Մեր մասին
Ընդունարան եվ Ամբուլատորիա
Ախտորոշման ծառայություն
Լաբորատոր հետազոտություններ
Կլինիկա
Տեսասրահ
Հետադարձ կապ
ՀՀ ԱՆ Վ․Ա․ Ֆանարջյանի անվան Ուռուցքաբանության ազգային կենտրոնի բժիշկները շարունակում են զարգացնել լապարոսկոպիկ վիրաբուժության իրենց հմտությունները։ Վերջերս կենտրոնում լապարոսկոպիկ եղանակով կատարվել է երիկամի հեռացում։
41 տարեկան տղամարդու մոտ հայտնաբերվել էր երիկամի չարորակ նորագոյացություն, որը ներաճել էր բաժակ-ավազանային համակարգի մեջ։ Նման դեպքերում երիկամը հեռացնում են ամբողջությամբ։ Որոշում կայացվեց վիրահատությունը կատարել լապարոսկոպիկ եղանակով, քանի որ այն ավելի քիչ տրավմատիկ է և ունի մի շարք առավելություններ։ Այդպիսի վիրահատության ժամանակ արվում են փոքր անցքեր՝ լապարոսկոպիկ գործիքների և տեսախցիկի համար, երիկամը հեռացնելուց հետո դուրս է բերվում փոքր կտրվածքի միջով։
Հարկ է նշել, որ երիկամի լապարոսկոպիկ հեռացում Հայաստանում կատարում են հաշված թվով մասնագետներ։ Այժմ ՈՒԱԿ-ի երիտասարդ օնկոուրոլոգ Ազատ Չախոյանը համալրեց նրանց շարքերը։
Վիրահատությանը մասնակցել են լապարոսկոպիկ վիրաբույժ Ավետ Պետրոսյանը և օնկոուրոլոգ Վարդան Առաքելյանը:
Պացիենտն իրեն լավ է զգում, և մի քանի օրից կարող է վերադառնալ իր բնականոն կյանքին։ Քիմիաթերապիայի կամ ճառագայթային բուժման կարիք նա չունի։ Ուռուցքը հեռացվել է ռադիկալ կերպով, մետաստազներ չեն հայտնաբերվել։
