Մեր մասին
Ընդունարան եվ Ամբուլատորիա
Ախտորոշման ծառայություն
Լաբորատոր հետազոտություններ
Կլինիկա
Տեսասրահ
Հետադարձ կապ
Այս պահին հետազոտվող պացիենտը որև գանգատ չունի: Հետազոտվում է հաստ աղու քաղցկեղի հայտնաբերման անվճար ծրագրի շրջանակում: Պարտադիր չէ գանգատ ունենալ՝ սքրինինգային այս ծրագրից օգտվելու համար: Պարտադիրը միայն տարիքն է՝ 45 և բարձր:
Վլադիմիր Նահապետյան (Ուռուցքաբանության ազգային կենտրոնի բժիշկ- էնդոսկոպիստ) - Ծրագրի ընթացքում հետազոտվել է մոտ 500 հիվանդ, 107 հիվանդի մոտ հայտնաբերվել են հաստ աղու պոլիպներ, 64 հիվանդի մոտ հայտնաբերվել է հաստ աղու քաղցկեղ:
Քաղցկեղով 64 հիվանդից 11-ի մոտ որևէ ախտանշան չի եղել, այսինքն՝ եթե այս մարդիկ պարզապես հետազոտման չգնային, իրենց հիվանդության մասին իմանալու էին արդեն այն փուլում, երբ բժիշկների համար շատ դժվար էր լինելու նրանց օգնել: Սքրինինգային ծրագրի նպատակը հենց դա է՝ քաղցկեղի վաղ հայտնաբերումը, կամ գուցե քաղցկեղ չէ, հետագայում վերածվի քաղցկեղի: Արդեն 6 ամիս Ուռուցքաբանության ազգային կենտրոնում իրականացվում է աղիքային քաղցկեղի բացահայտման անվճար ծրագիր:
Վլադիմիր Նահապետյան - Այս ծրագրի հիմնական նպատակն է՝ վաղ շրջանում հայտնաբերել հաստ աղու գոյացությունները, էնդոսկոպիկ եղանակով հեռացնել տվյալ գոյացությունները և խուսափել մեծ վիրահատություններից:
Այս 6 ամսվա ընթացքում բազմաթիվ էնդոսկոպիկ վիրահատություններ են կատարվել: Ծրագրի շրջանակում մարդկանց մոտ հայտնաբերված պոլիպները հեռացվել են: 4 հիվանդի մոտ հայտնաբերված վաղ շրջանի քաղցկեղը նույնպես հնարավոր է եղել էնդոսկոպիկ եղանակով հեռացնել:
Ովքեր գոնե թեթև գանգատներ ունեն կամ եթե նույնիսկ գանգատ չունեն, բայց ուզում են իրենց ապահով զգալ և 45 տարեկանից բարձր տարիք ունեն, կարող են դիմել Ուռուցքաբանության ազգային կենտրոն, անվճար հետազոտվել: Սպասարկվելու են բոլոր նրանք, ովքեր կհասցնեն հերթագրվել մինչև հուլիսի 1-ը:
