Էնդոսկոպիկ և ՈՒՁՀ ախտորոշման բաժանմունք

Բաժանմունքը գործում է Ուռուցքաբանության ազգային կենտրոնի հիմնադրման առաջին օրվանից։ Ստեղծման օրվանից, ախտորոշիչ և բուժական գործունեությունից զատ, բաժանմունքն ակտիվ զբաղվել է նաև էնդոսկոպիայում և սոնոգրաֆիայում նորագույն տեխնոլոգիաների ներդրմամբ։

Բաժանմունքը հիմնադրվել է բ.գ.դ., պրոֆեսոր Անդրիաս Մարտինի Համբարձումյանի ղեկավարությամբ։

Էնդոսկոպիկ և ուլտրաձայնային ախտորոշման բաժանմունքը Երևանի պետական բժշկական համալսարանի ուռուցքաբանության և ճառագայթային ախտորոշման ամբիոնների հետդիպլոմային կրթության բազա է, որտեղ մասնագիտանում են կլինիկական օրդինատորները և բժիշկ-ռադիոլոգները։
 
Բաժանմունքը նյութատեխնիկապես հագեցած է ժամանակակից էնդոսկոպիկ Olympus և Pentax և ուլտրաձայնային Toshiba Xario 200 ախտորոշիչ սարքերով։ Բաժանմունքում աշխատող վեց բժիշկ կատարում են ուլտրաձայնային և  էնդոսկոպիկ հետազոտություններ։

Էնդոսկոպիկ սարքերի ծավալը հնարավորություն է տալիս կատարել հետևյալ էնդոսկոպիկ հետազոտությունները.

	քիթըմպանի,
	կոկորդի,
	շնչափողի,
	բրոնխների,
	կերակրափողի,
	ստամոքսի,
	12-մատնյա աղիքի,
	հաստ աղիքի,
	արգանդի պարանոցի:

Ուլտրաձայնային ախտորոշման  ծավալն իր  մեջ ընդգրկում է հետևյալ օրգան-համակարգերի հետազոտությունները.

	որովայնի և փոքր կոնքի խոռոչների օրգանների,
	հետորովայնամզային տարածության օրգանների,
	կրծքագեղձի,
	վահանաձև գեղձի,
	փափուկ հյուսվածքների,
	հոդերի,
	ավշային հանգույցների,
	սրտի,
	վերջույթների, որովայնի և պարանոցի անոթների դուպլեքս հետազոտություն:

Իրականցվում  են նաև ինտրաօպերացիոն  գերձայնային հետազոտություններ և ինվազիվ միջամտություններ.

	գոյացությունների պունկցիոն բիոպսիա` գերձայնային հսկողության տակ
	մակերեսային ավշային հանգույցների պունկցիոն բիոպսիա` գերձայնային հսկողության տակ

 Բաժանմունքում գործում են նաև էլեկտրասրտագրության և էխոսրտագրության կաբինետներ։

 Բաժանմունքի վարիչ՝    Լ․Վ․Առուստամյան

Կարինե Խոնդկարյան

Արմեն Ասատրյան

Մարինե Չիվչյան

Ժասմին Ավագյան

Տաթևիկ Վարդանյան