Մեր մասին
Ընդունարան եվ Ամբուլատորիա
Ախտորոշման ծառայություն
Լաբորատոր հետազոտություններ
Կլինիկա
Տեսասրահ
Հետադարձ կապ
65 տարեկան Մհերը Ուռուցքաբանության ազգային կենտրոն է դիմել արնախխման գանգատով:
ՀՇ հետազոտությունների արդյունքում հայտնաբերվել է աջ թոքի վերին բլթի կենտրոնական քաղցկեղ:
Հաշվի առնելով ուռուցքի տեղակայումը և փոքրացման դեպքում՝ օրգանապահպան վիրահատության հնարավորությունը՝ ՈՒԱԿ-ի մասնագիտական խումբը քննարկումների արդյունքում որոշել է պացիենտին ուղարկել նախավիրահատական քիմիաթերապիայի:
Էֆեկտիվ բուժումը հնարավորություն է տվել հետագայում կատարելու նախատեսված օրգանապահպան վիրահատությունը:
Նախավիրահատական քիմիաթերապիայի երկու կուրսից հետո պացիենտը վիրահատվել է: Հեռացվել է աջ թոքի վերին բիլթը՝ շնչափողի կողմնային պատի և գլխավոր բրոնխի հատվածի հետ:
Վիրահատությունից հետո, բժիշկների ցուցումով, Մհերը ստացել է հետվիրահատական 2 կուրս քիմիաթերապիա:
Այժմ, երբ հիվանդությունը հաղթահարված է, ինքն էլ՝ առողջ, խոհարար Մհերը ժպտում է, պատմում բուժման ընթացքի, բանակում ծառայող թոռան մասին, շնորհակալություն հայտնում բժիշկներին ու ավելացնում՝ առողջությանը հետևել է պետք, խնդրի դեպքում անմիջապես դիմել բժշկի, լինել հետևողական ու ամենակարևորը՝ երբեք չհանձնվել:
