարգով և մրգերի ու բանջարեղենի հասանելիությամբ»:

Օրգանիզմում նմանատիպ փոփոխություններ գրեթե չեն հայտնաբերվել այն տղամարդկանց և կանանց մոտ, ովքեր գտնվում էին ավելի բարենպաստ սոցիալ-տնտեսական կարգավիճակում, ինչը ենթադրում է, որ նրանց սնուցումն առավել հավասարակշռված էր և ապահովված առողջ սննդով:

Ֆոսֆատները բնական ձևով առավել շատ գոյություն ունեն հիմնական սննդամթերքում (միս, ձուկ, կաթնամթերք, բանջարեղեն): Աղիներում ֆոսֆատների ներծծումը բավականին արագ է տեղի ունենում և քիչ է կառավարվում, այդ պատճառով սննդում ֆոսֆատի բարձր պարունակությունն արագ բարձրացնում է այդ նյութի մակարդակն արյան շիճուկում, ինչը կարող է մարդու առողջության համար անբարենպաստ հետևանքներ ունենալ:
 
Ավելի վաղ կատարված հետազոտություններն արդեն ցույց էին տվել, որ ֆոսֆատների բարձր մակարդակը կապված է սիրտ-անոթային հիվանդություններից մահացության բարձր ռիսկի հետ, ինչպես նաև անոթների և երիկամների վաղաժամ ծերացման հետ: Այդ մասին պրոֆեսոր Shiels այսպես է արտահայտվել. «Ապշեցնող է, որ հետազոտվողներից շատերի մոտ էր առկա երիկամների գործունեության խանգարում, ինչը վկայում էր երիկամների առաջացող քրոնիկական հիվանդության կամ նրա վաղ շրջանի մասին: Եվ նման իրավիճակում շատ բացասաբար է ազդում մսամթերքի բարձր պարունակությամբ սնունդը»:
 

Գիտնականները կարողացան բացահայտել էական կապը արյան շիճուկում ֆոսֆատների մակարդակի և կենսաբանական տարիքի մարկերների միջև, այդ թվում` ԴՆԹ-ի վիճակի և տելոմերի երկարության: Այս հետազոտությունը առողջության վատթարացման վրա հոգեբանական, սոցիալական և կենսաբանական գործոնների ազդեցության ուսումնասիրության նպատակով իրականացված մեծ կոհորտային հետազոտության (pSoBid) մի մասն է, որն ի սկզբանե ֆինանսավորվել էր Գլազգոյի բնակչության առողջապահության կենտրոնի կողմից:

Լուրեր, հայտարարություններ
«Ուռուցքաբանության զարգացման էտապները ՀՀ-ում, ապագայի տեսլականը»․ Հայկուհի Գեոկչյան 05.03.2021

ՀՀ Առողջապահության նախարարության ուռուցքաբանության գծով խորհրդատու, Էրեբունի բժշկական կենտրոնի ուռուցքաբանության գծով փոխտնօրեն Հայկուհի Գեոկչյանի ելույթը Հայկական Ոռուցքաբանական առաջին կոնգրեսի ժամանակ, որը կազմակերպվել էր ՀՀ ԱՆ Ֆանարջյանի անվան Ուռուցքաբանության ազգային կենտրոնի կողմից 2021թ. փետրվարի 6-7-ը Ծաղկաձորում:

Ուռուցքի հեռացումից հետո առաջացած անոթային դեֆեկտի վերականգնման հետաքրքիր լուծում ՈւԱԿ-ում 04.03.2021

Վիրահատությունը կատարվել է սպինալ-էպիդուրալ անզգայացումով և սեդացիայով, և տևել է 6 ժամ։

Ինը ժամանոց վիրահատություն ՈւԱԿ-ում՝ տարեց կնոջ մոտ կատարվել է հազվադեպ մելանոմայի հեռացում 03.03.2021

Հարկ է նշել, որ լորձաթաղանթի մելանոման հազվադեպ հանդիպող քաղցկեղ է, այն կազմում է ընդհանուր մելանոմաների 1 տոկոսը, և համարվում է ավելի ագրեսիվ ուռուցք, քան մաշկի մելանոման։

Հաճախ տրվող հարցեր