Մեր մասին
Ընդունարան եվ Ամբուլատորիա
Ախտորոշման ծառայություն
Լաբորատոր հետազոտություններ
Կլինիկա
Տեսասրահ
Հետադարձ կապ
Այսօր` փետրվարի 3-ին, Ռուսաստանի Դաշնության Սոչի քաղաքում մեկնարկել է Հայկական ուռուցքաբանական երկօրյա կոնգրեսը, որը նվիրված է Քաղցկեղի դեմ պայքարի միջազգային օրվան (փետրվարի 4)։ Կոնգրեսի 2022թ. խորագիրն է` «Հայկական ուռուցքաբանություն. նպատակներ և իրականացման ուղիներ»։
ՀՀ ԱՆ Վ․Ա․ Ֆանարջյանի անվան Ուռուցքաբանության ազգային կենտրոնի տնօրեն Նարեկ Մանուկյանը բացման իր խոսքում ողջունեց Կոնգրեսի մասնակիցներին և մաղթեց արդյունավետ աշխատանք: Մանուկյանը նշեց, որ Կոնգրեսն արդեն երկրորդ տարին է հնարավորություն է ընձեռում ոլորտի բոլոր մասնագետներին մեկ հարկի տակ հավաքելու, քննարկելու անցնող տարվա ձեռքբերումներն ու ուղենշելու հետագա անելիքները:
Կոնգրեսի մասնակիցներին ողջունեցին նաև ՀՀ Առողջապահության նախարարի տեղեկալ Արտակ Ջումայանը, ԵՊԲՀ ռեկտոր Արմեն Մուրադյանը, Ն.Ն. Բլոխինի անվան ուռուցքաբանության գիտական կենտրոնի (ՈւԳԿ) դաշնային նախագծերի իրականացման գծով փոխտնօրեն Տիգրան Գևորգյանն ու Պոդոլսկի շրջանային կլինիկական հիվանդանոցի գլխավոր բժիշկ Վարդան Գևորգյանը:
Հյուրերն իրենց ողջույնի խոսքում կարևորեցին նման կոնգրեսների կազմակերպումը, քանի որ դրանք հնարավորություն են տալիս ընդհանրացնելու ոլորտի առաջատար մասնագետների փորձը, քննարկելու կուտակված խնդիրներն ու դրանց լուծման հնարավոր ուղիները: Կարևորվեց նաև նման հարթակների կրթական դերը, որը հնարավորություն է տալիս երիտասարդ մասնագետներին ավագ գործընկերների հետ քննարկելու արդիական խնդիրները:
Հայկական ուռուցքաբանական երկրորդ կոնգրեսին մասնակցում են 200-ից ավելի պատվիրակներ՝ Հայաստանից, Ռուսաստանից և Եվրոպայից: Երկու օրերի ընթացկում նախատեսված է մոտ 60 զեկույց. կներկայացվեն ուռուցքային հիվանդությունների բուժման նոր մեթոդներն ու մոտեցումները, քաղցկեղի կանխարգելման ուղիները, կքննարկվեն Հայաստանում քաղցկեղի դեմ պայքարի քաղաքականությունն ու ռազմավարությունը, իրականացվող միջոցառումներն ու հետագա ծրագրերը։
Կոնգրեսի աշխատանքների շրջանակում ծրագրված են զեկույցների քննարկումներ, գիտամարտ ու տարբեր մրցույթներ։ Մասնավորապես, պատվիրակների անանուն քվեարկությամբ կընտրվեն երեք լավագույն զեկուցողները, որոնց կտրամադրվի գիտաթոշակ։
***
Տեղեկանք
Հայկական ուռուցքաբանական կոնգրեսը ամենամյա է, միջոցառման նախաձեռնողն ու իրականացնողն է ՀՀ Առողջապահության նախարարության Վ․Ա․ Ֆանարջյանի անվան Ուռուցքաբանության ազգային կենտրոնը (ՈւԱԿ)՝ մի շարք հայկական ու միջազգային կազմակերպությունների հովանավորությամբ:
2022թ. Հայկական ուռուցքաբանական երկրորդ կոնգրեսի հովանավորներն ու գործընկերներն են.
Ոսկե հովանավոր
«Կոնցեռն-Էներգոմաշ» ՓԲԸ-ը՝ բժշկական և լաբորատոր սարքավորումներ ներմուծող, վաճառող և սպասարկող առաջատար ընկերություններից մեկը Հայաստանում
Արծաթե հովանավորներ
Դավիդյանց լաբորատորիաների ցանց
«Նովարտիս ֆարմա» դեղագործական ընկերություն
«Էլեկտա»՝ ճառագայթային թերապիայի սարքավորումների արտադրող
Բրոնզե հովանավորներ
«Թեոֆարմա» դեղատների ցանց
ԳեոՆալ ՍՊԸ՝ LEICA բժշկական սարքավորումների պաշտոնական ներկայացուցիչը Հայաստանում
Հոֆմանն Լյա Ռոշ դեղագործական ընկերություն
«ԱԶԱԴ Ֆարմասյութիքլզ» ՍՊԸ
