Մեր մասին
Ընդունարան եվ Ամբուլատորիա
Ախտորոշման ծառայություն
Լաբորատոր հետազոտություններ
Կլինիկա
Տեսասրահ
Հետադարձ կապ
Ուռուցքաբանության ազգային կենտրոնում այսօր տեղի ունեցավ հերթական շաբաթական ժողովը (пятиминутка), որին մասնակցում էին կենտրոնի փոխտնօրենները, բաժանմունքների և բաժինների ղեկավարները, ՈւԱԿ-ի վարչական բաժինների ղեկավարները: Ժողովը վարում էր ՈւԱԿ տնօրեն Նարեկ Մանուկյանը:
Այս նիստը յուրահատուկ էր բոլորի համար: Այն առաջին անգամ տեղի ունեցավ ՈւԱԿ-ի՝ հիմնանորոգված և պրոֆեսոր Հայրապետ Գալստյանի անունով անվանակոչված դահլիճում:
Պրոֆեսոր Հայրապետ Գալստյանը 2002 թվականից մինչև 2014 թվականը եղել է ՈւԱԿ-ի տնօրեն: Պրոֆեսոր Գալստյանը 14 դոկտորական և 46 թեկնածուական ատենախոսությունների գիտական ղեկավար է, ում սաներն այսօր հաջողությամբ բարձր պաշտոններ են զբաղեցնում հայաստանյան և արտասահմանյան առաջատար բուժհիմնարկներում:
«Սա մեծ պատասխանատվություն է. այսուհետ մեր կենտրոնի բոլոր կարևոր որոշումները կայացվելու են մեծն պրոֆեսորի անվան դահլիճի պատերի ներսում,- ժողովի բացման խոսքում նշեց տնօրեն Մանուկյանը և հավելեց,- մենք ունենք օրինակ` ինչպիսի մասնագետ և մարդ պետք է լինենք մեր աշխատանքում ու դրանից դուրս: Մեր գործունեության հիմքում պետք է լինեն նաև պրոֆեսոր Գալստյանի խորհուրդներն ու այն նվիրումը, որով նա գալիս էր աշխատանքի երկար ու ձիգ տարիներ»:
Դահլիճի պաշտոնական բացումը տեղի կունենա ՈւԱԿ-ի 75-ամյակի տոնական միջոցառումների շրջանակում՝ ս.թ. հոկտեմբերի 8-ին:
 |
 |
|
 |
 |
|
 |
 |
|
 |
 |
