Նորություններ
ԿԱՆԱՆՑ ԱՌՈՂՋՈՒԹՅԱՆ ԿԼԻՆԻԿԱ. ՈՐՔԱ՞Ն ՀԱՃԱԽ ԿԱՆԱՅՔ ՊԵՏՔ Է ԴԻՄԵՆ ԳԻՆԵԿՈԼՈԳԻ
ԿԱՆԱՆՑ ԱՌՈՂՋՈՒԹՅԱՆ ԿԼԻՆԻԿԱ. ՈՐՔԱ՞Ն ՀԱՃԱԽ ԿԱՆԱՅՔ ՊԵՏՔ Է ԴԻՄԵՆ ԳԻՆԵԿՈԼՈԳԻ
13.01.2021

 

Ցանկացած տարիքի կին տարին մեկ անգամ պետք է դիմի գինեկոլոգի խորհրդատվության համար, անգամ որևէ գանգատների բացակայության դեպքում: Նվազագույն հետազոտությունները ներառում են՝ բժշկի զննում, միկրոֆլորայի հետազոտություն, արգանդի վզիկից բջջաբանական (ՊԱՊ ԹԵՍԹ) հետազոտություն, կոնքի օրգանների տրանսվագինալ ուլտրաձայնային հետազոտություն դաշտանային ցիկլի 5-ից 9-րդ օրերին:



Խորհուրդ է տրվում ՊԱՊ թեսթ հանձնել․


  • 21-29 տարեկանում` 3 տարին մեկ;
  • 30-65 տարեկանում ` 3 տարին մեկ ՊԱՊ թեսթ, 5 տարին մեկ` ՄՊՎ հայտնաբերման թեսթ;
  • 65 տարեկանից հետո կարելի է դադարեցնել ՊԱՊ թեսթի հանձնումը, եթե վերջին 10 տարիների ընթացքում ունեք 3 նորմալ պատասխան:
 
Եթե կատարված հետազոտությունների ընթացքում ստացվում են ոչ նորմալ արդյունքներ, խորհուրդ է տրվում կատարել կոլպոսկոպիական հետազոտություն՝ բիոպսիայով ախտորոշման հետագա ճշտման համար:


 

Պետք է անմիջապես գինեկոլոգի դիմել, եթե առաջացել են հետևյալ գանգատները


  • Ոչ սովորական արյունային արտադրություն սեռական ուղիներից՝ արյունային արտադրություն երկու դաշտանային ցիկլերի միջև, սեռական հարաբերությունից հետո, դաշտանադադարից հետո;
  • Դաշտանային ցիկլի խանգարում;
  • Հեշտոցային արտադրություն, որը տեսքով կամ հոտով տարբերվում է սովորական արտադրությունից;
  • Ցավ կոնքում, ծանրության զգացում;
  • Որովայնի չափերի մեծացում։

 

Առողջության նկատմամբ նման համապարփակ, մշտական «հոգատարության» շնորհիվ յուրաքանչյուր կին հնարավորություն կունենա ժամանակին հայտնաբերել խնդիրները և համապատասխան բուժում ստանալ:

 

 






 

 

Լուրեր, հայտարարություններ
Երիկամի արմատական հեռացում լապարասկոպիկ եղանակով՝ Ուռուցքաբանության ազգային կենտրոնում 22.01.2021

Լապարասկոպիկ եղանակը հնարավորություն է ընձեռում առանց կտրվածքի՝ մի քանի անցքերով անցկացված գործիքներով, ճշգրիտ սահմաններով, արմատականորեն հեռացնել երիկամը շրջակա ճարպաբջջանքի հետ միասին: Վիրահատությունները հաջողությամբ կատարել է բաժանմունքի վարիչ Կարեն Ծառուկյանը, օգնական՝ Ազատ Չախոյան:

Կանանց առողջության կլինիկա․ Կրծքագեղձի քաղցկեղի կանխարգելում 18.01.2021

Յուրաքանչյուր կին պետք է իմանա, որ դաշտանի ավարտից 2-3 օր անց հայելու առջև կարող է և պետք է զննի կուրծքը: Դաշտանադադարից հետո կրծքագեղձի զննումը պետք է կատարվի յուրաքանչյուր ամսվա առաջին օրը: Կրծքագեղձի ինքնազննման նպատակն է կրծքագեղձի տարբեր հիվանդությունների ախտանիշների վաղ հայտնաբերումը և ժամանակին համապատասխան մասնագետի դիմելը:

Ուռուցքաբանության ազգային կենտրոնը վերսկսում է ռադիոյոդային բուժումը 14.01.2021

Ռադիոյոդթերապիան ժամանակավորապես դադարեցվել էր ռադիոյոդի ներկրման՝ կորոնավիրուսով պայմանավորված դժվարությունների պատճառով։

Հաճախ տրվող հարցեր