Այս նորաոճ կեղծամները մեր պացիենտների համար են, որոնք քիմիաթերապիայի հետևանքով մի որոշ ժամանակով զրկված են գեղեցիկ սանրվածք ունենալու հնարավորությունից։
Իհարկե, ժամանակակից բժշկությունը այդ խնդրի լուծման համար առաջարկում է արդյունավետ եղանակ՝ գլխամաշկի սառեցում, որը և հաջողությամբ կիրառվում է մեր կենտրոնում, սակայն այն ոչ բոլոր պացիենտներին, և քաղցկեղի ոչ բոլոր տեսակների դեպքում է ցուցված։
Այս կեղծամներն ու գլխարկները մեր պացիենտները կստանան անհատույց՝ ԱՄՆ-ում բնակվող մեր հայրենակցուհի Սուսաննա Թամազյանի ջանքերի շնորհիվ և «Հայաստան» համահայկական հիմնադրամի միջնորդությամբ։
Տիկին Սուսաննան բուժքույր է, աշխատում է քաղցկեղով հիվանդների հետ, և շատ լավ գիտի, թե ինչ ապրումներ են ունենում կանայք մազաթափության պատճառով։
Ուռուցքաբանության ազգային կենտրոնը շնորհակալություն է հայտնում տիկին Սուսաննային և «Հայաստան» հիմնադրանին այս փոքրիկ, բայց շատ կարևոր աջակցության համար։