Նորություններ
Կարողանալ բացել բերանը, սնվել, ունենալ կենսապայմաններ ապրելու համար. այս ամենը՝ ՈՒԱԿ-ի մասնագետների շնորհիվ
Կարողանալ բացել բերանը, սնվել, ունենալ կենսապայմաններ ապրելու համար. այս ամենը՝ ՈՒԱԿ-ի մասնագետների շնորհիվ
27.09.2022

 

 

Ուռուցքաբանության ազգային կենտրոն մեկ շաբաթվա տարբերությամբ դիմել է 2 տղամարդ, որոնց մոտ հայտնաբերվել է նույն հիվանդությունը:


54 և 67 տարեկան տղամարդիկ Ուռուցքաբանության ազգային կենտրոն են դիմել ս.թ. սեպտեմբերի սկզբին՝գանգատվելով պարանոցի վերին երրորդականի արնահոսող հսկա գոյացության առկայությունից: Կատարված կլինիկալաբորատոր հետազությունների արդյունքում պացիենտների մոտ հայտնաբերվել է մաշկի տափակբջջային քաղցկեղ՝ ստորին ծնոտի ձախ կեսի ախտահարումով:


Կատարվել են վիրատահատություններ՝

·         ուռուցքի լայն հեռացում՝ ստորին ծնոտի ձախ կեսի մասնահատմամբ (ռեզեկցիա),

·         պարանոցի սելեկտիվ լիմֆոդեսեկցիա՝ ձախից (վերկոճային),

·         փափուկ հյուսվածքային դեֆեկտի վերականգնում՝ մեծ կրծքային լաթով:



Վիրահատությունները կատարել են Ս. Սեինյանի անվան ոսկրային ուռուցքաբանության բաժանմունքի դիմածնոտային վիրաբույժ Հայկ Բաբայանը, օրթոպեդ Համլետ Մանուկյանը, Թորակալ վիրաբուժության բաժանմունքի վարիչ Արմեն Խանոյանը, անեսթեզիոլոգ Կոնստանտին Մակարյան:



Այսպիսով՝ պացիենտների մոտ վերականգնվել են ծամիչ ապառատի ֆունկցիան, կլման ակտը: Այս վիրահատությունը եզակի է ոչ միայն Ուռուցքաբանության ազգային կենտրոնի, այլև ամբողջ Հայաստանի համար, քանի որ նման բարդության ու ծավալի վիրահատությունները քիչ հանդիպող են և պահանջում են բարձրակարգ մասնագիտական հմտություններ:


Պացիենտների վիճակը գնահատվում է բավարար, գտնվում են վերականգնողական փուլում:


Սիրելի՛ հայրենակիցներ,


ևս մեկ անգամ հորդորում ենք՝ ՍՏՈՒԳՎԵ՛Ք, կանխարգելե՛ք հիվանդության տարածումը և նվազեցրե՛ք բացասական ազդեցությունը կյանքի որակի վրա։

 

 

Լուրեր, հայտարարություններ
300-ից ավելի տավուշցիներ հնարավորություն ստացան ԱՆՎՃԱՐ հետազոտվել ՈՒԱԿ-ի մասնագետների կողմից 14.11.2022

Ուռուցքաբանության ազգային կենտրոնը, կարևորելով հիվանդությունների վաղ կանխարգելման դերը, ինչպես նաև անսալով բնակչության խնդրանքներին, Տավուշի մարզում կազմակերպել էր անվճար ծառայություններ տրամադրող ակցիա:

9 տարեկան Միլենան է՝ հպարտ, որ հաղթել է վախին 11.11.2022

Միլենայի մոտ ի ծնե եղել է ձախ ոտնաթաթի 5-րդ մատի դեֆորմացիա: Մեկ ամիս առաջ այդ հատվածում ծնողները նկատել են գոյացություն ու դիմել բժշկի: Ուռուցքաբանության ազգային կենտրոնում կատարված հետազոտությունների արդյունքում աղջկա մոտ ախտորոշվել է 5-րդ մատի օստեոխոնդրոմա:

Նոր ծառայություն ՈՒԱԿ-ում 10.11.2022

Շնորհիվ դասընթացների, որոնց մասնակցել է բժիշկը, Ուռուցքաբանության ազգային կենտրում այսուհետ հնարավորություն կլինի կատարել ծնկահոդի արթոսկոպիա:

Հաճախ տրվող հարցեր