Նորություններ
ՈՒԱԿ-ի մասնագետներն անվճար հետազոտություններ են կատարել «Արմավիր» ԲԿ-ում
ՈՒԱԿ-ի մասնագետներն անվճար հետազոտություններ են կատարել «Արմավիր» ԲԿ-ում
14.05.2022

Մայիսի 14-ին Ուռուցքաբանության ազգային կենտրոնը, համագործակցելով ՀՀ Արմավիրի մարզպետարան / Armavir Administrative Region RAի և մարզի բժշկական կենտրոնի՝ Armavir Medical Centreի հետ, նախաձեռնել էր ԱՆՎՃԱՐ սոնոգրաֆիկ հետազոտություններ և նեղ-մասնագիտական խորհրդատվություններ Արմավիրի մարզում բնակվող քաղաքացիների համար:

 

Ակցիայի շրջանակում սոնոգրաֆիկ հետազոտություն (կրծքագեղձ, վահանձև գեղձ, որովայն) անցավ շուրջ 100 քաղաքացի, նեղ-մասնագիտական խորհրդատվություններ ստացավ մարզի ավելի քան 150 բնակիչ:


Ուռուցքաբանության ազգային կենտրոնի պրոֆեսիոնալ բժշկական անձնակազմի աշխատանքի շնորհիվ մեծամասնության մոտ հայտնաբերվել են տարբեր պաթոլոգիաներ. 53 հոգու մոտ ախտորոշվել է դիֆուզ-ֆիբրոզ կիստոզ մաստոպատիա, ֆիբրոադենոմա է գրանցվել 26 հոգու մոտ: Բարձր էր վահանագեղձի խնդիրներ ունեցող հիվանդների թիվը, նրանցից 6-ի մոտ ախտորոշվել է քաղցկեղ:


Հետազոտությունների արդյունքում ստուգվողների մոտ բացահայտվել են այնպիսի առողջական խնդիրներ, ինչպիսիք են լեղաքարային հիվանդությունը, արգանդի միոմաները, ձվարանի կիստաները, անգիոլիպոմաները, Էնդոմետրիումի հիպերպլազիաները և այլն:


Կատարվել են նաև բազմաթիվ նեղ-մասնագիտական խորհրդատվություններ, փոքր վիրաբուժական միջամտություններ, որոշ քաղաքացիների նշանակվել է կոնսերվատիվ բուժում:


Ռիսկային խմբում գտնվող 20 պացիենտ հնարավորություն ստացավ անցնելու ԱՆՎՃԱՐ ԿՏ հետազոտություն ՈՒԱԿ-ում:

Սիրելի՛ հայրենակիցներ,


այսօրվա ակցիայի արդյունքները ևս մեկ անգամ վկայում են` ՊԵՏՔ Է ՀԱՃԱԽԱԿԻ ՍՏՈւԳՎԵԼ. ձեր առողջությունը ձեզ համար պետք է լինի առաջնահերթություն:


ՍՏՈՒԳՎԵ՛Ք, ԿԱՆԽԱՐԳԵԼԵ՛Ք Ու ԵՂԵ՛Ք ԱՌՈՂՋ։

 

 

 
     
 
     
 
     
 
     
 




Լուրեր, հայտարարություններ
Մոռացեք ծնկի ցավի մասին․ մեր մասնագետը պատրաստ է Ձեզ օգնել 12.07.2023

Արթրոսկոպիան համարվում է ոսկե ստանդարտ ներհոդային պաթոլոգիաների ախտորոշման ժամանակ: Այն վիրաբուժական միջամտություն է, որը քիչ ինվազիվ եղանակով հնարավորություն է տալիս ներսից հետազոտելու վնասված ծնկահոդը, հայտնաբերելու գանգատների պատճառը, կատարելու ծնկահոդի վերականգնողական վիրահատություններ:

Ոլորտում՝ առաջիններից․ Արևիկ Ստեփանյանը խոսել է ՈՒԱԿ-ի՝ էլեկտրոնային համակարգի անցնելու մասին 06.07.2023

Հ․Գ․ Նշենք, որ Ուռուցքաբանության ազգային կենտրոնը պետական առաջին կառույցներից է, որտեղ ներդրվել է առողջապահական տեղեկատվական համակարգը։

ՀՀ ԱՆ Վ․Ա․ Ֆանարջյանի անվան Ուռուցքաբանության ազգային կենտրոնը հանդիսանում է Հայաստանի 6-րդ միջազգային բժշկական համագումարի գործընկերը (6 IMCA) 04.07.2023

Ուրախ կլինենք հանդիպելու և քննարկելու ոլոտի արդի մարտահրավերները, կիսվելու ոլորտային առաջադիմական փորձով:

Հաճախ տրվող հարցեր