Մեր մասին
Ընդունարան եվ Ամբուլատորիա
Ախտորոշման ծառայություն
Լաբորատոր հետազոտություններ
Կլինիկա
Տեսասրահ
Հետադարձ կապ
Կարևորելով գիտական գործունեությունը, գործընկերների հետ շարունակական փորձի փոխանակումը՝ ուրախությամբ հայտնում ենք, որ ՀՀ ԱՆ Վ․Ա․ Ֆանարջյանի անվան Ուռուցքաբանության ազգային կենտրոնը հանդիսանում է Հայաստանի 6-րդ միջազգային բժշկական համագումարի գործընկերը: Այն կանցկացվի ս․թ․ հուլիսի 6-8-ին Հայաստանում և Արցախում՝ «Միասին կարող ենք ավելին» կարգախոսի ներքո: Մեր կենտրոնը պատասխանատվություն է ստանձնել անցկացնելու համագումարի շրջանակում սատելիտային սիմպոզիումներից մեկը՝ նվիրված ուռուցքաբանությանը։
Սատելիտային սիմպոզիումը տեղի կունենա ս․թ․ հուլիսի 7-ին՝ 14։00-18։00-ը, «Արմենիա Մարիոթ» հյուրանոցում (հասցե՝ Ամիրյան փող., 1 շենք)։
Բուն համագումարին մասնակցության պայմաններին և վճարներին կարող եք ծանոթանալ պաշտոնական կայքէջից՝ www.6imca.am։ Պատվիրակների համար սատելիտային սիմպոզիումին մասնակցությունն անվճար է:
Աշխատանքային լեզուներն են՝ հայերեն, ռուսերեն, անգլերեն։
Ուրախ կլինենք հանդիպելու և քննարկելու ոլոտի արդի մարտահրավերները, կիսվելու ոլորտային առաջադիմական փորձերով։
Հարցերի դեպքում կարող եք գրել ՈՒԱԿ ՖԲ-յան էջին:
Սատելիտային սիմպոզիումին զեկույցով հանդես գալու ցանկության դեպքում, անհրաժեշտ է մինչ ս․թ․ ապրիլի 1-ը զեկույցի թեման, համառոտագիրը և կոնտակտային տվյալներն ուղարկել [email protected] էլ․հասեցին։ Ձեր զեկույցի ընդունման դեպքում, կազմոկմիտեն կապ կհաստատի Ձեզ հետ։
Միասին դեպի նորանոր բարձրունքներ…
