Մեր մասին
Ընդունարան եվ Ամբուլատորիա
Ախտորոշման ծառայություն
Լաբորատոր հետազոտություններ
Կլինիկա
Տեսասրահ
Հետադարձ կապ
Մարտունու շրջանի Գեղհովիտ գյուղի 3-րդ դասարանում սովորող Միլենան ընտանիքի 6 երեխաներից միջնեկն է: Իր մասին խոսելիս առանձնացնում է շատախոսությունը (բայց ոչ դասերի ժամանակ), սերը՝ դեպի Մայրենի առարկան ու հոգատարությունը՝ հատկապես 88 տարեկան պապիկի հանդեպ: Վստահեցնում է՝ պապիկի համար ամենահամեղ սուրճը ինքն է պատրաստում, հիմա էլ անհամբեր սպասում է լավանալուն ու դուրս գրվելուն, որ շարունակի հոգ տանել իրենց տան ամենամեծին։
Միլենայի մոտ ի ծնե եղել է ձախ ոտնաթաթի 5-րդ մատի դեֆորմացիա: Մեկ ամիս առաջ այդ հատվածում ծնողները նկատել են գոյացություն ու դիմել բժշկի: Ուռուցքաբանության ազգային կենտրոնում կատարված հետազոտությունների արդյունքում աղջկա մոտ ախտորոշվել է 5-րդ մատի օստեոխոնդրոմա:
Անտանելի ցավերից, քայլելու դժվարություններից ազատվելու համար կատարել է վիրահատություն՝ 5-րդ մատի եզրային մասնահատում:
Միլենան հպարտությամբ է պատմում հետվիրահատական շրջանի առաջին օրերի մասին.
«Ես ուժեղ աղջիկ եմ, առանց վախենալու ոտքս դրի գետնին ու սկսեցի քայլել: Սկզբում ցավում էր, հետո քիչ-քիչ անցավ: Հիմա շատ լավ եմ, շուտով դուրս եմ գրվելու ու գնամ տուն՝ տնեցիների համար կոֆե դնելու»:
Մաղթում ենք փոքրիկին արագ ապաքինում:
Լուսանկարները և պատմությունը հրապարակվել են ծնողների համաձայնությամբ
