Նորություններ
Շնորհավո՛ր Ամանոր և Սուրբ Ծնունդ
Շնորհավո՛ր Ամանոր և Սուրբ Ծնունդ
31.12.2021

Հարգելի՛ բուժառուներ և գործընկերներ,

 

2021 թվականը մեր Կենտրոնի համար հետևողական աշխատանքի և լուրջ ծրագրերի իրագործման տարի էր: Լայնածավալ բարեփոխումների տեմպը չի նվազել, ավելին, անցնող տարում դրանք ավելի մեծ վճռականությամբ ենք առաջ մղել՝ հավատարիմ մնալով մեր որդեգրած ռազմավարությանը՝ ՈւԱԿ-ը դարձնել պացիենտակենտրոն և միջազգային բոլոր չափանիշներին համապատասխանող բուժհաստատություն, որտեղ իրենց և՛ ֆիզիկապես, և՛ հոգեպես հարմարավետ կզգան ինչպես մեր բուժառուները, այնպես էլ մեր աշխատակիցները։

 

Սիրելի՛ բուժառուներ,

 

Մեր բոլոր ջանքերը ձեզ համար են։ Մենք ձգտում ենք հնարավորինս թեթևացնել ձեր դժվար պայքարի ընթացքը։

 

Ցանկանում եմ, որ հիվանդության ամենադժվար պահերը հետևում մնան և որ եկող տարին լինի սիրո ու նվիրումի, հաջողության և ձեռքբերումների, առողջության ու ամենանվիրական իղձերի իրականացման տարի:

 

Թո՛ղ 2022 թվականը խաղաղություն և բարօրություն բերի ձեր ընտանիքներին ու մեր երկրին:

 

Շնորհավո՛ր Ամանոր և Սուրբ Ծնունդ։

 

ՈւԱԿ տնօրեն Նարեկ Մանուկյան

Լուրեր, հայտարարություններ
«Իմ բժիշկը» հաղորդաշար, Թողարկում 3 16.05.2022

Հեռուստատեսային կրկնությունը կարող եք դիտել մայիսի 17-ին` 13:00-ին, «ԱՐՄԵՆԻԱ ԹԻ-ՎԻ»-ի և «Արմենիա Պրեմիում» հեռուստաալիքների եթերով:

ՈՒԱԿ-ի մասնագետները անվճար հետազոտություններ են կատարել «Արմավիր» ԲԿ-ում 14.05.2022

Ակցիայի շրջանակում սոնոգրաֆիկ հետազոտություն (կրծքագեղձ, վահանձև գեղձ, որովայն) անցավ շուրջ 100 քաղաքացի, նեղ-մասնագիտական խորհրդատվություններ ստացավ մարզի ավելի քան 150 բնակիչ:

Շնորհավորում ենք մեր բուժքույրերին մասնագիտական տոնի առթիվ 12.05.2022

Մեծ է ձեր դերը հիվանդների ապաքինման գործում: Նրանց ցավն ու հոգսը կիսողը, հույս ու հավատ ներշնչողն առաջին հերթին հենց դուք եք։ Շնորհակալություն ենք հայտնում ձեր սիրո համար՝ մեր հիվանդների և ձեր աշխատանքի հանդեպ:

Հաճախ տրվող հարցեր