Մեր մասին
Ընդունարան եվ Ամբուլատորիա
Ախտորոշման ծառայություն
Լաբորատոր հետազոտություններ
Կլինիկա
Տեսասրահ
Հետադարձ կապ
03.08.2022
ՀՀ ԱՆ Վ.Ա. Ֆանարջյանի անվան Ուռուցքաբանության ազգային կենտրոնը, իր 75-ամյակի հոբելյանական միջոցառումների շրջանակում, հայտարարում է «Ուռուցքաբանության արդի հիմնախնդիրները Հայաստանում» թեմայով լրագրողական աշխատանքների մրցույթ։
Նյութերը պետք է անդրադառնան Հայաստանում ուռուցքաբանության ոլորտում առկա արդի հարցերին` կարևորելով հիվանդության վաղ կանխարգելումը։ Ներկայացվող նյութերը կարող են լինել տպագիր, պոդքասթ, ռադիո, հեռուստատեսային, առցանց և մուլտիմեդիա ձևաչափով:
❗️ Մրցույթին ներկայացված նյութերը պետք է պատրաստված և հրապարակված կամ հեռարձակված լինեն 2022 թ․ օգոստոսի 15-ից մինչև 2022 թ․ սեպտեմբերի 30-ն ընկած ժամանակահատվածում:
Յուրաքանչյուր լրագրող կարող է ներկայացնել մեկ աշխատանք: Նյութերը կարող են լինել հայերեն, ռուսերեն կամ անգլերեն: Մրցույթին ներկայացված նյութերի հեղինակային իրավունքները պատկանում են հեղինակներին և լրատվամիջոցներին:
Գնահատման չափանիշներ՝
• Համապատասխանություն մրցույթի թեմատիկ ուղղվածությանը
• Խնդիրների վերհանում, բացահայտում, հետաքննում և հետևողական լուսաբանում
• Օբյեկտիվություն, հավասարակշռություն, փաստերի հավաստի և ճշգրիտ ներկայացում, լրագրողական էթիկայի կանոնների պահպանում
• Նյութի ձևաչափի և մատուցման նորարար/ստեղծարար մոտեցում, նոր մեդիա գործիքների արդյունավետ կիրառում:
Մրցույթը սահմանել է հետևյալ մրցանակները՝
• 1-ին տեղ՝ 200.000 ՀՀ դրամ դրամական պարգև
• 2-րդ տեղ՝ 100.000 ՀՀ դրամ դրամական պարգև
• 3-րդ տեղ՝ 50.000 ՀՀ դրամ դրամական պարգև:
Հետաքրքրված լրագրողները իրենց նյութերը կարող են ուղարկել էլեկտրոնային տարբերակով՝ [email protected] էլ.հասցեին։ Նյութերի ներկայացման վերջնաժամկետը 2022 թ. հոկտեմբերի 1-ն է:
Մրցույթին մասնակցելու համար լրագրողները պետք է ներկայացնեն՝
• Անուն ազգանուն
• Լրատվականի անվանումը
• Հրապարակված նյութի հղումը (տպագիր հոդվածի դեպքում անհրաժեշտ է նամակին կցել նյութի սկանավորված տարբերակը)։
• Կոնտակտային տվյալներ:
Հաղթողներն ընտրվելու են մասնագիտական խորհրդի կողմից:
Մրցույթի արդյունքները կամփոփվեն ՈՒԱԿ-ի հոբելյանական միջոցառման ընթացքում՝ 2022թ. հոկտեմբերի 8-ին:
Մրցույթի վերաբերյալ հարցերի դեպքում խնդրում ենք կապ հաստատել էլ.փոստի միջոցով՝ [email protected] կամ զանգահարել՝ 091482291 հեռախոսահամարով։
