Նորություններ
Ինը ժամանոց վիրահատություն ՈւԱԿ-ում՝ տարեց կնոջ մոտ կատարվել է հազվադեպ մելանոմայի հեռացում
Ինը ժամանոց վիրահատություն ՈւԱԿ-ում՝ տարեց կնոջ մոտ կատարվել է հազվադեպ մելանոմայի հեռացում
03.03.2021

 

ՀՀ ԱՆ Վ․ Ա․ Ֆանարջյանի անվան Ուռուցքաբանության ազգային կենտրոնում կատարվել է ևս մեկ բարդ վիրահատություն՝ տարածուն ուռուցքային պրոցեսի և ծանր ուղեկցող հիվանդությունների առկայության պարագայում։


83 տարեկան կնոջ մոտ կատարված հետազոտությունների հիման վրա ախտորոշվել է բերանի խոռոչի լորձաթաղանթի մելանոմա, պարանոցի ավշահանգույցների երկկողմանի մետաստատիկ ախտահարումով։


 
 


Կատարվել է ուռուցքի լայն բացազատում վերին ծնոտի մասնահատմամբ, դեֆեկտի պլաստիկա վերին հիմքով քիթ-շրթունքային լաթով, պարանոցային երկկողմանի լիմֆոդիսեկցիա։


 

 
 
 


Հարկ է նշել, որ լորձաթաղանթի մելանոման հազվադեպ հանդիպող քաղցկեղ է, այն կազմում է ընդհանուր մելանոմաների 1 տոկոսը, և համարվում է ավելի ագրեսիվ ուռուցք, քան մաշկի մելանոման։


Փաստացի կատարվել է արմատական վիրահատություն, որի ընթացքում ամբողջովին հեռացվել են առաջնային և երկրորդային նորագոյացությունները։ Այն տևել է 9 ժամ։


 

 
 
 


Վիրահատությունը կատարել են Ընդհանուր և մանկական ուռուցքաբանության և ռեկոնստրուկտիվ վիրաբուժության բաժանմունքի վարիչ Մհեր Կոստանյանը, ԼՕՌ-վիրաբույժ Արմինե Զարգարյանը, և անէսթեզիոլոգ Արշակ Հարությունյանը։


Հետվիրահատական շրջանն ընթացել է հարթ, վերքերն ապաքինվել են առաջնային ձգումով:


Հիվանդն ինքնուրույն սնվում է հետվիրահատական շրջանի 7-րդ օրվանից և պատրաստվում է դուրսգրման։

 

 

Լուրեր, հայտարարություններ
Էվելինա Բախշինյան․ «Բրախիթերապիայի դերն օնկոգինեկոլոգիայում» 06.04.2021

ՀՀ ԱՆ Վ․Ա․Ֆանարջյանի անվան Ռադիոգինեկոլոգիական բաժանմունքի ղեկավար Էվելինա Բախշինյանի ելույթը Հայկական Ուռուցքաբանական առաջին Կոնգրեսի ժամանակ։

Կրծքագեղձի քաղցկեղի սքրինինգի արդյունքում սպասվում է 20 տոկոսով մահացության անկում․ Արթուր Ավետիսյան 05.04.2021

Ներկա պահին շարժական մամոգրաֆը գտնվում է Վանաձոր քաղաքում։ Երեք ամսվա ընթացքում այստեղ հետազոտվել է 1300 կին, 13-ի մոտ հայտնաբերվել է քաղցկեղ։

Զարուհի Հարությունյան․ «Իմունոհիստոքիմիայի դերը կրծքագեղձի քաղցկեղի ախտորոշման մեջ» 03.04.2021

ՀՀ ԱՆ Վ․Ա․Ֆանարջյանի անվան Ուռուցքաբանության ազգային կենտրոնի Կլինիկական պաթոմորֆոլոգիայի բաժանմունքի վարիչ Զարուհի Հարությունյանի ելույթը Հայկական Ուռուցքաբանական առաջին Կոնգրեսի ժամանակ։

Հաճախ տրվող հարցեր