Պացիենտների համարԽորհուրդներ քաղցկեղով հիվանդներին
Բարձր տարիքային խմբի սնուցումը ուռուցքային հիվանդությունների կանխարգելման և բուժման ժամանակ
Բարձր տարիքային խմբի սնուցումը ուռուցքային հիվանդությունների կանխարգելման և բուժման ժամանակ
11.12.2019

Չարորակ ուռուցքները ախտահարում են հիմնականում բարձր տարիքային խմբի մարդկանց։ Վերջին տարիներին նկատվում է ուռուցքային հիվանդությունների աճ բոլոր տարիքային խմբերում, սակայն այն հատկապես նկատվում է 60 տ անց տղամարդկանց և 50 տ անց կանանց շրջանում։ Քաղցկեղի կանխարգելման գլխավոր ուղղություններից մեկը սնուցման կարգավորումն է։

Ուռուցքային հիվանդությունների կանխարգելման գիտականորեն հիմնավորված սննդային կանխարգելումը բաժանվում է սահմանափակ և ընդլայնված մասերի։

Սահմանափ սննդային կանխարգելում.

 

  • կիրառել էկոլոգիապես մաքուր մթերք,
  • բացառել բորբոսնած սնունդը, ապխտած մթերքը,
  • խմելու և ճաշերի պատրաստման համար կիրառել  կենցաղային ֆիլտրերով զտված ջրմուղի ջուր, ինչպես նաև աղբյուրի կամ թույլ հանքայնացված ջուր,
  • կրճատել յուղի մեջ տապակած սնունդը, պահածոյացված, մարինացված և աղ դրված մթերքը,
  • հրաժարվել ալկոհոլից կամ այն կիրառել նվազագույն քանակությամբ,
  • սովորական ֆիզիկական ակտիվության դեպքում ապահովել առօրյա սննդի կալորիականությանը՝ մինչև 2200-2500 կալորիա, պահպանել նորմալ քաշը  (մարմնի զանգվածի ինդեքսը չպետք է գերազանցի 25 կգ/մ2),
  • կրճատել ճարպի կիրառումը սննդի ընդհանուր կալորիականության մինչև 20-25%-ը (օրական 50-70 գ), սահմանափակել տրանս-ճարպերի  (մարգարինների) կիրառումը։
  • Ընդլայնված սննդային կանխարգելում.
  • սննդակարգը հնարավորին դարձնել տարատեսակ,
  • ամեն օր ընդունել մրգեր և բանջարեղեն, օրական առնվազն   5 չափաբաժին,
  • առօրյա սննդակարգում հակաքաղցկեղածին նյութեր պարունակող մթերքի ավելացում, ճաշատեսակներ՝ պատրաստված ամբողջական ձավարեղենից և հացահատիկների թեփից,  կտավատի կամ ձիթապտղի յուղ, ձկնեղեն և այլ ծովամթերքներ, դեղնականաչավուն և նարնջագույն մրգեր, բանջարեղեն՝ կանաչ թերթավոր, խաչածաղկավոր, հատապտուղներ, սոխ և սխտոր,
  • ավելացնել սննդաթելերի ընդունումը օրական  մինչև 35 գ (պարունակում են ամբողջական ձավարեղենը, հացահատիկը և թեփից պատրաստված մթերքը, մրգերը և բանջարեղենը),
  • սննդակարգը լրացնել կենսաբանական ակտիվ հավելումներով, ֆունկցիոնալ սնուցման մթերքով և հակաքաղցկեղածին նյութեր պարունակող խոտաբույսերով։


Ընդհանրապես, հարկ է քաղցկեղի սննդային կանխարգելումն սկսել մանկությունից, և դա պետք է անել ամեն օր, ամբողջ կյանքի ընթացքում, սակայն տարեց մարդկանց համար տվյալ խորհուրդները հատուկ կարևորություն ունեն։ Փորձագետների կարծիքով քաղցկեղի սննդային կանխարգելումը հնարավորություն է տալիս նվազեցնել ընդհանուր ուռուցքաբանական ռիսկը 30-40 %-ով,  իսկ առավել տարածված չարորակ ուռուցքների ռիսկը 2 և ավելի անգամ։ Կարևոր է ընդգծել, որ վերը նշված խորհուրդներն ունեն ընդհանուր բնույթ, և դրանց իրականացումը հնարավորություն է տալիս նվազեցնել ո՛չ միայն ուռուցքային հիվանդությունների, այլ նաև, այսպես կոչված,  քաղաքակրթության այլ հիվանդությունների ռիսկը, ինչպիսիք են սիրտ-անոթային հիվանդությունները, 2-րդ տիպի շաքարային դիաբետը, մետաբոլիկ համախտանիշը, ճարպակալումը։

Քաղցկեղով տառապող տարեց հիվանդի սնուցումը պետք է լինի հավասարակշռված կալորիաներով և հիմնական սննդանյութերով, ինչպիսիք են` սպիտակուցները, ճարպերը, ածխաջրերը, ինչպես նաև վիտամինները, հանքային նյութերը, այլ սննդանյութեր և ջուրը։ Բացի այդ, որոշ սննդանյութեր, ինչպես, օրինակ, օմեգա-3 պոլիհագեցած ճարպաթթուները, ֆիտոէստրոգենները, օժտված են հակաուռուցքային ազդեցությամբ, լրացնում են հիվանդիհամար նախատեսված հատուկ սննդակարգերը՝ ուղղված հատկապես ուռուցքային գործընթացի դեմ։ 

Լուրեր, հայտարարություններ
Մոռացեք ծնկի ցավի մասին․ մեր մասնագետը պատրաստ է Ձեզ օգնել 12.07.2023

Արթրոսկոպիան համարվում է ոսկե ստանդարտ ներհոդային պաթոլոգիաների ախտորոշման ժամանակ: Այն վիրաբուժական միջամտություն է, որը քիչ ինվազիվ եղանակով հնարավորություն է տալիս ներսից հետազոտելու վնասված ծնկահոդը, հայտնաբերելու գանգատների պատճառը, կատարելու ծնկահոդի վերականգնողական վիրահատություններ:

Ոլորտում՝ առաջիններից․ Արևիկ Ստեփանյանը խոսել է ՈՒԱԿ-ի՝ էլեկտրոնային համակարգի անցնելու մասին 06.07.2023

Հ․Գ․ Նշենք, որ Ուռուցքաբանության ազգային կենտրոնը պետական առաջին կառույցներից է, որտեղ ներդրվել է առողջապահական տեղեկատվական համակարգը։

ՀՀ ԱՆ Վ․Ա․ Ֆանարջյանի անվան Ուռուցքաբանության ազգային կենտրոնը հանդիսանում է Հայաստանի 6-րդ միջազգային բժշկական համագումարի գործընկերը (6 IMCA) 04.07.2023

Ուրախ կլինենք հանդիպելու և քննարկելու ոլոտի արդի մարտահրավերները, կիսվելու ոլորտային առաջադիմական փորձով:

Հաճախ տրվող հարցեր